EZEKIEL 5:11 - BUKUIT NE TILIIL Sireet ne Dutero Kanon

¹¹ Mwaei anyun Kiptaiyat Kamuktaindet ne Toroor kole, ko uu ye asabe aming'inin iman, amarirenen kondanyu, anan koriira moo, amu ki ing'wanit oldanyu ne tiliil eng' tuguuguk tugul che samisen, ak tuguuguk tugul che kiwechei.

Bukuit Ne Tilil

¹¹ Mwaei anyun Kiptaiyat Kamuktaindet ne Toroor kole, ko uu ye asabe aming'inin iman, amarirenen kondanyu, anan koriira moo, amu ki ing'wanit oldanyu ne tiliil eng' tuguuguk tugul che samisen, ak tuguuguk tugul che kiwechei.

BUKUIT NE TILIL

¹¹ Mwaei anyun Kiptaiyat Jehovah kole, Ko u ye asobe aming’inin iman, amarirenen kondanyu, anan korira mo, amu kiing’wanit oldanyu ne tilil eng’ tuguguk tugul che samisen, ak tuguguk tugul che kiwechei.

EZEKIEL 5:11 ပူးပေါင်းရင်းမြစ်များ

2 LAITORINIK 21:4

Ki teech kapkorosusyek eng' kootap Kamuktaindet ne Toroor ne ki mwa Kamuktaindet ne Toroor agobo koyooto kole, “Andoi kainennyu Jerusalem.”

2 LAITORINIK 21:7

Ki inde kanamwet ne ki kiwai ne po Asera koot ne ki kamwachi Kamuktaindet ne Toroor Daudi ak weeriinnyi Solomon, koleenji, “Andoi kainennyu koigeny koi ak Jerusalem, ne ki alewen eng' ortinwek tugul che po Israel.

2 LAITORINIK 23:12

Kibut laitoryat kapkorosusyek che ki mi koot parak eng' koot ne tabanu parak ne po Ahaz, che kiga koyai laitorinigap Judah, ak kapkorosusyek che kiga koyai Manasseh eng' seremusyek tuwai che po kootap Kamuktaindet ne Toroor. Kiturur ak kotuatui yeityo koseer koba kererutap Kidron.

2 ATEPTAP PEETUUSYEK 33:4

Ki teech kapkorosusyek eng' kootap Kamuktaindet ne Toroor, ne ki mwa Kamuktaindet ne Toroor agobo nooto kole, “Tebee kainennyu Jerusalem koigeny.”

2 ATEPTAP PEETUUSYEK 33:7

Ak ki inde kiit ne ki kiwai ne po kanamwet ne ki yai ineendet, kootap Kamuktaindet, ne ki mwachi `Kamuktaindet Daudi ak Solomon weeriinnyi, agobo koyooto, koleenji, “Andoi kainennyu koigeny kooi, ak Jerusalem, ne ki alewen eng' ortinwek tugul che po Israel:

2 ATEPTAP PEETUUSYEK 36:14

Ki ingelelso kogeny miising' tisiik tugul che eecheen, ak piik, koosup tuguuk tugul che kiwechei che po pororyosyek; ak ki imurwon kootap Kamuktaindet ne Toroor ne kiga kotabaan eng' Jerusalem.

Kitabuutap JOB 27:22

Amu wiirei `Kamuktaindet ineendet ama riiree. Machei komwee eunnyi.

TIENWOGIKAL 107:39

Ak kogeny, kichuchuchi ak kinyeroti eng' usiisyet, ak nyalilda, ak arageneet.

TIENWOGIKAL 95:11

Ki ayosye anyun eng' nereegekyuk, Ale, Ma itei icheek kamuung'ennyu.

JEREMIA 10:24

Ee Kamuktaindet ne Toroor, itigoono, ago eng' kirwooget; ma eng' nereegeguk, si meyaa aek puch.

JEREMIA 16:18

Ak ayaaktochini korook yaityennywa ak tengektonywa konyil aeng'; amu ki kong'wanit icheek emennyu eng' muuswegap tuguukwak che samis, ak kigonyiit porotennyu tuguukwak che kiwechei.

JEREMIA 32:34

Ago ki inde tuguukwak che kiwechei, koot ne kimwaitoe kainennyu, kong'wanit.

JEREMIA 44:4

Ago ki ayookwok otwogikyuk tugul, che maotik, ang'eete karon miising' ak ayoogu, aleenjinok, “Amat oyai kiito samis ne aweche.”

RIREKAB JEREMIA 2:17

Ki koyai Kamuktaindet ne Toroor nooto ki kochop; kagoyai ng'olyoondennyi kosulda ko uu ye kiga ng'at eng' peetuusyek che po keny; kagowiirta kwo ng'wony ama riiree; kagogoochi puunyoot koboiboitunenen, ak kagotoroor kimnateetap puuniguk.

RIREKAB JEREMIA 2:21

Ruitos ng'wony murenik ak poisyek eng' ortinwek; kagebar pergeinikyuk ak neranikyuk eng' rotwetap chok; Ki ibar icheek eng' peetuutap nereegeguk, ki ibar ama iriiree.

EZEKIEL 11:18

Ak koba olooto, ak koisto tuguuk tugul che samisen eng' olooto, kobooto tuguuk tugul che kiwechei, koistogei eng' olooto.

EZEKIEL 11:21

Ago eng' icheeget che pendoti kosubi tuguukwak che samisen, ak tuguukwak che kiwechei, aipchini ortinwekwak metowekwak, mwaei Kiptaiyat Kamuktaindet ne Toroor.

EZEKIEL 23:28

Amu mwaei Kiptaiyat Kamuktaindet ne Toroor kole: Keero, andein eutap icheek che iweche, andein eutap icheek che ki kotoiyegei saboondang'ung':

EZEKIEL 23:38

Ki koyaiywo kogeny niito: ki kong'wanit oldanyu ne tiliil eng' peetuunooto, ak komurwon sabatosyekyuk.

EZEKIEL 23:39

Amu ye kingo parchi lagokwak kanamonikwak, kobwa peetuunooto oldanyu ne tiliil komurwon; ak ogeero, ki yai nooto eng' koonnyu.

EZEKIEL 24:14

Kamwae anee Kamuktaindet ne Toroor ng'olyoondoniito, isuldoi ak ayae nooto; ma weechigei let, amarira moo, amawale kabwaatutikyuk. Arwoogun icheek ko uu ortinweguk ak ko uu poisyoniguk, mwaei Kiptaiyat Kamuktaindet ne Toroor.

EZEKIEL 29:15

Egu pounateet ne nyeraat eng' tugul; ama kotorooregei kogeny kosiir pororyosyek: ak aming'ini icheek, si ma kobou pororyosyek kogeny.

EZEKIEL 33:11

Mwachi icheek ileenji, ko uu ye asabe, mwaei Kiptaiyat Kamuktaindet ne Toroor, koma paibaitune meetap kiptengekyot; ago abaibai ngo week kiptengekyot kometo ooreennyi, ak kosap: oweege, oweege, omete ortinwekwok che yaach; amu nee si obegu, ee kootap Israel?

EZEKIEL 43:8

ye kingo nde tugatukyennywa koriikyi tugatukyennyu, ak konde tolochikwak koriikyi tolochikyuk, ak kimi tooteet ineegei ne ki ibestoseech, anee ak icheek; ak ki komurwon kainennyu ne tiliil eng' tuguukwak che kiwechei che ki yai: ki ageesu anyun icheek eng' nereegekyuk.

EZEKIEL 44:7

amu ki omutu kipsagarek, che ma kimuratan mugulelwek, ama kimuratan tuguuk tugul che saptos, kotebee oldanyu ole-tiliil, si komurwon, nooto koonnyu, ye kogoitoi amitwogikyuk, mwanik ak korotiik, ak ki kobut kayomisennyu, si kotesyi tuguukwok tugul che kiwechei.

EZEKIEL 5:7

Mwaei anyun Kiptaiyat Kamuktaindet ne Toroor kole: Amu oo piik che wasegei kosiir pororyosyek che mi komoswekwok, ama obendate ng'atuutikyuk, ama oriip kirwoogutikyuk, ama osup ng'atuutigap pororyosyek che mi komoswekwok;

EZEKIEL 7:20

Kigainde etunateet karaaranindap lelestanyi: ago ki yai kanamonigap tuguukwak che kiwechei kobooto tuguukwak che samis eng' olooto: koayai anyun kioto koek kiit ne murwoon eng' icheek.

EZEKIEL 7:4

Amarirenen kondanyu, ama riira moo: ago aibu ortinweguk, ak kotebee kwenung'ung' tuguuguk che po wegeet: si onai ole aa Kamuktaindet ne Toroor.

EZEKIEL 7:9

Amarirenen kondanyu, ama riira moo: aibun ko uu ortinweguk, ak kotebee kwenung'ung' tuguuguk che po wegeet; si onai ole aa Kamuktaindet ne Toroor ne abirisyei.

EZEKIEL 8:15

Yeityo koleenjo, Kaigeer niito o, weeriitap chii? Ta igeere tuguuk alak che eecheen che kiwechei kosiir chuuto.

EZEKIEL 8:16

Ak ki imutwaa seremut ne po oriit ne po kootap Kamuktaindet ne Toroor, ak ogeero, kimi piik che neegit tiptem ak muut eng' kurgeetap Hekaluutap Kamuktaindet ne Toroor, eng' kwenutap keterut ak kaptisisyet, che kaituktoochi patai Hekaluutap Kamuktaindet ne Toroor, ak kotokyigei kong'asiis; ak ki sa asiista kotokyingei kong'asiis.

EZEKIEL 8:18

Ayae anyun agane eng' nereegek che ng'woneen: ma rireenen kondanyu, ama riira moo: agot nganda riircho eng' waagaat ne oo, koma kasyini.

EZEKIEL 9:10

Ago ne uu anee, ko marire kondanyu, ama riira moo, ago aipchini ooreenywa metowekwak.

EZEKIEL 9:5

Ak ki mwachi alak agase, koleenji, oba obun nganaseet, osup ineendet, ak obarisyote amat koriiree konyekwok, anan koriiraak moo:

ATEPTAP LAWIK 15:31

“Ara anyun otabaani piigap Israel ko uu nooto agobo simwekwak, si ma pek kotinyei simwo, ye imurwon koonnyu ne miitei kwenunnywa.”

AMOS 8:7

Kogoyosyo Kamuktaindet ne Toroor eng' telunatetap Jakobo, kole, ma koi autye iman poisyonikwak, agot agenge.

SEKARIA 11:6

Amu ma ariiree kogeny piik che menyei emoni, mwaei Kamuktaindet ne Toroor. Agoitoi chii tugul kwo eutap chiitap kokwennyi ak agoite kwo eutap laitoryannyi: ak kobar emet, amasaru icheek eng' eunnywa.”

MALAKI 3:17

Ak mwaei Kamuktaindet ne Toroor ne po lugoosyek kole, “Punjino icheek, eng' peetuut ne ayae icheek koek kinnyu ne nenyu aneege; ak ariiree icheek ko uu ye riiree chii weeriinnyi ne poisyechin.

ROMANIK 11:12

Ngot koegu kabutennywa mogornatosyegap ng'wony, ak koek luseennywa mogornatosyegap Pororyosyek; kosiirei ne tya anyun nyiennywa?

ROMANIK 11:21

amu ngo ki ma riiree Kamuktaindet mooriik che ki po keetoto ye kinye, koma rireenen ak inyee.

ROMANIK 8:32

Ineendet ne ki ma riiree Weeriinnyi, ago kigon ineendet agobo acheek tugul, tos ma koonech tuguuk tugul eng' aiyebindo kobooto ineendet?

NG'ATUTIK 29:20

Ma metoi Kamuktaindet ne Toroor chiichooto ago iyenjin chiichooto nereegek ak ng'etkonda che po Kamuktaindet ne Toroor ak kotebee chiichooto chubisyoni tugul ne ki kisirchi kitabuuni ak kobukto Kamuktaindet ne Toroor kainennyi eng' kurereetap kipsengwet.

HEBRANIK 6:13

Amu ye kingo yachi `Kamuktaindet Abraham arorutyet, ko amu ki ma komi age ne oo kosiir ineendet ne ki imuuchi koyasyechi koyasyo agobo kei,