EZEKIEL 5:2 - BUKUIT NE TILIIL Sireet ne Dutero Kanon

² Ak ibeel kebeberta agenge eng' somok eng' kwenutap nganaseet, ye kagosulda peetuusyegap yiemet; ak iip kebeberta age eng' somok ak irarate iep kotuiyo eng' rotwonooto po chok; ak iseerte kebeberta agenge eng' somok koip usoonet, ak ang'usu rotwetap chok asube icheek.

Bukuit Ne Tilil

² Ak ibeel kebeberta agenge eng' somok eng' kwenutap nganaseet, ye kagosulda peetuusyegap yiemet; ak iip kebeberta age eng' somok ak irarate iep kotuiyo eng' rotwonooto po chok; ak iseerte kebeberta agenge eng' somok koip usoonet, ak ang'usu rotwetap chok asube icheek.

BUKUIT NE TILIL

² Ak ibeel kebeberta agenge eng’ somok eng’ kwenutab nganaset, ye kagosulda betusiekab yiemet; ak iib kebeberta age eng’ somok ak irarate ieb kotuiyo eng’ rotwonoto bo chok; ak iseerte kebeberta agenge eng’ somok koib usonet, ak ang’usu rotwetab chok asube ichek.

EZEKIEL 5:2 ပူးပေါင်းရင်းမြစ်များ

JEREMIA 13:24

Ayestoi anyun icheek, ko uu mobeek che ibei usoonetap surkwen.

JEREMIA 15:2

Ak ngo teebenen koleenjin, kibendi ano? Imwachi anyun ileenji, mwaei Kamuktaindet ne Toroor kole, Che po meet, kobendi meet, che po rotwetap chok, kobendi rotwetap chok, che po rubeet, kobendi rubeet, ak che po luuleet, kobendi luuleet.

JEREMIA 24:10

Ak ayookyi icheek rotwetap chok, rubeet, ak koroito, agoi kogeskei eng' emet ne ki agoochi icheek ak kwanisyekwak.

JEREMIA 38:2

mwaei Kamuktaindet ne Toroor kole, ineendet ne tebee nganasani, kebarei eng' rotwetap chok, ak eng' rubeet, ak eng' koroito: ago ineendet ne wendi kap Kaldeik kosabei ak koek sabeennyi ne kiluulei.

JEREMIA 39:1

Ak kingo kageluul Jerusalem (eng' kenyiitap sogool ne po Zedekiah laitoryatap Judah, eng' arawetap taman, konyo Nebukadresar laitoryatap Babilon kobooto lugeennyi tugul kobookyi Jerusalem, ak koyiem;

JEREMIA 39:2

ki kibut nganasanooto eng' kenyiitap taman ak agenge ne po Zedekiah, eng' arawet ne po ang'wan, eng' peetuutap sogool ne po arawanooto:)

JEREMIA 9:15

Mwaei anyun Kamuktaindet ne Toroor ne po lugoosyek, Kamuktaindetap Israel, kole, “Abae pichuuto ng'wonet ak anage icheek peek che po kipsegetetyet koe.

JEREMIA 9:16

Ak ayestochi icheek pororyosyek, che ki ma nai icheek anan kwanisyekwak. Ayooktoi rotwetap chok koosup icheek, kot ageesu.”

EZEKIEL 12:14

Ak aiyeste koba usoonet age tugul, piik tugul che miitei komoswekyik kotoret ineendet, ak lugosyekyik tugul; ak ang'usu rotwetap chok asube icheek.

EZEKIEL 17:21

Ak kebare rotwetap chok piikyik tugul che kimweei eng' kweanaikyik tugul, ak kiseerat che ng'etu koba usoonet age tugul: si onai ole aa Kamuktaindet ne Toroor ne koamwa ng'olyoondoniito.

EZEKIEL 5:10

Amei anyun kwanisyek weeriik eng' kwenung'ung', ak koam weeriik kwanisyekwak; ak ayai kirwoogutik eng' inyee, ak aseer piik tugul che ng'etu eng' okweek, aseerchi usoonaik tugul.

EZEKIEL 5:12

Meei kebeberta agenge eng' somok eng' inyee eng' koroito, ak kigeesu icheek eng' rubeet eng' kwenung'ung'; ak kobek eng' rotwetap chok kebeberta agenge eng' somok, eng' komosweguk tugul; ak aseer kebeberta agenge eng' somok koba koriswek tugul, ak ang'usu rotwetap chok koosup icheek.

EZEKIEL 5:3

Ak inam suumeek che ng'ering', ak iratyi ngoryeeng'ung'.

ATEPTAP LAWIK 26:33

Ak aiyestochok pororyosyek alak, ak ang'usu rotwetap chok kosubok. Koguber anyun emeng'wong', ak koek karotwek nganasookwok.

AMOS 9:4

Agot ngo luul puunikwak, ang'ate rotwetap chok eng' olooto, si kobar icheek; ak atokyigei icheek aipchi yaityet, ma ipchini kiit ne myee.

SEKARIA 13:8

Ki istoi, ak kobek eng' peetuunooto eng' emet komugul, kebeberwek aeng', mwaei Kamuktaindet ne Toroor; ago kibagakyin olooto kebeberta agenge eng' somok.