EZEKIEL 43:2 - BUKUIT NE TILIIL Sireet ne Dutero Kanon

² ogeero, ki mang'une ooreetap kong'asiis liilindap Kiptaiyat Kamuktaindetap Israel: ak ki uu tweguunennyi cheetap peek che chaang': ak ki iluu ng'wony eng' liilindanyi.

Bukuit Ne Tilil

² ogeero, ki mang'une ooreetap kong'asiis liilindap Kiptaiyat Kamuktaindetap Israel: ak ki uu tweguunennyi cheetap peek che chaang': ak ki iluu ng'wony eng' liilindanyi.

BUKUIT NE TILIL

² ogeero, kimong’une oretab kong’asis lilindab Kamuktaindetab Israel: ak ki u twegunennyi cheetab beek che chang’: ak kiiluu ng’ony eng’ lilindanyi.

EZEKIEL 43:2 ပူးပေါင်းရင်းမြစ်များ

ISAIAH 17:12

Pwo! Polatetap piik che chaang', che morortos ko uu nyanjosyek! Pwo! Pororyosyek che rwaei ko uu rwaetap peek che kiimeen!

ISAIAH 6:3

Ak kitwekyi `age age koleenji: “Tiliil, tiliil, tiliil, Kamuktaindet ne Toroor ne po lugoosyek; nyiitaat ng'wony komugul toroornatennyi.”

EZEKIEL 1:24

Ak kingo pendi, agas kirgirenetap kebebaikwak ko uu cheetap peek che chaang', ko uu tweguunetap Ineendet Ne po Kamuktaet, ko uu cheet ne imuuti, ne kergei ak cheetap lugeet: kingo tononso kochoor kebebaikwak kobwa ng'wony.

EZEKIEL 1:28

Ko uu ole teptoi itoondap chepkuinobor eng' poolik eng' peetuutap ropta, ko ki uu nooto itoondap kakweng'et eng' komoswek tugul. Ki niito itoondap kergeindo ne po liilindap Kamuktaindet ne Toroor. Ak kinga keer, abut kot kotiiny togeet, ak ki agas kutitap ineendet ne ki ng'alaali.

EZEKIEL 10:4

Ak ki togosta liilindap Kamuktaindet ne Toroor eng' kerubik, ak kotonone tugatugigap koot; ak ki nyi koot pooldet, ak ki nyi seremut kakweng'eetap liilindap Kamuktaindet ne Toroor.

EZEKIEL 11:22

Yeityo kotirirenso kerubik, ak kimi tirook kobooto icheek; ak kimi paragunnywa liilindap Kiptaiyat Kamuktaindetap Israel.

EZEKIEL 11:23

Ak kitogosta liilindap Kamuktaindet ne Toroor eng' kwenutap nganaseet ak kwo kotonone tulweet ne mi komostap kong'asiis eng' nganaseet.

EZEKIEL 3:23

Ki ang'eet anyun ak awe warenget: ak ogeero, ki tonon liilindo ne ki ageer eng' ye neegitee aineetap Kebar: ak ki abut kot kotiiny togeet ng'wony.

EZEKIEL 43:4

Ak ki nyo ko liilindap Kamuktaindet ne Toroor kobun ooreetap ormariichet ne tokyingei kong'asiis.

EZEKIEL 44:2

Ak ki leenjo Kamuktaindet ne Toroor, Kigerei ormariichani, ma kiyatei, ama punei chii kowendi oriit, amu kagobun Kamuktaindet ne Toroor, Kamuktaindetap Israel, kowendi oriit; kigerei anyun amu nooto.

EZEKIEL 9:3

Ak kitogosta liilindap Kiptaiyat Kamuktaindetap Israel eng' ole mi kerubindet, ole kitebee, kwo ole po tugatugigap koot: ak kitwekyi chiito ne ki ilaachi ngoryeetap katanit, ne ki tinyei laletap wino eng' suennyi.

HABAKUK 2:14

Amu nyiei ng'wony naetap toroornatetap Kamuktaindet ne Toroor, ko uu ye nyiei peek nyanjet.

HABAKUK 3:3

Ki nyo Kamuktaindet eng' Teman, ki nyo Ineendet ne Tiliil eng' tulweetap Paran. Ki tuch `toroornatennyi kipsengwet, ak ki nyi ng'wony kalasunennyi.

HABAKUK 3:4

Ki uu kakweng'ennyi lapkeiyet; Kimang'une eunnyi lapkeiyet ne uu ne po keelyegap asiista: Ak kimi yooto ole kiung'e kamuktaennyi.

JOHANA 12:41

Ki mwa tuguuchu Isaiah, amu ki keer toroornatennyi; ak ki ng'alaal agobo ineendet.

NG'ANG'UTYET 1:15

ak ki uu keelyekyik sugunwet ne sitaat miising', ko uu ne ki kitiliil eng' maat, ak ki uu tuugeennyi cheetap peek che chaang'.

NG'ANG'UTYET 14:2

Ak ki agas kutit kobun kipsengwet, ne uu cheetap peek che chaang', ak ko uu cheetap tuleet ne oo: ak cheonooto kigagas ko ki uu ne po putiik che putei ketubosyekwak:

NG'ANG'UTYET 18:1

Kingo pata tuguuchu, ageer malaikaiyat age kochoorugei eng' kipsengwet, ne tinyei kimnateet ne oo; ak kooluu ng'wony eng' liilindanyi.

NG'ANG'UTYET 19:1

Kingo pata tuguuchu, agas kiit ne uu kutit ne oo ne po tuiyet ne oo eng' kipsengwet, kole, “Haleluya! Po Kamuktaindet nenyo yetunet, toroornatet, ak kamuktaet;

NG'ANG'UTYET 19:6

Ak ki agas kiit ne uu kutitap tuiyet ne oo, ak ko uu cheetap peek che chaang', ak ko uu cheetap tuloosyek che kiimeen, kole, “Haleluya! Amu laitorani Kiptaiyat Kamuktaindennyo Ne po Kamuktaet.

NG'ANG'UTYET 21:11

kotinyei liilindap Kamuktaindet: ne kergei lapkeiyennyi ak koita ne po kamanuutyet ne oo, ko uu koita ne po jasipi, ne tiliil ko uu krustalo.

NG'ANG'UTYET 21:23

Ak ma machei nganaseet asiista, anan arawet, koluuchi: amu iluuchin liilindap Kamuktaindet, ak tainnyi ko Aarwet.