EZEKIEL 6:11 - BUKUIT NE TILIIL Sireet ne Dutero Kanon

¹¹ Mwaei Kiptaiyat Kamuktaindet ne Toroor kole: “Irabaach eng' eung'ung' ak ityech eng' keeldong'ung',” ak ile, pwo amu tuguuk tugul che kiwechei che po kootap Israel: amu parei icheek rotwetap chok, ak rubeet, ak koroito.

Bukuit Ne Tilil

¹¹ Mwaei Kiptaiyat Kamuktaindet ne Toroor kole: “Irabaach eng' eung'ung' ak ityech eng' keeldong'ung',” ak ile, pwo amu tuguuk tugul che kiwechei che po kootap Israel: amu parei icheek rotwetap chok, ak rubeet, ak koroito.

BUKUIT NE TILIL

¹¹ Mwaei Kiptaiyat Jehovah ko u ni kole: Irabach eng’ eung’ung’ ak itiech eng’ keldang’ung’, ak ile, Bwa! Amu tuguk tugul che kiwechei che yaachen che bo gotab Israel: amu barei ichek rotwetab chok, ak rubet, ak koroito.

EZEKIEL 6:11 ပူးပေါင်းရင်းမြစ်များ

ISAIAH 58:1

Waach miising', amesiis, waach ko uu iryageet, ak imwachi piikyuk pistoennywa, ak imwachi kootap Jakobo tengekwogikwak.

JEREMIA 16:4

‘Pegu icheek eng' meet ne ng'waan; ma kiriirchin, ama kitubei. Igeitu ng'atateek eng' ng'wony ak ki pare rotwetap chok ak rubeet; si koek muuswekwak amitwogigap toriitigap parak ak tyong'igap ng'wony.’ ”

JEREMIA 24:10

Ak ayookyi icheek rotwetap chok, rubeet, ak koroito, agoi kogeskei eng' emet ne ki agoochi icheek ak kwanisyekwak.

JEREMIA 30:7

Pwo eng' peetuunooto, peetuut ne oo ne ma mi ne kergei: peetuutap nyalilda eng' Jakobo; nga kisaru eng' nyalilato.

JEREMIA 42:22

Onai anyun komyee ole, obegu eng' rotwetap chok, ak eng' rubeet, ak eng' koroito, eng' ole omache obe otebee.

JEREMIA 9:1

Kata myee nda ka peei kityo metinnyu, ak ko kondametutap peegap kong' konyekyuk, si kobiit ariir peet ak kemoi agobo che ki kibar che po piikyuk!

JEREMIA 9:10

Amu ariire ak atei agobo tuloonook, ak amosiseni agobo ole agete tuguuk eng' surkwen, amu kagolalyo, kot koma kobunei chii; ama komuuchi kogas piik kautetap tuuga; kogomwei toriitigap parak ak tyong'ik.

EZEKIEL 14:21

Amu mwaei Kiptaiyat Kamuktaindet ne Toroor kole: Kotam nee anyun ye ayookyi Jerusalem kirwoogutikyuk ang'wan che ng'woneen; rotwetap chok, ak rubeet, ak tyong'ik che yaacheen, ak koroito, si kobar chii ak tyony?

EZEKIEL 21:19

Ee, weeriitap chii, lewenjige kogeny ortinwek aeng', si kobiit konyo rotwetap chok ne po laitoryatap Babilon; punu chooto tuwai emet agenge; ak iaror komosta eng' sireet, iaror eng' tabandap ooreet ne wendi nganaseet.

EZEKIEL 25:6

Amu mwaei Kiptaiyat Kamuktaindet ne Toroor kole: Amu ki irabrap euneguk, ak itwaltwal, ak ibaibaitu eng' koroomnateet tugul ne mi saboondang'ung' agobo emetap Israel;

EZEKIEL 33:27

Mwachi anyun pichooto ko uu ni ileenji, mwaei Kiptaiyat Kamuktaindet ne Toroor kole: Ko uu ye asabe, ki pare iman rotwetap chok icheek che mi komoswek che karatwek, ak agoochini koam tyong'ik ineendet ne mi kewanin, ak kobar koroito icheek che mi irimoik ak che mi kebenonik.

EZEKIEL 5:12

Meei kebeberta agenge eng' somok eng' inyee eng' koroito, ak kigeesu icheek eng' rubeet eng' kwenung'ung'; ak kobek eng' rotwetap chok kebeberta agenge eng' somok, eng' komosweguk tugul; ak aseer kebeberta agenge eng' somok koba koriswek tugul, ak ang'usu rotwetap chok koosup icheek.

EZEKIEL 6:10

Ak konai kole aa Kamuktaindet ne Toroor: ma amwa puch ale ayachini icheek yaityoni.

EZEKIEL 7:12

Kagoit peetuusyek, riigu peetuut: amat kobaibait alindet, anan koaragen aldaindet: amu miitei nereegek eng' chaang'indonywa tugul.

EZEKIEL 7:15

Mi saang' rotwetap chok, komi oriit koroito, ak rubeet: ineendet ne mi mbar komeei eng' rotwetap chok; ak ineendet ne mi nganaseet, koamei rubeet ineendet ak koroito.

EZEKIEL 9:4

Ak ki leenji `Kamuktaindet ne Toroor ineendet, Ui pun kwenutap nganaseet, kwenutap Jerusalem, ak ing'ooch turyosyegap togoochigap piik che tigendos ak koriirtos agobo tuguuk tugul che kiwechei che ki yai eng' kwenunnyi.

JOEL 1:15

Pwo amu peetuunooto! Amu kagoriik peetuutap Kamuktaindet ne Toroor, ak nyoonei ko uu ng'emisyet ne punu Ineendet Ne po Kamuktaet.

AMOS 5:16

Mwaei anyun Kamuktaindet ne Toroor, Kamuktaindet ne po lugoosyek, ineendet Kiptaiyat, kole, piitu kateeiyet eng' ortinwek tugul che paraen; ak komwa eng' ortinwek tugul kole, pwo! pwo! Ak koguur kabatindet konyo koriir, ak koguur che ingen koteiyo, koriiryo.

KAITOSYEK 24:10

Ki nereech kot Balak agobo Balaam. Ki irabaach eunekyik ak ki leenji Balaam, “Ki aguurin inyoo ichup puunikyuk, keero, kaiberuur icheek iman miising' konyil chu somok.

NG'ANG'UTYET 18:10

kotonondos eng' ole loo amu kayweetap ng'wanindanyi, koleen, “Pwo! Pwo! Wee nganaseet ne oo, Babilon, nganaseet ne kiim! Amu kait kirwoogeng'ung' eng' sait agenge.”