EZEKIEL 6:8 - BUKUIT NE TILIIL Sireet ne Dutero Kanon

⁸ Ago atuuchi che ng'etu, si kobiit onyooru che chilildos eng' rotwetap chok eng' pororyosyek, ye kiseerak obe emotinwek.

Bukuit Ne Tilil

⁸ Ago atuuchi che ng'etu, si kobiit onyooru che chilildos eng' rotwetap chok eng' pororyosyek, ye kiseerak obe emotinwek.

BUKUIT NE TILIL

⁸ Ago atuuchi che ng’etu, si kobiit onyoru che chilildos eng’ rotwetab chok eng’ bororiosiek, ye kiseerak obe emotinwek.

EZEKIEL 6:8 ပူးပေါင်းရင်းမြစ်များ

NEEMIA 1:8

Asaain ale, ibwaat ng'olyoot ne ki ing'at otwogindeng'ung' Musa, ileenji, ‘Ngot obistoe aiyestook obe ye mi pororyosyek,

ISAIAH 6:13

Ak ngot kota komi kebeberta agenge eng' taman, keamei kogeny, keetit ne kiguure alayet anan keetit age ne uu tarakwet, che ng'etu musugikwak ye kageep.” Uu nooto musugyet, iyoteet ne tiliil ko tigitikyik.

JEREMIA 30:11

Amu ami kobooten, mwaei Kamuktaindet ne Toroor, si asaruun; amu ageesu pororyosyek tugul che kigayestochin, ago magesun inyee; ago atigoonenen kirwooget, amabagaaktoin ama kibirin.

JEREMIA 44:14

kot koma chilil anan kong'et agot agenge eng' che kiga ng'et che po Judah, che ki pa emetap Misiri, kotebee olooto, kole koweek kobwa emetap Judah, emet ne machei kole koweekyigei koba komeny: amu ma piitu ne weechigei kobatee ne chilili.

JEREMIA 44:28

Ak koweigei icheek che chililee rotwetap chok komong' eng' emetap Misiri, kobwa Judah, che ng'ering'; ak konai tugul che ki kong'et che po Judah, che ki pa emetap Misiri koba kotebee olooto, kole ng'olyootap ng'oo ne isuldoi, nenyu anan nenywa.

JEREMIA 46:28

Meiywei, ee Jakobo otwogindennyu, mwaei Kamuktaindet ne Toroor; amu ami kobooten: amu ageesu pororyosyek tugul che kigaonjin, ago magesun; ago atigoonin eng' kirwooget, amabagaaktoin ama kibirin.

EZEKIEL 12:16

Ago atuuchi piik che ng'ering' eng' icheek kochililee rotwetap chok, ak rubeet, ak koroito; si kobiit kobarta tuguukwak tugul che kiwechei eng' pororyosyek ole tuun pendi; si konai kole aa Kamuktaindet ne Toroor.

EZEKIEL 14:22

Ago, ogeero, kituuchi piik che ng'etu che tuun kimuti, weeriik kobooto tiibiik: ogeero, mong'jinok, ak ogeer ortinwekwak ak poisyonikwak: ak kigaigaak agobo yaityet ne koaipchi Jerusalem, agobo tugul che koaipchi.

EZEKIEL 5:10

Amei anyun kwanisyek weeriik eng' kwenung'ung', ak koam weeriik kwanisyekwak; ak ayai kirwoogutik eng' inyee, ak aseer piik tugul che ng'etu eng' okweek, aseerchi usoonaik tugul.

EZEKIEL 5:12

Meei kebeberta agenge eng' somok eng' inyee eng' koroito, ak kigeesu icheek eng' rubeet eng' kwenung'ung'; ak kobek eng' rotwetap chok kebeberta agenge eng' somok, eng' komosweguk tugul; ak aseer kebeberta agenge eng' somok koba koriswek tugul, ak ang'usu rotwetap chok koosup icheek.

EZEKIEL 5:2

Ak ibeel kebeberta agenge eng' somok eng' kwenutap nganaseet, ye kagosulda peetuusyegap yiemet; ak iip kebeberta age eng' somok ak irarate iep kotuiyo eng' rotwonooto po chok; ak iseerte kebeberta agenge eng' somok koip usoonet, ak ang'usu rotwetap chok asube icheek.

EZEKIEL 6:7

Ak kobutyo eng' kwenung'wong' che tuun ki parei, si onai ole aa Kamuktaindet ne Toroor.

EZEKIEL 7:16

Ago chilildos icheeget che chilildos, ak koigei eng' tuloonook cheptugenigap atebwosyek, riirtos tugul, riirei chii age tugul eng' tengektanyi.

SEPANIA 3:12

Ago abagachi eng' kwenung'ung' piik che kinyaliili ak ko kibananook, ak komong' icheek kainetap Kamuktaindet ne Toroor.

ROMANIK 9:27

Ak ki mwa Isaiah eng' kutit ne oo agobo Israel, kole, “Agot ngo koitetap piigap Israel ko tee ng'aniegap nyanjet, kesaru che ki ng'et;