EZEKIEL 5:10 - BUKUIT NE TILIIL Sireet ne Dutero Kanon

¹⁰ Amei anyun kwanisyek weeriik eng' kwenung'ung', ak koam weeriik kwanisyekwak; ak ayai kirwoogutik eng' inyee, ak aseer piik tugul che ng'etu eng' okweek, aseerchi usoonaik tugul.

Bukuit Ne Tilil

¹⁰ Amei anyun kwanisyek weeriik eng' kwenung'ung', ak koam weeriik kwanisyekwak; ak ayai kirwoogutik eng' inyee, ak aseer piik tugul che ng'etu eng' okweek, aseerchi usoonaik tugul.

BUKUIT NE TILIL

¹⁰ Amei anyun kwanisiek werik eng’ kwenung’ung’, ak koam werik kwanisiekwak; ak ayai kiruogutik eng’ inye, ak aseer bik tugul che ng’etu eng’ okwek, aseerji usonaik tugul.

EZEKIEL 5:10 ပူးပေါင်းရင်းမြစ်များ

2 LAITORINIK 6:29

Ki iyo anyun, ak keam ineendet. Ki aleenji ineendet eng' peetuutap aeng', Koonu weeriing'ung', keam, ago kiga kouny weeriinnyi.”

NEEMIA 1:8

Asaain ale, ibwaat ng'olyoot ne ki ing'at otwogindeng'ung' Musa, ileenji, ‘Ngot obistoe aiyestook obe ye mi pororyosyek,

TIENWOGIKAL 44:11

Keyaech kegergeitu ak keechiirek che kienyei; ak ki iyestech kebe ye mi pororyosyek.

ISAIAH 49:26

Ak abae icheek che usin poorwekwak; ak kobogityo eng' korotiikwak, ko uu ye pogiti chii eng' divaik che leelachen: si konai piik tugul kole, aa Kamuktaindet ne Toroor yetindeng'ung', ak ko katyagindeng'ung', Ineendet Ne po Kamuktaet ne po Jakobo.

ISAIAH 9:20

Wiriti age eng' komostap eutap tai, ak koamei rubeet; ak koam eng' komostap murot kaataam, ama piyang'dos icheek; amei chii age tugul panyeegap eunnyi.

JEREMIA 13:14

Ak atue chii age age, kwanisyek ak weeriik, mwaei Kamuktaindet ne Toroor. Ma riiree anan abagaakte anan koriira moo, kot ko magesu icheek.

JEREMIA 19:9

Ak agoochi icheek koam panyeegap weeriikwak ak tiibiikwak, ak koam age tugul eng' icheek panyeegap chorwennyi, eng' yiemetap kabookyinet ak eng' pichiindo, ne inyaliile puunikwak icheek, ak che cheeng'ei saboonwekwak.

JEREMIA 44:12

Ak anam che ng'etu che po Judah, che kitokyigei emetap Misiri, koba kotebee olooto, ak kigeesu icheek tugul: ibutos eng' emetap Misiri; kigeesu icheek eng' rotwetap chok ak eng' rubeet; pegu icheek, kong'etee ne ming'in agoi ne oo, eng' rotwetap chok ak eng' rubeet: ak koek che kichubei, ak che kikwong'ee, ak che kisasei, ak che kichotei.

JEREMIA 49:32

Ak keluul tambeesikwak, ak koek parunenik tuukwak che chaang': ak aiyeste koba komoswek tugul icheeget che piori metowekwak; ak aibu nyalildanywa eng' komoswekwak, mwaei Kamuktaindet ne Toroor.

JEREMIA 49:36

Ak aipchi Elam koriswek ang'wan che punu luukwek ang'wan che po kipsengwet, ak aiyeste icheek koba koriswechooto tugul; ama piitu pororyet ole ma itei che ki kioon che po Elam.

JEREMIA 50:17

Uu Israel keechiirek che ki koiyesta; ki koon ng'etuunyik ineendet: kisip koam ineendet laitoryatap Assyria; ak eng' let koiri kawekyik Nebukadresar, niito laitoryatap Babilon.

JEREMIA 9:16

Ak ayestochi icheek pororyosyek, che ki ma nai icheek anan kwanisyekwak. Ayooktoi rotwetap chok koosup icheek, kot ageesu.”

RIREKAB JEREMIA 2:20

Keero, ee Kamuktaindet ne Toroor, ak ibwaat, Tos ng'oo ne ki iyachi ko uu nooto? Tos amei kwonyiik iyotennywa, lagok che namei eng' eunekwak? Tos kibarchin tisiindet ak maotyot kaptisisyetap Kiptaiyat?

RIREKAB JEREMIA 4:10

Ki konam kwonyiik che ki tinyei rireenet lagokwak koyo; ki ek chooto amitwogikwak eng' ng'emisyetap piikyuk.

RIREKAB JEREMIA 4:16

Ki koseerseer `Kamuktaindet ne Toroor ineendet icheek; ma koiti `Inee icheek kogeny; ma koiti tisiik koek kiy, ama kotinyei konyit poisyek.

RIREKAB JEREMIA 4:3

Agot lelwek kogoochin aarekwak kinet kochuchun, ago kagogolgolit piikyuk, ko uu tyong'igap songolik eng' surkwen.

EZEKIEL 12:14

Ak aiyeste koba usoonet age tugul, piik tugul che miitei komoswekyik kotoret ineendet, ak lugosyekyik tugul; ak ang'usu rotwetap chok asube icheek.

EZEKIEL 12:15

Ak konai kole aa Kamuktaindet ne Toroor ye aiyeste icheek eng' pororyosyek, ak aseer icheek koyom emotinwek.

EZEKIEL 17:21

Ak kebare rotwetap chok piikyik tugul che kimweei eng' kweanaikyik tugul, ak kiseerat che ng'etu koba usoonet age tugul: si onai ole aa Kamuktaindet ne Toroor ne koamwa ng'olyoondoniito.

EZEKIEL 20:23

Ak ki ang'werere icheek eunnyu eng' surkwen, si kobiit aseer icheek eng' pororyosyek, ak aiyeste icheek koyom emotinwek;

EZEKIEL 22:15

Ak aseerchin pororyosyek, ak ayestochin emotinwek; ak ageesu simdang'ung'.

EZEKIEL 36:19

ak ki aseerchi icheek pororyosyek, ak ki kiyestoochi emotinwek: ki arwookyi icheek ko uu ortinwekwak ak ko uu poisyonikwak.

EZEKIEL 5:12

Meei kebeberta agenge eng' somok eng' inyee eng' koroito, ak kigeesu icheek eng' rubeet eng' kwenung'ung'; ak kobek eng' rotwetap chok kebeberta agenge eng' somok, eng' komosweguk tugul; ak aseer kebeberta agenge eng' somok koba koriswek tugul, ak ang'usu rotwetap chok koosup icheek.

EZEKIEL 5:2

Ak ibeel kebeberta agenge eng' somok eng' kwenutap nganaseet, ye kagosulda peetuusyegap yiemet; ak iip kebeberta age eng' somok ak irarate iep kotuiyo eng' rotwonooto po chok; ak iseerte kebeberta agenge eng' somok koip usoonet, ak ang'usu rotwetap chok asube icheek.

EZEKIEL 6:8

Ago atuuchi che ng'etu, si kobiit onyooru che chilildos eng' rotwetap chok eng' pororyosyek, ye kiseerak obe emotinwek.

ATEPTAP LAWIK 26:29

Ak oam panyeegap poorwegap weeriikwok ak che po tiibiikwok.

ATEPTAP LAWIK 26:33

Ak aiyestochok pororyosyek alak, ak ang'usu rotwetap chok kosubok. Koguber anyun emeng'wong', ak koek karotwek nganasookwok.

AMOS 9:9

Amu, ogeero, ang'ate, ak aseisei kootap Israel eng' pororyosyek tugul, ko uu ye kiseisei peek eng' kiit ne kiseiseisye, ago ma ibutyin ng'wony paiywat agot ne ming'in.

SEKARIA 2:6

Mwaei Kamuktaindet ne Toroor kole “Eiye, eiye! Omwei eng' emetap murot kaataam, amu ki aseerak ko uu usoonaik ang'wan che po kipsengwet.

SEKARIA 7:14

ago aiyestoi icheek eng' kipchurchuryet eng' pororyosyek tugul che ki tomo konai. Ki ek anyun emet karaatya eng' let, kot ko mata kobun chii yooto anan koweegegei: amu ki igoochi emet ne ki karaaran koguber.

LUKA 21:24

Ak kobutyo icheek eng' ng'atibindap rotwetap chok, ak kimut luulenik koba pororyosyek tugul: ak kotyech Pororyosyek Jerusalem, agoi kosulda peetuusyegap Pororyosyek.

NG'ATUTIK 28:64

Ak koiyestak Kamuktaindet ne Toroor obe pororyosyek tugul, kobooch tabanda age ne po ng'wony agoi tabanda age. Iote kanamonik eng' olooto che po keetiik ak che po koik, che mengen inyee anan kwanisyeguk.

NG'ATUTIK 32:26

Ki ale, “Aiyestochini ole loo, agoochini kogeskei kabwaatennywa eng' piik.

NG'ATUTIK 4:27

Iiyestaak Kamuktaindet ne Toroor oyomu pororyosyek ak ong'etu che ng'ering' eng' pororyosyek ole imutok Kamuktaindet ne Toroor.