EZEKIEL 43:7 - BUKUIT NE TILIIL Sireet ne Dutero Kanon

⁷ Ak ki leenjo, Ee, weeriitap chii, yuto ko ye mi ng'echerennyu ne po laitornatet, ole tebee keelyekyuk, ole amenye koigeny eng' kwenutap piigap Israel: ama komurwoni kogeny kootap Israel kainennyu ne tiliil, icheeget anan ko laitorinikwak, eng' kugoinatennywa, ak eng' muuswegap laitorinikwak eng' komoswekwak che torooreen;

Bukuit Ne Tilil

⁷ Ak ki leenjo, Ee, weeriitap chii, yuto ko ye mi ng'echerennyu ne po laitornatet, ole tebee keelyekyuk, ole amenye koigeny eng' kwenutap piigap Israel: ama komurwoni kogeny kootap Israel kainennyu ne tiliil, icheeget anan ko laitorinikwak, eng' kugoinatennywa, ak eng' muuswegap laitorinikwak eng' komoswekwak che torooreen;

BUKUIT NE TILIL

⁷ Ak kilenja, Ee, weritab chi, yuto ko oldab ng’echerennyu ne bo laitornatet, ole tebe kelyekyuk, ole amenye koigeny eng’ kwenutab lagokab Israel: ama komuruoni kogeny gotab Israel kainennyu ne tilil, icheget anan ko laitorinikwak, eng’ kugoinatenywa, ak eng’ muswekab laitorinikwak eng’ komoswekwak che tororen;

EZEKIEL 43:7 ပူးပေါင်းရင်းမြစ်များ

1 LAITORINIK 8:13

Kaateegun iman koot ne imenye, komostang'ung' ne imenye koigeny.”

2 LAITORINIK 16:4

Ki enyei ineendet tiseiywek ak kobeelei nyamdutik eng' komoswek che torooreen, eng' tuloonook ak eng' kelutap keetit age tugul ne tuon.

1 ATEPTAP PEETUUSYEK 28:2

Ki tonon anyun Laitoryat Daudi ak kole, “Ogasa, tupchosyekyuk ak piikyuk. Ki mi muguleldanyu ateech koot ne imuung'ee moingetap arorutyetap Kamuktaindet ne Toroor, ak ng'echereet ne tebee keelyegap Kamuktaindennyo, ak ki achop tuguuk che po teekseet.”

TIENWOGIKAL 132:14

Yuto ko komosta ole amuung'e koigeny; atebee yuto; amu ki amach.

TIENWOGIKAL 46:5

Mi Kamuktaindet kwenutap nganaseet, ama ki istoi; toreti Kamuktaindet yooto ye kaeech.

TIENWOGIKAL 47:8

Pou `Kamuktaindet pororyosyek; tebee Kamuktaindet ng'echerennyi ne tiliil ne po laitornatet.

TIENWOGIKAL 68:17

Karisyegap Kamuktaindet ko eliphuusyek tiptem, agot eliphuusyek ak eliphuusyek: Mi Kiptaiyat kwenunnywa, eng' Sinai, eng' Ole-Tiliil.

TIENWOGIKAL 68:18

Ki itogoste parak, ki imut luulenik che ki iluul; Ki itaach piik koek kagoochinoik, Ee, agot ngelelik ak icheek, si kobiit komeng'iis Kamuktaindet ne Toroor.

TIENWOGIKAL 99:1

Laitorani Kamuktaindet ne Toroor; ingobotanso piik: Tebee ineendet paragutap kerubik; ingobotan ng'wony.

TIENWOGIKAL 99:5

Otoroor Kamuktaindet ne Toroor, Kamuktaindennyo, Ak ogutung'ji eng' ng'echereetap keelyekyik keel: Tiliil ineendet.

KOMONG'U 25:8

Ko uu nooto kora, ko ingoteekwo ole-tiliil si ameny kwenunnywa.

KOMONG'U 29:45

Amenye kwenutap piigap Israel ak aegu Kamuktaindennywa.

ISAIAH 6:1

Eng' kenyiit ne kimee Laitoryat Uzziah, ageer Kiptaiyat kotebee ng'echereetap laitornatet, kotoroor ak komi parak, ak ki nyi ngoryennyi Hekaluut.

ISAIAH 66:1

Mwaei Kamuktaindet ne Toroor kole, kipsengwet ko ng'echerennyu ne po laitornatet, ak ng'wony ko ng'echereetap keelyekyuk: oteekwo koot ne uu nee? Ak komosta ano ole amuung'e?

JEREMIA 14:21

Amat iwechech amu kaineng'ung', ameteweer ng'echereetap laitornatet ne po toroornateng'ung'. Ibwaat, amat ibut kayomiset ne kigaiyomiswech.

JEREMIA 16:18

Ak ayaaktochini korook yaityennywa ak tengektonywa konyil aeng'; amu ki kong'wanit icheek emennyu eng' muuswegap tuguukwak che samis, ak kigonyiit porotennyu tuguukwak che kiwechei.

JEREMIA 17:12

Uu kapkorosunnyo ng'echereetap toroornatet, ne ki kinde ole toroor kobooch taunet.

JEREMIA 3:17

Eng' peetuusyechooto, ko tuun kuuree `icheek Jerusalem ng'echeretap laitornatet ne po Kamuktaindet ne Toroor, ak koyumjigei pororyosyek tugul, koyumjigei kainetap Kamuktaindet ne Toroor, eng' Jerusalem. Ama kobendote uuindap mugulelwekwak che yaacheen.

EZEKIEL 1:26

Ak kimi paragutap sengwetyet, ne ki mi paragutap metowekwak, kergeindo ne po ng'echereetap laitornatet, ne uu itoondanyi koita ne kiguure sapphire: ak kimi paragutap kergeindo ne po ng'echeranooto po laitornatet, kergeindo ne po itoondap chiito eng' paragunnyi.

EZEKIEL 10:1

Ki ageer anyun, ak ogeero, ki took eng' sengwetyet, ne ki mi paragutap kerubik, kiit ne ki uu koitap sapphire, ne uu itoondap kergeindap ng'echereetap laitornatet.

EZEKIEL 20:39

Ago eng' okweek, ee kootap Israel, mwaei Kiptaiyat Kamuktaindet ne Toroor ko uu ni kole: Ngot ko moepcha iit; obe anyun ak koot chii tugul kanamonikyik eng' peetuusyek che pwoonei ak icheek: ago ma omurwoni kainennyu ne tiliil kogeny eng' kagoochinoikwok, ak eng' kanamonikwok.

EZEKIEL 39:7

Ak abarte kainennyu ne tiliil eng' piikyuk Israel; ama achamdoi kainennyu ne tiliil king'wanit kogeny: si konai pororyosyek kole aa Kamuktaindet ne Toroor, Ineendet ne Tiliil eng' Israel.

EZEKIEL 43:9

Ingoisto anyun nguno kugoinatennywa ak muuswegap laitorinikwak, kolooitena, si ameny kwenunnywa koigeny.

EZEKIEL 48:35

Egu tegat eliphuusyek taman ak sisiit komoswek tugul: ak keguure kainetap nganasanooto kobooch peetuunooto, Mi Kamuktaindet ne Toroor olooto.

EZEKIEL 6:13

Ak onai ole aa Kamuktaindet ne Toroor, ye tuun mi piikwak che kigebar, kobooto kanamonikwak, che mi kapkorosusyekwak komoswekwak tugul eng' tulweet age tugul ne ming'in ne toroor, eng' walisyek tugul che po tuloonook, ak eng' kelutap keetit age tugul ne tuon, ak eng' kelutap keetit age tugul ne nyigiis, ole kibeeljine kanamonikwak tugul nyamdutik.

EZEKIEL 6:5

Ak ande muuswegap piigap Israel taitap kanamonikwak; ak aseerchi kawekwok komoswek tugul che po kapkorosusyekwok.

HOSEA 14:8

Tuun mwaei Ephraim kole, ta keting'egei nee kogeny ak kanamonik? Kaawolu, ak ageer ineendet: auu piribiret ne tuon; punwa logoeguk.

JOEL 3:17

Onai anyun ole aa Kamuktaindet ne Toroor Kamuktaindeng'wong', amenye Zion tulweennyu ne tiliil: tiliiliitu anyun Jerusalem, ama kobunei toek kogeny.

ATEPTAP LAWIK 26:30

Ang'eme awong'u komoswekwok che torooreen ak aluul kanamonikwok che po asiista, ak awirchi muuswekwok ole mi muuswegap kanamonikwok, ak kowechok saboondanyu.

MIKAH 4:7

ak ayai ineendet ne ing'wali koek ne ng'etunot, ak ayai ineendet ne kigetimda kolooit koek pororyet ne kiim, ak koboi `Kamuktaindet ne Toroor icheek eng' tulweetap Zion kobooch yooto agoi koigeny.

SEKARIA 13:2

Ak mwaei Kamuktaindet ne Toroor ne po lugoosyek kole tuun aistoi eng' peetuunooto kainaigap kanamonik eng' emet, ama kibwaati kogeny: ak aiste kogeny maotik ak tamirmiryet ne murwoon eng' emet.

SEKARIA 13:3

Ak ngot ko tuun komaoten age tugul, koleenji anyun kwanda ak kamet che kisichei chiichooto, Mesabe; amu imwae lembechek eng' kainetap Kamuktaindet ne Toroor: ak kotoor ineendet kwanda ak kamet che kisichei ineendet, ye kamaoten.

MATAYO 28:20

oneet icheek koosup tuguuk tugul che kaang'atak. Ak ogeero, ami kobootok eng' peetuusyek tugul, agoi kagesunetap ng'wony.”

JOHANA 1:14

Ak ki ek Ng'olyoot poorto ak komeny kwenunnyo (ak ki kigeer toroornatennyi, toroornatet ne uu ne po ne ki kisich ineegei kobunu Kwanda), ko nyiitaat myeeindo ak imanit.

JOHANA 14:23

Kowolji Jeso koleenji, “Ngo chama chii, koriip ng'olyoondennyu: ak kocham Abba ineendet ak kebwonji ineendet, ak kemeny kobooto ineendet.

2 KORINTOEK 6:16

Ak ting'egei nee Hekaluut ne po Kamuktaindet ak kanamonik? Amu ki Hekaluut ne po Kamuktaindet ne sabei; ago ko uu ye ki mwa Kamuktaindet kole, Amenye icheek, ak awendotee icheek; Ak aegu Kamuktaindet nenywa, Ak koek icheek piikyuk.

NG'ANG'UTYET 22:3

Ama komi chubisyet kogeny: ak tuun mi oriitinnyi ng'echereetap laitornatet ne po Kamuktaindet ak ne po Aarwet: ak yachin poisyet ineendet otwogikyik;