EZEKIEL 5:12 - BUKUIT NE TILIIL Sireet ne Dutero Kanon

¹² Meei kebeberta agenge eng' somok eng' inyee eng' koroito, ak kigeesu icheek eng' rubeet eng' kwenung'ung'; ak kobek eng' rotwetap chok kebeberta agenge eng' somok, eng' komosweguk tugul; ak aseer kebeberta agenge eng' somok koba koriswek tugul, ak ang'usu rotwetap chok koosup icheek.

Bukuit Ne Tilil

¹² Meei kebeberta agenge eng' somok eng' inyee eng' koroito, ak kigeesu icheek eng' rubeet eng' kwenung'ung'; ak kobek eng' rotwetap chok kebeberta agenge eng' somok, eng' komosweguk tugul; ak aseer kebeberta agenge eng' somok koba koriswek tugul, ak ang'usu rotwetap chok koosup icheek.

BUKUIT NE TILIL

¹² Meei kebeberta agenge eng’ somok eng’ inye eng’ koroito, ak kigesu ichek eng’ rubet eng’ kwenung’ung’; ak kobek eng’ rotwetab chok kebeberta agenge eng’ somok, eng’ komosweguk tugul; ak aseer kebeberta agenge eng’ somok koba koriswek tugul, ak ang’usu rotwetab chok kosub ichek.

EZEKIEL 5:12 ပူးပေါင်းရင်းမြစ်များ

ISAIAH 1:24

Mwaei anyun Kiptaiyat, Kamuktaindet ne Toroor ne po lugoosyek, Ineendet Ne po Kamuktaet ne po Israel, kole haa, aroong'jini nereegekyuk icheek che wecho, ak ayooktochigei mugetuut eng' puunikyuk.

JEREMIA 13:24

Ayestoi anyun icheek, ko uu mobeek che ibei usoonetap surkwen.

JEREMIA 14:12

Agot ye irugutkei icheek, koma kase riirekwak, ak ye igoito kagoochinet ne kibeelei, kobooto kagoochinetap peek che ng'ootiin, ko mataache. Ago ageesu icheek eng' rotwetap chok, rubeet ak koroito.”

JEREMIA 15:2

Ak ngo teebenen koleenjin, kibendi ano? Imwachi anyun ileenji, mwaei Kamuktaindet ne Toroor kole, Che po meet, kobendi meet, che po rotwetap chok, kobendi rotwetap chok, che po rubeet, kobendi rubeet, ak che po luuleet, kobendi luuleet.

JEREMIA 15:9

Nyaluli ineendet ne kigosich lagok tisap, meei; ak roroktoi asiistanyi kota ko peet; ililani ak kotoptoben. Agoitoi che ng'etu eng' icheek kobar rotwetap chok eng' taitap puunikwak, mwaei Kamuktaindet ne Toroor.

JEREMIA 21:9

Ineendet ne tebee nganasani, kebarei eng' rotwetap chok ak eng' rubeet, ak eng' koroito: ago sabei ineendet ne mandoi, ak komut ineendet Kaldeik che yiemok, ak koek sabeennyi ne kiluulei.

JEREMIA 24:10

Ak ayookyi icheek rotwetap chok, rubeet, ak koroito, agoi kogeskei eng' emet ne ki agoochi icheek ak kwanisyekwak.

JEREMIA 42:22

Onai anyun komyee ole, obegu eng' rotwetap chok, ak eng' rubeet, ak eng' koroito, eng' ole omache obe otebee.

JEREMIA 44:27

Ogeero, ariibe icheek agobo yaityet, ma agobo ne myee: ak kigeesu murenik tugul che po Judah che mi emetap Misiri, eng' rotwetap chok ak eng' rubeet, agoi kogeskei.

JEREMIA 9:15

Mwaei anyun Kamuktaindet ne Toroor ne po lugoosyek, Kamuktaindetap Israel, kole, “Abae pichuuto ng'wonet ak anage icheek peek che po kipsegetetyet koe.

JEREMIA 9:16

Ak ayestochi icheek pororyosyek, che ki ma nai icheek anan kwanisyekwak. Ayooktoi rotwetap chok koosup icheek, kot ageesu.”

EZEKIEL 12:14

Ak aiyeste koba usoonet age tugul, piik tugul che miitei komoswekyik kotoret ineendet, ak lugosyekyik tugul; ak ang'usu rotwetap chok asube icheek.

EZEKIEL 14:17

Anan ngot aipchi rotwetap chok emonooto, ak ale, Ee rotwoni po chok, ui pun emet; si abar chii ak tyony;

EZEKIEL 14:19

Anan ngot ayookyi koroito emonooto, ak aroong'ji nereegekyuk che ng'woneen atumde korotiik, aiste chii ak tyony:

EZEKIEL 14:21

Amu mwaei Kiptaiyat Kamuktaindet ne Toroor kole: Kotam nee anyun ye ayookyi Jerusalem kirwoogutikyuk ang'wan che ng'woneen; rotwetap chok, ak rubeet, ak tyong'ik che yaacheen, ak koroito, si kobar chii ak tyony?

EZEKIEL 16:42

Ageesu anyun nereegekyuk che ng'woneen eng' inyee, ak koistoenengei ng'etkondanyu, ak asiis, ma anereechi kogeny.

EZEKIEL 21:22

Ki mi eunnyi ne po tai ng'oorset agobo Jerusalem, si konde injinisyek che kibutisye, si koseng'eng'ji parisyet, ak kowaach miising', konde injinisyek taitap ormariichok, kowasyi ng'ung'unyek, koteech irimoik.

EZEKIEL 24:13

Agot ye ki atiliilin eng' yaityetap simdang'ung', ko ki ma itiliilage, ma kitiliilin kogeny eng' simdang'ung' kot ageesu nereegekyuk che ng'woneen eng' inyee.

EZEKIEL 33:27

Mwachi anyun pichooto ko uu ni ileenji, mwaei Kiptaiyat Kamuktaindet ne Toroor kole: Ko uu ye asabe, ki pare iman rotwetap chok icheek che mi komoswek che karatwek, ak agoochini koam tyong'ik ineendet ne mi kewanin, ak kobar koroito icheek che mi irimoik ak che mi kebenonik.

EZEKIEL 36:19

ak ki aseerchi icheek pororyosyek, ak ki kiyestoochi emotinwek: ki arwookyi icheek ko uu ortinwekwak ak ko uu poisyonikwak.

EZEKIEL 43:8

ye kingo nde tugatukyennywa koriikyi tugatukyennyu, ak konde tolochikwak koriikyi tolochikyuk, ak kimi tooteet ineegei ne ki ibestoseech, anee ak icheek; ak ki komurwon kainennyu ne tiliil eng' tuguukwak che kiwechei che ki yai: ki ageesu anyun icheek eng' nereegekyuk.

EZEKIEL 5:10

Amei anyun kwanisyek weeriik eng' kwenung'ung', ak koam weeriik kwanisyekwak; ak ayai kirwoogutik eng' inyee, ak aseer piik tugul che ng'etu eng' okweek, aseerchi usoonaik tugul.

EZEKIEL 5:17

Ak ayookwok rubeet, ak tyong'ik che yaacheen, che parenen piik; ak kobun kwenung'ung' koroito ak korotiik; ak aibun rotwetap chok konyo paragung'ung': kaamwa anee Kamuktaindet ne Toroor ng'olyoondoniito.

EZEKIEL 5:2

Ak ibeel kebeberta agenge eng' somok eng' kwenutap nganaseet, ye kagosulda peetuusyegap yiemet; ak iip kebeberta age eng' somok ak irarate iep kotuiyo eng' rotwonooto po chok; ak iseerte kebeberta agenge eng' somok koip usoonet, ak ang'usu rotwetap chok asube icheek.

EZEKIEL 6:8

Ago atuuchi che ng'etu, si kobiit onyooru che chilildos eng' rotwetap chok eng' pororyosyek, ye kiseerak obe emotinwek.

EZEKIEL 7:15

Mi saang' rotwetap chok, komi oriit koroito, ak rubeet: ineendet ne mi mbar komeei eng' rotwetap chok; ak ineendet ne mi nganaseet, koamei rubeet ineendet ak koroito.

EZEKIEL 7:3

Kaityin anyun kagesunet, ak ayoogun nereegekyuk, ak arwoogun ko uu ortinweguk; ak aibun tuguuguk tugul che kiwechei.

ATEPTAP LAWIK 26:33

Ak aiyestochok pororyosyek alak, ak ang'usu rotwetap chok kosubok. Koguber anyun emeng'wong', ak koek karotwek nganasookwok.

AMOS 9:4

Agot ngo luul puunikwak, ang'ate rotwetap chok eng' olooto, si kobar icheek; ak atokyigei icheek aipchi yaityet, ma ipchini kiit ne myee.

AMOS 9:9

Amu, ogeero, ang'ate, ak aseisei kootap Israel eng' pororyosyek tugul, ko uu ye kiseisei peek eng' kiit ne kiseiseisye, ago ma ibutyin ng'wony paiywat agot ne ming'in.

SEKARIA 7:14

ago aiyestoi icheek eng' kipchurchuryet eng' pororyosyek tugul che ki tomo konai. Ki ek anyun emet karaatya eng' let, kot ko mata kobun chii yooto anan koweegegei: amu ki igoochi emet ne ki karaaran koguber.

NG'ATUTIK 28:65

Amenyooru kamuung'et eng' pororyosyechooto, menyooru ole imuung'ee keeldong'ung'. Ago koonin Kamuktaindet ne Toroor eng' olooto muguleldo ne rugrugeni, koonyek che kortos ak muguleldo ne ichuchui.

NG'ANG'UTYET 6:8

Ki ageer, ogeero, paraisiit ne talelyo! Ak kainetap ineendet ne ki tebee ko ki Meet, ak ki isup ineendet ye mi che ki kobek. Ak ki kigoochi icheek kimnateet koboi kebeberta agenge eng' ang'wan ne po ng'wony, kobaree rotwetap chok, ak rubeet, ak meet, ak tyong'igap timiin che po ng'wony.