EZEKIEL 47:14 - BUKUIT NE TILIIL Sireet ne Dutero Kanon

¹⁴ Punjinok niito, kogergeit tugul; emet ne ki ayosye ale agoochini kwanisyekwok: ak kobunjook emoni koek poroteng'wong'.

Bukuit Ne Tilil

¹⁴ Punjinok niito, kogergeit tugul; emet ne ki ayosye ale agoochini kwanisyekwok: ak kobunjook emoni koek poroteng'wong'.

BUKUIT NE TILIL

¹⁴ Bunjinok nito, kogergeit tugul; emet ne kiayosie ale agochini kwanisiekwok: ak kobunjok emoni koek boroteng’wong’.

EZEKIEL 47:14 ပူးပေါင်းရင်းမြစ်များ

TAUNET 12:7

Ki mong'ji anyun `Kamuktaindet ne Toroor Abram ak koleenji, “Agoochini iyoteng'ung' emoni.” Amu nooto koteekyi Abram kaptisisyet Kamuktaindet ne Toroor, ne kiga mong'ji ineendet.

EZEKIEL 48:29

Niito emet ne opchechini ortinwegap Israel eng' seretap parbareek koek porotennywa, ak chuuto ko kebeberwekwak che teerchiin, mwaei Kiptaiyat Kamuktaindet ne Toroor.

EZEKIEL 20:42

Ak onai ole aa Kamuktaindet ne Toroor, ye amutwok obwa emetap Israel, emet ne ki aitoochi eunnyu ale agoochini kwanisyekwok.

EZEKIEL 20:28

Amu ye kinga muutu icheek kobwa emet, ne ki aitoochi eunnyu agoochi, kogeer tulweet age tugul ne kooi, ak keetit age tugul ne nyigiis, ak ki igoito eng' olooto korosekwak, ak ki igoito eng' olooto kagoochinoikwak che po tagisyet, kibeelei kogeny nyamdutikwak, ak koroong'ji olooto kagoochinoikwak che kieei.

KALEWANAIK 16:33

Ki wiirchin parbaryat ngoryeet, ago punu `Kamuktaindet ne Toroor kirwooget tugul.

NG'ATUTIK 1:8

Ogeero, kande emet taing'wong'; omong'ji anyun onam kobunjook emet ne ki iyasyechi `Kamuktaindet ne Toroor kwanisyekwok, Abraham, Isak ak Jakobo kole igoochin icheek ak iyotennywa ne piitu let.

KAITOSYEK 14:30

mooite emonooto iman ne ki ayosyechigei ale agoonok omeny olooto, kobatee Kaleb weeriitap Jepune ak Joshua weeriitap Nun, chooto icheegei kityo che itei.

KAITOSYEK 14:16

‘Ki kobarchi `Kamuktaindet ne Toroor pichooto surkwen amu ki ma imuuch ineendet komut icheek koba emet ne kiga koyasyechi.’

TAUNET 28:13

Ki tonon Kamuktaindet ne Toroor eng' ye neegitee ineendet ak kole, “Aa Kamuktaindet ne Toroor, Kamuktaindet ne po kwandang'ung' Abraham ak Kamuktaindetap Isak. Agoonin emoni imi, kobooto lagoguk.

TAUNET 26:3

Egu toondet eng' emoni, ami kobooten, ak aberuurin; amu agoonin inyee, kobooto lagoguk, emotinwechuuto tugul, ak agimiit kayasyoet ne ki ayasyechi kwandang'ung' Abraham.

TAUNET 17:8

Agoonin inyee ak lagoguk che piitu let emoni tugul po Kanaan, ni oo kiprutoin koek neng'wong' koigeny, ak aegu Kamuktaindennywa.”

TAUNET 15:7

Yeityo koleenji ineendet, “Aa Kamuktaindet ne Toroor anee ne ki amutun imang'une Ur emetap Kaldeik ak inyoo agoonin emoni kobunjiin.”

TAUNET 13:15

amu agoonin emet tugul ne igeere kobunjiin ak iyoteng'ung' agoi koigeny.

EZEKIEL 36:12

Ee, agoochini piik kobendatenak, chooto piikyuk Israel; ak konamin icheek ibunji ak iegu porotennywa, ama ibare lagokwak kogeny.

KOMONG'U 6:8

Ak amutwak obwa emet ne ki aitoochi eunnyu agoochi Abraham, Isak ak Jakobo, ak agoonok kobunjook. Aa Kamuktaindet ne Toroor.’ ”