EZEKIEL 5:13 - BUKUIT NE TILIIL Sireet ne Dutero Kanon

¹³ Isuldoi anyun nereegekyuk ko uu nooto, ak anereekyini icheek eng' nereegekyuk che ng'woneen, kot koyama, si kigaigaa: si konai icheek kole anee Kamuktaindet ne Toroor ne ki ang'alaal eng' kagiilennyu pogei, ye kaayai nereegekyuk che ng'woneen kosulda eng' icheek.

Bukuit Ne Tilil

¹³ Isuldoi anyun nereegekyuk ko uu nooto, ak anereekyini icheek eng' nereegekyuk che ng'woneen, kot koyama, si kigaigaa: si konai icheek kole anee Kamuktaindet ne Toroor ne ki ang'alaal eng' kagiilennyu pogei, ye kaayai nereegekyuk che ng'woneen kosulda eng' icheek.

BUKUIT NE TILIL

¹³ Isuldoi anyun neregekyuk ko u noto, ak anerekyini ichek eng’ neregekyuk che ng’wonen, kot koyama, si kigaigaa: si konai ichek kole ane Jehovah ne kiang’alal eng’ kagiilennyu bo ge, ye kaayai neregekyuk che ng’wonen kosulda eng’ ichek.

EZEKIEL 5:13 ပူးပေါင်းရင်းမြစ်များ

ISAIAH 1:21

Kaegundo ano chepkugoniot nganaseet ne ko po iman, ne kotinyei kirwooget ne po iman! Komenyei imanda nganasanooto, ago nguno komi rumiik.

ISAIAH 1:24

Mwaei anyun Kiptaiyat, Kamuktaindet ne Toroor ne po lugoosyek, Ineendet Ne po Kamuktaet ne po Israel, kole haa, aroong'jini nereegekyuk icheek che wecho, ak ayooktochigei mugetuut eng' puunikyuk.

ISAIAH 59:17

Ak ki ilaach imanda ko uu karnetap tegeet, ak chepkulet ne po yetunet eng' metinnyi; ak ki ilaach ngoroigap yaaktaetap mugetuut, ak ki ilaach kagiiletapkei ko uu sambut.

ISAIAH 9:7

Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.

JEREMIA 14:12

Agot ye irugutkei icheek, koma kase riirekwak, ak ye igoito kagoochinet ne kibeelei, kobooto kagoochinetap peek che ng'ootiin, ko mataache. Ago ageesu icheek eng' rotwetap chok, rubeet ak koroito.”

JEREMIA 15:9

Nyaluli ineendet ne kigosich lagok tisap, meei; ak roroktoi asiistanyi kota ko peet; ililani ak kotoptoben. Agoitoi che ng'etu eng' icheek kobar rotwetap chok eng' taitap puunikwak, mwaei Kamuktaindet ne Toroor.

JEREMIA 25:12

Ak ye kagobata kenyiisyek tamanwogik tisabu, abir anyun laitoryatap Babilon, ak pororyonooto, mwaei Kamuktaindet ne Toroor, amu yaityennywa, ak emetap Kaldeik; ak ayai koek karaatya agoi.

RIREKAB JEREMIA 4:11

Ki koyai Kamuktaindet ne Toroor nereegekyik che ng'woneen kosulda, ki korong' nereegekyik che koroomen; ak ki konaam maat eng' Zion, ne ki kobeel lumeiywekyik.

RIREKAB JEREMIA 4:22

Piretap tengektong'ung', ee cheptap Zion ko kagosulda; ma komutin kogeny keluulin: ago tengektong'ung', ee cheptap Edom, ko iityin ineendet pireet, ng'aanyei tengekwogiguk kotook.

EZEKIEL 13:15

Ayae anyun nereegekyuk che ng'woneen kosulda eng' inatunooto, kobooto icheek che kimale taartaarichooto; ak aleenjok, Ma komi inaatut, anan icheek che kimalei;

EZEKIEL 14:21

Amu mwaei Kiptaiyat Kamuktaindet ne Toroor kole: Kotam nee anyun ye ayookyi Jerusalem kirwoogutikyuk ang'wan che ng'woneen; rotwetap chok, ak rubeet, ak tyong'ik che yaacheen, ak koroito, si kobar chii ak tyony?

EZEKIEL 16:42

Ageesu anyun nereegekyuk che ng'woneen eng' inyee, ak koistoenengei ng'etkondanyu, ak asiis, ma anereechi kogeny.

EZEKIEL 16:63

si kobiit ibwaat, ak itoptoben, ametwegu kogeny, amu kalilaneng'ung'; ye kanyoun kaat tuguuk tugul che ki iyai, mwaei Kiptaiyat Kamuktaindet ne Toroor.

EZEKIEL 17:21

Ak kebare rotwetap chok piikyik tugul che kimweei eng' kweanaikyik tugul, ak kiseerat che ng'etu koba usoonet age tugul: si onai ole aa Kamuktaindet ne Toroor ne koamwa ng'olyoondoniito.

EZEKIEL 20:21

Ago ki ingelelja ak icheek lagok; ma pendate ng'atuutikyuk anan koriip kirwoogutikyuk, koyai, che ngo yai chii kosabei eng' chooto; ki imurwon icheek sabatosyekyuk: amwa anyun ale aroong'jini icheek nereegekyuk che ng'woneen si kobiit ayai nereegekyuk kosulda eng' icheek eng' surkwen.

EZEKIEL 20:8

Ago ki ingelelja, ma cham kogasa iit; ma meto chii age tugul eng' icheek tuguuk che kiwechei che ki chamei konyekwak, ama meto kanamonigap Misiri: amwa anyun ale, Aroong'jini icheek nereegekyuk che ng'woneen, si kobiit ayai nereegekyuk kosulda eng' icheek eng' emetap Misiri.

EZEKIEL 21:17

Arabachi eunekyuk, ak ageesu anyun nereegekyuk che ng'woneen: kamwae anee Kamuktaindet ne Toroor ng'olyoondoniito.

EZEKIEL 21:22

Ki mi eunnyi ne po tai ng'oorset agobo Jerusalem, si konde injinisyek che kibutisye, si koseng'eng'ji parisyet, ak kowaach miising', konde injinisyek taitap ormariichok, kowasyi ng'ung'unyek, koteech irimoik.

EZEKIEL 23:25

Ak atokyin ng'etkondanyu, ak kogerin kong' icheek eng' nereegek che ng'woneen; tilei serung'ung' ak itiiguk; ak kebare rotwetap chok piiguk che ki ng'et: imuti icheek weeriiguk ak tiibiiguk; ak kobeel maat piiguk che ki ng'et.

EZEKIEL 24:13

Agot ye ki atiliilin eng' yaityetap simdang'ung', ko ki ma itiliilage, ma kitiliilin kogeny eng' simdang'ung' kot ageesu nereegekyuk che ng'woneen eng' inyee.

EZEKIEL 43:8

ye kingo nde tugatukyennywa koriikyi tugatukyennyu, ak konde tolochikwak koriikyi tolochikyuk, ak kimi tooteet ineegei ne ki ibestoseech, anee ak icheek; ak ki komurwon kainennyu ne tiliil eng' tuguukwak che kiwechei che ki yai: ki ageesu anyun icheek eng' nereegekyuk.

EZEKIEL 6:10

Ak konai kole aa Kamuktaindet ne Toroor: ma amwa puch ale ayachini icheek yaityoni.

EZEKIEL 6:12

Parei koroito ineendet ne mi ole loo; ak parei rotwetap chok ineendet ne neegit; ak parei rubeet ineendet ne ng'etu ne ki kigerchi nganaseet: ayae nereegekyuk che ng'woneen kosulda ko uu nooto eng' icheek.

EZEKIEL 7:3

Kaityin anyun kagesunet, ak ayoogun nereegekyuk, ak arwoogun ko uu ortinweguk; ak aibun tuguuguk tugul che kiwechei.

EZEKIEL 7:8

Karik anyun si aroong'jin nereegekyuk che ng'woneen, ak ayai kosulda nereegekyuk eng' inyee, ak arwoogun ko uu ortinweguk; ak aibun tuguuguk tugul che kiwechei.

HOSEA 10:10

Atigooni icheek ye kamach; ak koyumgei pororyosyek koborye, ye kagiratyi icheek pistaosyekwak aeng'.

SEKARIA 6:8

Ki kuuro anyun ak koleenjo, Keero, kagogaigai kabuusennyu icheek che kaba kotokyigei murot kaataam eng' emet ne po murot kaataam.

NG'ATUTIK 28:63

Ko uu ye ki paibait Kamuktaindet ne Toroor eng' okweek koyaiywok ne myee ak kotesak, ko uu nooto ko poiboitu Kamuktaindet ne Toroor eng' okweek kolusak, kowong'wok ak kitutok eng' emet ne iwendi iname kobunjiin.

NG'ATUTIK 32:36

Eng' iman ko irwookyinechin `Kamuktaindet ne Toroor piikyik, ak koriir moo agobo otwogikyik, ye keer kole kagowandagei kimnateennywa, Ama mi ne kong'et ne rataat anan ne ma rataat.