EZEKIEL 5:17 - BUKUIT NE TILIIL Sireet ne Dutero Kanon

¹⁷ Ak ayookwok rubeet, ak tyong'ik che yaacheen, che parenen piik; ak kobun kwenung'ung' koroito ak korotiik; ak aibun rotwetap chok konyo paragung'ung': kaamwa anee Kamuktaindet ne Toroor ng'olyoondoniito.

Bukuit Ne Tilil

¹⁷ Ak ayookwok rubeet, ak tyong'ik che yaacheen, che parenen piik; ak kobun kwenung'ung' koroito ak korotiik; ak aibun rotwetap chok konyo paragung'ung': kaamwa anee Kamuktaindet ne Toroor ng'olyoondoniito.

BUKUIT NE TILIL

¹⁷ Ak ayokwok rubet, ak tiong’ik che yaachen, che barenen bik; ak kobun kwenung’ung’ koroito ak korotik; ak aibun rotwetab chok konyo baragung’ung’: kaamwa ane Jehovah ng’olyondonito.

EZEKIEL 5:17 ပူးပေါင်းရင်းမြစ်များ

2 LAITORINIK 17:25

Ye ki toi komeny olooto, ko ki ma koywei Kamuktaindet ne Toroor, ak ki iyookyi anyun `Kamuktaindet ne Toroor icheek ng'etuunyik, che kibar alak eng' icheek.

KOMONG'U 23:29

Maone icheek koba eng' taing'ung' eng' kenyiit agenge, si ma kuber emet ak kotesagis tyong'igap timiin ak koiimak.

JEREMIA 15:3

Ang'atyini icheek tuguuk ang'wan, mwaei Kamuktaindet ne Toroor: rotwetap chok ne parisyei, sesenik che isongiririsyei, toriitigap parak ak tyong'igap ng'wony, si koamis ak kong'emis.

EZEKIEL 14:15

Ngot agetu tyong'ik che yaacheen kobun emet, ak kong'em, kot koguber, ne ma komuuchi chii kobun amu tyong'ik;

EZEKIEL 14:19

Anan ngot ayookyi koroito emonooto, ak aroong'ji nereegekyuk che ng'woneen atumde korotiik, aiste chii ak tyony:

EZEKIEL 14:21

Amu mwaei Kiptaiyat Kamuktaindet ne Toroor kole: Kotam nee anyun ye ayookyi Jerusalem kirwoogutikyuk ang'wan che ng'woneen; rotwetap chok, ak rubeet, ak tyong'ik che yaacheen, ak koroito, si kobar chii ak tyony?

EZEKIEL 17:21

Ak kebare rotwetap chok piikyik tugul che kimweei eng' kweanaikyik tugul, ak kiseerat che ng'etu koba usoonet age tugul: si onai ole aa Kamuktaindet ne Toroor ne koamwa ng'olyoondoniito.

EZEKIEL 17:24

Si konai keetiik tugul che po timiin kole aa Kamuktaindet ne Toroor ne ki achooru keetit ne kooi, ak aeet keetit ne ming'in, ak ayaam keetit ne tuon, ak agoochi keetit ne yaamaat kotunen: kaamwa anee Kamuktaindet ne Toroor, ak ayae.

EZEKIEL 21:3

ak ileenji emetap Israel, Mwaei Kamuktaindet ne Toroor kole: Keero, aboryenen ak ang'usu rotwennyu po chok, ak aiste eng' inyee chiito ne po iman ak ne ya.

EZEKIEL 21:32

Iegu kweenik che kilaali; kitumjin korotiguk kwenutap emet. Ma kibwaatin kogeny; amu kamwae anee Kamuktaindet ne Toroor ng'olyoondoniito.

EZEKIEL 22:14

Tos imuuchi komuita muguleldang'ung', anan kogimegitu euneguk, eng' peetuusyek che agerin kong'? Kamwae anee Kamuktaindet ne Toroor ng'olyoondoniito, ak ayae.

EZEKIEL 23:47

Ak kolach tuiyet icheek eng' koik, ak kobar eng' rotonikwak che po chok; ak kobar weeriikwak ak tiibiikwak, ak kobeel kooriikwak.

EZEKIEL 26:14

Ak ayain iegu rwandet ne ma mi kiy: iegu ole kiitoe regereiywek che kiname njireenik; ma keteechin kogeny, amu kamwae anee Kamuktaindet ne Toroor ng'olyoondoniito, mwaei Kiptaiyat Kamuktaindet ne Toroor.

EZEKIEL 28:23

Amu ayookyini ineendet koroito ak korotiik eng' ortinwekyik; ak kobutyo eng' kwenunnyi icheek che kogiguoten, che kiguoteni eng' rotwetap chok eng' komosta age tugul; si konai kole aa Kamuktaindet ne Toroor.

EZEKIEL 30:12

Ak ateenyi ainoosyek, ak aaldochi emonooto piik che yaacheen; ak ayai emet koguber, kobooto tugul che mi olooto, eng' eunegap toek: kamwae anee Kamuktaindet ne Toroor ng'olyoondoniito.

EZEKIEL 33:27

Mwachi anyun pichooto ko uu ni ileenji, mwaei Kiptaiyat Kamuktaindet ne Toroor kole: Ko uu ye asabe, ki pare iman rotwetap chok icheek che mi komoswek che karatwek, ak agoochini koam tyong'ik ineendet ne mi kewanin, ak kobar koroito icheek che mi irimoik ak che mi kebenonik.

EZEKIEL 37:14

Ak andeok Kabuusennyu, si osapche, ak andeok emeng'wong' si kobiit onai ole anee Kamuktaindet ne Toroor ne kamwae ng'olyoondoniito, ak ayai, mwaei Kamuktaindet ne Toroor.

EZEKIEL 38:22

Agere kong' ineendet eng' koroito ak korotiik; ak ayookyi ineendet kobooto lugosyekyik, ak piikyik che chaang' che mi kobooto ineendet, ropta ne oo ak koik che eecheen che po ropta, maat ak tuguuk che laldos.

EZEKIEL 5:15

Egu ko uu nooto anyun teweernateet ak sasisyet, kaneetisyet ak kwong'eet, eng' pororyosyek che mi komosweguk tugul, ye ayae kirwoogutik eng' inyee eng' nereegek, ak eng' nereegek che ng'woneen, ak eng' kereetap kong' ne ng'waan: kaamwa anee Kamuktaindet ne Toroor ng'olyoondoniito:

EZEKIEL 5:16

ye amwoge icheek kipchabonik che yaacheen che po rubeet, che po ng'emisyet, che ayoogu kong'emak, ak ateswok rubeet, ak atile amitwogikwok.

EZEKIEL 6:1

Ak ki nyoonjo ng'olyootap Kamuktaindet ne Toroor koleenjo,

EZEKIEL 6:12

Parei koroito ineendet ne mi ole loo; ak parei rotwetap chok ineendet ne neegit; ak parei rubeet ineendet ne ng'etu ne ki kigerchi nganaseet: ayae nereegekyuk che ng'woneen kosulda ko uu nooto eng' icheek.

ATEPTAP LAWIK 26:22

Ayoogu tyong'ik che po timiin kobwa kwenung'wong', che pwoonei korebenok lagokwok ak kobar tuukwok; ak koyaak ong'ering'itu ak koek kipkuberet ortinwekwok.

MATAYO 24:35

Siirtoi kipsengwet ak ng'wony, ago ma siirtoi ng'aleekyuk.

NG'ATUTIK 32:24

Sagitos eng' rubeet, Kibeelei eng' maat ne koroom, ak ng'emisyet ne ng'waan. Ayookyini kelegap tyong'ik, kobooto ng'wonetap che ichuutegei ng'wony che po temburyek.

NG'ANG'UTYET 6:8

Ki ageer, ogeero, paraisiit ne talelyo! Ak kainetap ineendet ne ki tebee ko ki Meet, ak ki isup ineendet ye mi che ki kobek. Ak ki kigoochi icheek kimnateet koboi kebeberta agenge eng' ang'wan ne po ng'wony, kobaree rotwetap chok, ak rubeet, ak meet, ak tyong'igap timiin che po ng'wony.