EZEKIEL 6:7 - BUKUIT NE TILIIL Sireet ne Dutero Kanon

⁷ Ak kobutyo eng' kwenung'wong' che tuun ki parei, si onai ole aa Kamuktaindet ne Toroor.

Bukuit Ne Tilil

⁷ Ak kobutyo eng' kwenung'wong' che tuun ki parei, si onai ole aa Kamuktaindet ne Toroor.

BUKUIT NE TILIL

⁷ Ak kobutyo eng’ kwenung’wong’ che tun kibarei, si onai ole a Jehovah.

EZEKIEL 6:7 ပူးပေါင်းရင်းမြစ်များ

2 LAITORINIK 19:19

Ara anyun, ee Kamuktaindet ne Toroor, Kamuktaindennyo, asaain ale sarwech eng' eunnyi, si konai laitornatosyek tugul che po ng'wony kole ii Kamuktaindet ne po Toroornatet, inyee inyegei.”

KOMONG'U 14:18

Ye kaanyoorunee teegisto Pharaoh, kariisyekyik, ak piikyik che ketei paraisisyek, konai Misiriik kole aa Kamuktaindet ne Toroor.”

KOMONG'U 14:4

Eng' yooto kogeny auuiiti muguleldap Pharaoh si koosup icheek ak anyoorunee teegisto Pharaoh ak lugeennyi tugul si konai Misiriik kole aa Kamuktaindet ne Toroor.” Ki yai anyun piigap Israel ko uu nooto.

KOMONG'U 7:5

Ye achuul eunnyu atokyi Misiri, ak among'u piigap Israel eng' kwenunnywa, konai Misiriik kole aa Kamuktaindet ne Toroor.”

JEREMIA 14:18

Ngot ale awo mbar, ageere che ki kebare rotwetap chok! Ak ngot ale awo nganaseet, ageere ale miitei che nyaluldos amu rubeet! Amu pendoti eng' emet maotik ak tisiik ama tinyei naet.”

JEREMIA 18:21

Igoite anyun lagokwak, kobar rubeet, ak igoite icheek kobar rotwetap chok; ak ingobetyi lagok osotikwak, ak koek mosoogik; ak ingobar meet murenikwak, ak ingobar rotwetap chok neranikwak eng' lugeet.

JEREMIA 25:33

Ak konyi emet eng' peetuunooto piik che parei Kamuktaindet ne Toroor, kobooch tabanda age ne po ng'wony agoi tabanda age: ma mi chii ne iteei agobo icheek, ama kiyumi, ama kitubei; egu ng'atateek eng' emet.

RIREKAB JEREMIA 4:9

Kaigaen icheeget che parei rotwetap chok kosiir icheeget che parei rupeet; che mandoi sabeet mutyo, amu ma nyoor amitwogigap mbar.

EZEKIEL 11:10

Obegu eng' rotwetap chok; arwookwok eng' kiwotetap Israel; si onai ole aa Kamuktaindet ne Toroor.

EZEKIEL 11:12

ak onai ole aa Kamuktaindet ne Toroor: amu ma obendate ng'atuutikyuk, ama oyai kirwoogutikyuk, ago ki osup kirwoogutigap pororyosyek che mi komoswekwok.

EZEKIEL 12:15

Ak konai kole aa Kamuktaindet ne Toroor ye aiyeste icheek eng' pororyosyek, ak aseer icheek koyom emotinwek.

EZEKIEL 12:19

ak ileenji piigap emet, Mwaei Kiptaiyat Kamuktaindet ne Toroor agobo piik che menyei Jerusalem, ak che po emetap Israel kole: Kendoi amitwogikwak, ak koeei peekwak eng' kwong'eet, si koek karaatya emennyi eng' tuguuk tugul che mi, amu koroomnatetap piik tugul che menyei olooto.

EZEKIEL 13:14

Abute anyun inaatut ne ki omale taartaarik che ma myachen, ak aluul kot kotook lumeiywekyik: ak kobut, ak kigeswok eng' kwenunnyi; si onai ole aa Kamuktaindet ne Toroor.

EZEKIEL 13:21

Agereeri angookwok ak icheek, ak asaru piikyuk komong' eng' eunekwok, si ma kotebee eunekwok kogeny si keriichei; si onai ole aa Kamuktaindet ne Toroor.

EZEKIEL 13:23

ma ogeere anyun tangoita, anan ong'orse; ak asaru piikyuk komong' eng' eunekwok; si onai ole aa Kamuktaindet ne Toroor.

EZEKIEL 13:9

Ak koborye eunnyu maotik che keerei tangoita, ak che ng'orei lembechek: matebee kapkirwoogetap piikyuk, ama kisirchin bukuit ole kisirchin kootap Israel, ama pendi emetap Israel; si onai ole aa Kiptaiyat Kamuktaindet ne Toroor.

EZEKIEL 14:8

Ak auuiit togeennyu aborye chiichooto, ak ayai ineendet koek ne kikwong'ee, koek kaboorunet ak kalewenet, ak aistoe ineendet eng' piikyuk; si onai ole aa Kamuktaindet ne Toroor.

EZEKIEL 15:7

Ak auuiit togeennyu aborye icheek; mandoe maat, ago peelei maat icheek; si onai ole aa Kamuktaindet ne Toroor, ye auuiit togeennyu aborye icheek.

EZEKIEL 20:26

ak ki amurwon icheek eng' konunoikwak icheegei, amu ki igoito lagok tugul che yaatei iyoteet kobun maat, si kobiit agoochi icheek kobononso, si konai kole aa Kamuktaindet ne Toroor.

EZEKIEL 20:38

Ak atiliilok aiste ngelelik eng' kwenung'wong', ak icheek che ki ingelelja; amutu icheek komong' eng' emet ne kigaba kotebee, ago ma pendi emetap Israel: si kobiit onai ole aa Kamuktaindet ne Toroor.

EZEKIEL 20:42

Ak onai ole aa Kamuktaindet ne Toroor, ye amutwok obwa emetap Israel, emet ne ki aitoochi eunnyu ale agoochini kwanisyekwok.

EZEKIEL 20:44

Ak onai ole aa Kamuktaindet ne Toroor, ye kaaboisye agobo okweek amu kainennyu, ma ko uu ortinwekwok che yaacheen, ama ko uu poisyonikwok che samis, ee okweek kootap Israel, mwaei Kiptaiyat Kamuktaindet ne Toroor.

EZEKIEL 22:16

Ak imurwongei inyegei, eng' taitap pororyosyek; si kobiit inai ile aa Kamuktaindet ne Toroor.

EZEKIEL 23:49

Ak kogeerwok ko uu yaityeng'wong', ak ogesen tengekwogigap kanamonikwak: si onai ole aa Kiptaiyat Kamuktaindet ne Toroor.

EZEKIEL 24:24

Egu anyun Ezekiel kaboorunet eng' okweek; oyae ko uu tugul che ki koyai ineendet: ye nyo niito, onai anyun ole aa Kiptaiyat Kamuktaindet ne Toroor.

EZEKIEL 24:27

Eng' peetuunooto, ing'alaaljini ineendet, ama konamageen kuut kogeny: iegu anyun kaboorunet eng' icheek; ak konai icheek kole aa Kamuktaindet ne Toroor.

EZEKIEL 25:17

Ak ayaakyi icheek mugetuut ne koroom, eng' kereetap kong' ne ng'waan; si konai kole aa Kamuktaindet ne Toroor, ye ayaakyini icheek mugetuut.

EZEKIEL 26:6

Ak kebare rotwetap chok tiibiikyik che mi emet: si konai kole aa Kamuktaindet ne Toroor.

EZEKIEL 28:23

Amu ayookyini ineendet koroito ak korotiik eng' ortinwekyik; ak kobutyo eng' kwenunnyi icheek che kogiguoten, che kiguoteni eng' rotwetap chok eng' komosta age tugul; si konai kole aa Kamuktaindet ne Toroor.

EZEKIEL 30:26

Ak aseer Misiriik koba pororyosyek, ak aiyestochi emotinwek; si konai kole aa Kamuktaindet ne Toroor.

EZEKIEL 32:15

Ye tuun ayai emetap Misiri koguber ak koek karaatya, emet ne ma komi tuguuk che ki nyiitaat, ye abar tugul che menyei olooto, konai anyun kole aa Kamuktaindet ne Toroor.

EZEKIEL 35:15

Ko uu ye ki ibaibaitune poroteetap kootap Israel, amu kiguber, ayaun ko uu nooto: iguberi, ee, inyee tulweetap Seir, ak Edom komugul, komosato tugul; si konai icheek kole aa Kamuktaindet ne Toroor.

EZEKIEL 38:23

Ak atoroorge, ak atabaangei, ak abartegei eng' taitap pororyosyek che chaang'; si konai icheek kole aa Kamuktaindet ne Toroor.

EZEKIEL 6:13

Ak onai ole aa Kamuktaindet ne Toroor, ye tuun mi piikwak che kigebar, kobooto kanamonikwak, che mi kapkorosusyekwak komoswekwak tugul eng' tulweet age tugul ne ming'in ne toroor, eng' walisyek tugul che po tuloonook, ak eng' kelutap keetit age tugul ne tuon, ak eng' kelutap keetit age tugul ne nyigiis, ole kibeeljine kanamonikwak tugul nyamdutik.

EZEKIEL 6:6

King'emei nganasook eng' meng'otosyekwok tugul, ak koek karatwek komoswek che torooreen; si kobiit keng'em kapkorosusyekwok ak keyai koek karatwek, ak ketui kanamonikwok kobetyo, ak keep kanamonikwok che po asiista, ak kigees poisyonikwok.

EZEKIEL 6:8

Ago atuuchi che ng'etu, si kobiit onyooru che chilildos eng' rotwetap chok eng' pororyosyek, ye kiseerak obe emotinwek.

EZEKIEL 7:4

Amarirenen kondanyu, ama riira moo: ago aibu ortinweguk, ak kotebee kwenung'ung' tuguuguk che po wegeet: si onai ole aa Kamuktaindet ne Toroor.

EZEKIEL 7:9

Amarirenen kondanyu, ama riira moo: aibun ko uu ortinweguk, ak kotebee kwenung'ung' tuguuguk che po wegeet; si onai ole aa Kamuktaindet ne Toroor ne abirisyei.

EZEKIEL 9:7

Ak ki leenji icheek, Ong'wanit koot, ak onyiit seremusyek piik che kagebar: oba anyun. Ki pa anyun ak ki paris eng' nganaseet.