EZEKIEL 5:15 - BUKUIT NE TILIIL Sireet ne Dutero Kanon

¹⁵ Egu ko uu nooto anyun teweernateet ak sasisyet, kaneetisyet ak kwong'eet, eng' pororyosyek che mi komosweguk tugul, ye ayae kirwoogutik eng' inyee eng' nereegek, ak eng' nereegek che ng'woneen, ak eng' kereetap kong' ne ng'waan: kaamwa anee Kamuktaindet ne Toroor ng'olyoondoniito:

Bukuit Ne Tilil

¹⁵ Egu ko uu nooto anyun teweernateet ak sasisyet, kaneetisyet ak kwong'eet, eng' pororyosyek che mi komosweguk tugul, ye ayae kirwoogutik eng' inyee eng' nereegek, ak eng' nereegek che ng'woneen, ak eng' kereetap kong' ne ng'waan: kaamwa anee Kamuktaindet ne Toroor ng'olyoondoniito:

BUKUIT NE TILIL

¹⁵ Egu ko u noto anyun tewernatet ak sasisiet, konetisiet ak kwong’et, eng’ bororiosiek che mi komosweguk tugul, ye ayae kiruogutik eng’ inye eng’ neregek, ak eng’ neregek che ng’wonen, ak eng’ keretab kong’ ne ng’wan: kaamwa ane Jehovah ng’olyondonito:

EZEKIEL 5:15 ပူးပေါင်းရင်းမြစ်များ

1 LAITORINIK 9:7

ang'etoi Israel anyun eng' emet ne ki agoochi, ak kooi ki atiliil agobo kainennyu, aistoi eng' tainnyu; si koek Israel kalewenet ak atindyot eng' piik tugul.

2 ATEPTAP PEETUUSYEK 29:8

Ki nyoonji anyun nereegegap `Kamuktaindet ne Toroor Judah ak Jerusalem, ak ki igoito icheek ketoortaat koba komosi ak komosi, koek kwang'utyet, ak koek che kireenyei ko uu ye ogeere eng' konyekwok.

TIENWOGIKAL 39:11

Ye itigoni chii eng' kereetap kong' amu tengekto, iistoi karaaranindanyi ko uu ye amei kiptorotyot. Iman, puch chii tugul.

TIENWOGIKAL 79:4

Kigeegu che iteweerotin eng' piik che neegiteenech, Saseech ak kororechinech anyun, che mi komoswekyok tugul.

ISAIAH 26:9

Amachin eng' saboondanyu kemoi; acheeng'in eng' saboondanyu kotom koeech. Amu ye mi ng'wony kirwoogutiguk, koneetegei che menyei ng'wony imanda.

ISAIAH 43:28

Amurwoni anyun pounik che po ole-tiliil, ak ayae Jakobo koek ne chuboot, ak ayae Israel koek ne kisasei.

JEREMIA 23:40

ak aibwok chotisyet ne po agoi, ak kalilanet ne po kotugul, ne ma kiutye.

JEREMIA 29:18

Ak asube icheek rotwetap chok, ak rubeet, ak koroito, ak agoite icheek kewiirchi komosi ak komosi eng' pounatosyek tugul che po ng'wony, si koek che chubootiin ak che kikwong'ee, che kireenyei ak che kiteweeri, eng' pororyosyek tugul che ki aoonji;

RIREKAB JEREMIA 2:15

Icheek tugul che siirtoi ko iraprapchin eunek; reng'sei ak kolelechi metowekwak agobo cheptap Jerusalem, koleen: “Tos nganasaniito ne kiguure piik, ne ititaat eng' korooronindo, ne poiboiyetap ng'wony komugul?”

RIREKAB JEREMIA 2:16

Puuniguk tugul ko kagoyatyin kutusweekwak; reng'sei ak kosusei kelek; mwaei kole, “Ki kelugui ineendet! Iman, niito peetuut ne ki kicheeng'e; kagenyooru ak kagegeer!”

EZEKIEL 11:9

Ak amutwok omang'une kwenunnyi, ak andeok eunegap toek, ak ayai kirwoogutik eng' kwenung'ung'.

EZEKIEL 14:8

Ak auuiit togeennyu aborye chiichooto, ak ayai ineendet koek ne kikwong'ee, koek kaboorunet ak kalewenet, ak aistoe ineendet eng' piikyuk; si onai ole aa Kamuktaindet ne Toroor.

EZEKIEL 16:41

Ak kobeel kooriguk, ak koyaun kirwoogutik eng' taitap kwonyiik che chaang'; ak aeetenen kugoinatet, ama ialisyei kogeny.

EZEKIEL 16:57

ye kitom keng'aany yaityeng'ung', ko uu eng' peetuusyegap chotisyetap tiibiigap Syria, ak ne po tugul che mi komoswekyik, tiibiigap Philistik, che sasin eng' komoswek tugul.

EZEKIEL 22:4

Kanamin ng'oogisto amu korotiguk che kiitumde, ki king'wanitin eng' kanamoniguk che ki iyai; ak ki igoochi peetuusyeguk koriik, ak kaiit ye pooch kenyisyeguk. Ko uu nooto kaayain koteweerin pororyosyek, ak ne kichotei eng' emotinwek tugul.

EZEKIEL 23:32

Mwaei Kiptaiyat Kamuktaindet ne Toroor kole: Iee kigombetap chepkomet, ne oo ak ko paraa: kirorechinin kereenyin ak kesasin; chaang' tuguugap kigombanooto.

EZEKIEL 25:17

Ak ayaakyi icheek mugetuut ne koroom, eng' kereetap kong' ne ng'waan; si konai kole aa Kamuktaindet ne Toroor, ye ayaakyini icheek mugetuut.

EZEKIEL 30:19

Ayae anyun ko uu nooto kirwoogutik eng' Misiri: si konai kole aa Kamuktaindet ne Toroor.

EZEKIEL 5:16

ye amwoge icheek kipchabonik che yaacheen che po rubeet, che po ng'emisyet, che ayoogu kong'emak, ak ateswok rubeet, ak atile amitwogikwok.

EZEKIEL 5:8

mwaei anyun Kiptaiyat Kamuktaindet ne Toroor kole ogeero, aboryenen agane; ak ayai kirwoogutik eng' kwenung'ung' eng' taitap pororyosyek.

ATEPTAP LAWIK 26:32

Ak ayai emet koek surkwen ak kokwong'yo puunikwok che menyei olooto.

NAHUM 1:2

Kamuktaindet ne Toroor ko Kamuktaindet ne amei ng'etkong' ak koyaaktoi mugetuut; yaaktoi Kamuktaindet ne Toroor mugetuut ak tinyei nereek; yaakyin Kamuktaindet ne Toroor mugetuut puunikyik, ak kogonorchin puunikyik nereegek.

1 KORINTOEK 10:11

Ki yaak anyun tuguuchuuto eng' icheek si koek kaboorunet; ak ki kisir agobo kateunennyo, acheek che kagonyonjech kagesunetap kenyiisyek.

NG'ATUTIK 28:37

Ak iegu kwang'utyet, kalewenet ak atindyot, eng' kwenutap piik tugul ole imutyinin Kamuktaindet ne Toroor.

NG'ATUTIK 28:46

Tebenen chooto koek kaboorunet ak kwang'utyet, ak kotebee iyoteng'ung' agoi koigeny.