EZEKIEL 7:16 - BUKUIT NE TILIIL Sireet ne Dutero Kanon

¹⁶ Ago chilildos icheeget che chilildos, ak koigei eng' tuloonook cheptugenigap atebwosyek, riirtos tugul, riirei chii age tugul eng' tengektanyi.

Bukuit Ne Tilil

¹⁶ Ago chilildos icheeget che chilildos, ak koigei eng' tuloonook cheptugenigap atebwosyek, riirtos tugul, riirei chii age tugul eng' tengektanyi.

BUKUIT NE TILIL

¹⁶ Ago chilildos icheget che chilildos, ak koigei eng’ tulonok cheptugenikab atebwosiek, rirtos tugul, rirei chi age tugul eng’ tengektanyi.

EZEKIEL 7:16 ပူးပေါင်းရင်းမြစ်များ

EZRAH 9:15

Ee Kamuktaindet ne Toroor, Kamuktaindetap Israel, ii po iman, amu ki piik che kigeng'etu, che kichililso, ko uu rani. Ki mi taing'ung' eng' ng'oogistonyo, amu ma mi ne imuuchi kotonon eng' taing'ung' amu niito.”

TIENWOGIKAL 55:2

Kaswa, ak iwolwoo; aiimigei amamuunyi eng' kabwaatutikyuk.

ISAIAH 1:9

Nda ki ma pagaakwech Kamuktaindet ne Toroor ne po lugoosyek ng'etunenik che ng'ering' miising', ta kiga kiwoongwech ko uu Sodom ak Gomorah.

ISAIAH 37:31

Ak piitos kogeny kobendi ng'wony tigitigap che ng'etu che chilildos che po kootap Judah, ak koiiyo logoek eng' parak.

ISAIAH 38:14

Ki atwegu anyun ko uu kibiswet anan cheptalamyat, ki ariir ko uu cheptuget. Ki anyal parak kot koimenitu konyekyuk; ee Kamuktaindet ne Toroor, anyalili, egu ne riiba.

ISAIAH 59:11

Kimorori tugul ko uu magalaluusyek, ak kitigendosi miising' ko uu cheptugenik: kicheeng'e kirwooget, ago ma mi; kicheeng'e yetunet, ago looenech.

ISAIAH 59:12

Amu ki kotesagis pistaosyekyok eng' taing'ung', ak paoryanjinech tengekwogikyok: amu mi kobootech pistaosyekyok, ak kingen tengekwogikyok:

JEREMIA 3:21

Kigasei waagaat eng' tuloonook che churyotin, riirek ak soomutigap piigap Israel; amu ki komaas ooreenywa, kigoutye Kamuktaindet ne Toroor Kamuktaindennywa.

JEREMIA 31:9

Pwoonei koriiryonu, ak amutune saautik: agoochini kobendat eng' ole neegit ainoosyek, eng' ooreet ne litit eng' ole ma kinachi: amu aa kwanda eng' Israel, ak taaitanyu Ephraim.

JEREMIA 44:14

kot koma chilil anan kong'et agot agenge eng' che kiga ng'et che po Judah, che ki pa emetap Misiri, kotebee olooto, kole koweek kobwa emetap Judah, emet ne machei kole koweekyigei koba komeny: amu ma piitu ne weechigei kobatee ne chilili.

JEREMIA 44:28

Ak koweigei icheek che chililee rotwetap chok komong' eng' emetap Misiri, kobwa Judah, che ng'ering'; ak konai tugul che ki kong'et che po Judah, che ki pa emetap Misiri koba kotebee olooto, kole ng'olyootap ng'oo ne isuldoi, nenyu anan nenywa.

JEREMIA 9:19

Amu kigasei tuugeetap kateeiyet kobunu Zion, kole, kageng'emech ne tya! Kagetoptobense miising' amu kagebagaakte emet, amu kagobut icheek meng'otosyekyok.

EZEKIEL 14:22

Ago, ogeero, kituuchi piik che ng'etu che tuun kimuti, weeriik kobooto tiibiik: ogeero, mong'jinok, ak ogeer ortinwekwak ak poisyonikwak: ak kigaigaak agobo yaityet ne koaipchi Jerusalem, agobo tugul che koaipchi.

EZEKIEL 34:6

Ki ombenioti keechiirekyuk eng' tuloonook tugul, ak eng' tulweet age tugul ne kooi: ee, kiyesta keechiirekyuk koyom ng'wony tugul; ak ki ma komi chii ne ki cheeng'at anan kosubot icheek.

EZEKIEL 36:31

Yeityo obwaat anyun ortinwekwok che yaach, ak poisyonikwok che ki ma ko myachen; ak osaske okweegei eng' taing'wong' amu tengekwogikwok ak amu tuguukwok che kiwechei.

NAHUM 2:7

Kageng'aany Huzzab, kagimut kolooit. Riirtos tiibiikyik eng' kutit ne uu ne po cheptugenik, ak korabachi tegetikwak.

SEPANIA 1:14

Kariik peetuut ne oo ne po Kamuktaindet ne Toroor, neegit ak kochogu miising', ak ko ng'waan tweguunet ne po peetuutap Kamuktaindet ne Toroor; riirei eng' olooto nyiganeet eng' tuugeet ne oo.