EZEKIEL 6:6 - BUKUIT NE TILIIL Sireet ne Dutero Kanon

⁶ King'emei nganasook eng' meng'otosyekwok tugul, ak koek karatwek komoswek che torooreen; si kobiit keng'em kapkorosusyekwok ak keyai koek karatwek, ak ketui kanamonikwok kobetyo, ak keep kanamonikwok che po asiista, ak kigees poisyonikwok.

Bukuit Ne Tilil

⁶ King'emei nganasook eng' meng'otosyekwok tugul, ak koek karatwek komoswek che torooreen; si kobiit keng'em kapkorosusyekwok ak keyai koek karatwek, ak ketui kanamonikwok kobetyo, ak keep kanamonikwok che po asiista, ak kigees poisyonikwok.

BUKUIT NE TILIL

⁶ King’emei nganasok eng’ meng’otosiekwok tugul, ak koek karatwek komoswek che tororen; si kobiit keng’em kapkorosusiekwok ak keyai koek karatwek, ak ketui kanamonikwok kobetyo, ak keeb kanamonikwok che bo asista, ak kiges boisionikwok.

EZEKIEL 6:6 ပူးပေါင်းရင်းမြစ်များ

1 LAITORINIK 14:23

Amu kiteekyigei ak icheek komoswek che torooreen, tolochik ak Aserik eng' tulweet age tugul ne kooi ak eng' keetit keel eng' keetit age tugul ne tuon.

TIENWOGIKAL 115:8

Kergeitu icheeget che kiyaei ak tuguuchooto; uu nooto age tugul ne imang'u chooto.

ISAIAH 1:31

Ak koigei che kiimeen katanisyek che arurendos, ak koigei poisyennyi maat ne iteri; ak kolalyo tuwai, ama piitu ne imisi.

ISAIAH 2:18

Ak igeesugei kanamonik.

ISAIAH 2:20

Eng' peetuunooto ko laktoi chiito kanamonikyik che po fedha, kolaktoochi pung'ung'onik ak reresik ak kanamonikyik che po thahabu, che ki kiyachi ineendet si kosa,

ISAIAH 27:9

Tuun kiuundoi anyun eng' niito yaityetap Jakobo, ak chuuto ko logoek tugul che ki istoe tengektanyi; ye kagoyai koik tugul che po kaptisisyet kogergeit ak taartaarik che ki kitui, kot koma kong'eetos kogeny keetiik che po ole kisaae ak itoonwegap asiista.

ISAIAH 6:11

Ki ateebee anyun, ale, “Ee Kiptaiyat, tyanitu?” Ak ki wol kole, “Agoi tuun koguber nganasook kot koma komi piik kooriik, ak koek emet kipkubere miising'

ISAIAH 64:10

Ki koek ong'ateet nganasoguk che tiliileen, koek Zion surkwen, koek Jerusalem karaatya.

JEREMIA 10:22

Ogaso! Kigasei ng'aleek kobwanei, ak kirgirenet ne oo komang'une emetap murot kaataam, si kobiit koyai nganasoogap Judah koek karaatya, ole menyei lelwek.

JEREMIA 17:3

ak eng' tulweennyu ne mi kewanin. Achandoi keip tuguuguk che po kamanuut ak konoraiguk tugul, ak komosweguk che torooreen, amu tengekto eng' kiwotosyeguk tugul.

JEREMIA 2:15

Kigoborisenji `ng'etuunyik ineendet, ak komororso miising'. Kigong'em emennyi koek karaatya, ki kebeel nganasookyik, ak ma komenyei chii.

JEREMIA 34:22

Ogeero, ang'ate, mwaei Kamuktaindet ne Toroor, ak aweekyi icheek nganasani; ak kobargei ak nganasani, ak koluul, ak kobeel: ak ayai nganasoogap Judah koek surkwen, ole ma komenyei chii.

JEREMIA 51:18

Puch chooto, poisyetap ng'aalseet: petos eng' peetuut ne ityin pirennywa.

JEREMIA 9:10

Amu ariire ak atei agobo tuloonook, ak amosiseni agobo ole agete tuguuk eng' surkwen, amu kagolalyo, kot koma kobunei chii; ama komuuchi kogas piik kautetap tuuga; kogomwei toriitigap parak ak tyong'ik.

JEREMIA 9:11

Mwaei Kamuktaindet anyun kole, Ayaei Jerusalem koek karurugutigap karain, olooto menyei lelwek; ak ayai nganasoogap Judah koek karaatya, ole ma menyei chii.

JEREMIA 9:19

Amu kigasei tuugeetap kateeiyet kobunu Zion, kole, kageng'emech ne tya! Kagetoptobense miising' amu kagebagaakte emet, amu kagobut icheek meng'otosyekyok.

EZEKIEL 12:19

ak ileenji piigap emet, Mwaei Kiptaiyat Kamuktaindet ne Toroor agobo piik che menyei Jerusalem, ak che po emetap Israel kole: Kendoi amitwogikwak, ak koeei peekwak eng' kwong'eet, si koek karaatya emennyi eng' tuguuk tugul che mi, amu koroomnatetap piik tugul che menyei olooto.

EZEKIEL 16:39

Ak andein eunekwak, ak kobut oldang'ung' ne tagunoot, ak kobut oldinweguk che kitororitu; ak koreegunenen ngoroiguk, ak koip sonoeguk che korooron: ak kobagachin imi puch aach ngor.

EZEKIEL 30:13

Mwaei Kiptaiyat Kamuktaindet ne Toroor kole: Ang'eme kanamonik ak icheek, ak ageesu itoonwegap tuguuk che ma tilei kiy, eng' Nop; ama kobiitu kogeny pounindet eng' emetap Misiri: ak ande kaiyweisyet emetap Misiri.

EZEKIEL 35:4

Abute nganasoguk, ak iegu karaatya; si inai ile aa Kamuktaindet ne Toroor.

EZEKIEL 5:14

Kogeny ayain iegu karaatya ak ne kiteweeri, eng' pororyosyek che mi komosweguk tugul, eng' taitap icheek tugul che siirtoi.

EZEKIEL 6:4

Ak koek karatwek kapkorosusyekwok, ak ketui kanamonikwok che po asiista: ak awirte piikwok che kigebar, eng' taitap kanamonikwok.

EZEKIEL 6:7

Ak kobutyo eng' kwenung'wong' che tuun ki parei, si onai ole aa Kamuktaindet ne Toroor.

HOSEA 10:2

Pcheat muguleldanywa; tinyei ng'oogisto: putei Kamuktaindet ne Toroor kapkorosusyekwak, ng'emei tolochikwak.

HOSEA 10:8

King'emei kogeny komoswek che torooreen che po Aben, tengektap Israel: piitos katook che toorei piich ak che rutei piich eng' kapkorosusyekwak; ak koleenji icheek tuloonook, otuchech ak koleenji tuloonook che mengeechen, oluuljech.

ATEPTAP LAWIK 26:30

Ang'eme awong'u komoswekwok che torooreen ak aluul kanamonikwok che po asiista, ak awirchi muuswekwok ole mi muuswegap kanamonikwok, ak kowechok saboondanyu.

ATEPTAP LAWIK 26:31

Ayae nganasookwok koek karotwek, ak ayai oldinwekwok che tiliileen koek kipkuberet, ma achame kong'ucha anyinyindap nyamdutikwok.

MIKAH 1:7

Ak kebir ketuatui kanamonikyik tugul che ki kiwai, ak kebeel melekwekyik tugul, ak ang'em kanamonikyik tugul: amu ki iyumune chooto melektap kugoinatet, ak koweekyigei melektap kugoinatet.

MIKAH 3:12

Kibati anyun Zion agobo okweek ko uu ye kibati mbareet, ak koek Jerusalem karurugutik, ak koigei tulweetap koot komoswek che torooreen che po timiin.

MIKAH 5:13

ak aiste eng' kwenung'ung' kanamoniguk che ki kiwai ak tolochiguk; ak ma ilasu kogeny poisyonigap euneguk.

HABAKUK 2:18

Tilei nee kanamwet ne ki kiwai, kot koyai musogindet; ak tilei nee kanamwet ne kitanyi, ak kaneetindetap lembechek, kot koomang' kitang'indet ne yaei, kot kotany kanamonik che ma twegu?

SEPANIA 1:18

Ama imuuchi fedhaisyekwak anan thahabusyekwak kosar icheek eng' peetuutap nereegegap Kamuktaindet ne Toroor; ago kibeelei emet komugul eng' maatap ng'etkondanyi: igeesu, ee, igeesu eng' kamuiset icheek tugul che menyei emet.

SEKARIA 13:2

Ak mwaei Kamuktaindet ne Toroor ne po lugoosyek kole tuun aistoi eng' peetuunooto kainaigap kanamonik eng' emet, ama kibwaati kogeny: ak aiste kogeny maotik ak tamirmiryet ne murwoon eng' emet.

1 SAMUEL 5:4

Ago ye kingo ng'eetyo karon miising' eng' peetuutap somok, ko kogoluul Dagon kogeny kosyep moo eng' taitap moingetap Kamuktaindet ne Toroor. Kiga kong'et metitap Dagon kobooto eunekyik tuwai, ak ki ruei eng' kurgat. Ki ng'eet ineegei poorto komugul.