EZEKIEL 40:6 - BUKUIT NE TILIIL Sireet ne Dutero Kanon

⁶ Ki it anyun ormariichet ne tokyingei kong'asiis, ak kolaany kobun lang'eiywot, ak ki ikwa seremut ne po ormariichet, ki ek tegat agenge tebeesindo: ak ki ek seremunooto tegat agenge tebeesindo.

Bukuit Ne Tilil

⁶ Ki it anyun ormariichet ne tokyingei kong'asiis, ak kolaany kobun lang'eiywot, ak ki ikwa seremut ne po ormariichet, ki ek tegat agenge tebeesindo: ak ki ek seremunooto tegat agenge tebeesindo.

BUKUIT NE TILIL

⁶ Kiit anyun ormarichet ne tokyingei kong’asis, ak kolany kobun long’eiywot, ak kiikwa seremut ne bo ormarichet, kiek tegat agenge tebeesindo: ak kiek seremunoto tegat agenge tebeesindo.

EZEKIEL 40:6 ပူးပေါင်းရင်းမြစ်များ

1 LAITORINIK 6:8

Ki mi komostap tai kurgeetap kooriik che po kwenut ne po koot: ki kitogostae lang'eiywot ne ki ing'atkei kot koit kooriik che po kwenut, ak kong'etee che po kwenut agoi che po somok.

1 ATEPTAP PEETUUSYEK 9:18

che ki riibei kurgeetap laitoryat komostap kong'asiis agoi peetuunooto. Ki riibiigap nganaseetap lagogap Lawiik.

1 ATEPTAP PEETUUSYEK 9:24

Ki mi riibiik komoswek ang'wan: komostap kong'asiis, cherongo, murot kaataam ak murot tai.

NEEMIA 3:29

Che kiteechei kogeny korubei icheek ko ki Zadok weeriitap Imer kotokyingei koonnyi, ak ne kiteechei kogeny korubei ineendet ko ki Semaiah weeriitap Shekaneiah, riibindetap ormariichet ne po kong'asiis.

TIENWOGIKAL 84:10

Myee peetuut agenge ne atebee seremusyeguk kosiir eliphuut. Achame ariip kurgeetap kootap Kamuktaindennyu, Kosiir ameny emaisyegap kiptengeginik.

JEREMIA 19:2

ak obe agoi atebweetap weeriitap Hinom, ne miitei ye neegitee ole kibunei eng' ormariichetap rokyonik, ak imwaite eng' yooto ng'aleek che ta amwaun.

EZEKIEL 10:18

Ak ki wo liilindap Kamuktaindet ne Toroor eng' tugatugigap koot, ak kitonone paragutap kerubik.

EZEKIEL 11:1

Kiganaba anyun Kabuuset ne Tiliil, ak komutwaa anyo ormariichetap kong'asiis ne po kootap Kamuktaindet ne Toroor, ne tokyingei kong'asiis: ak ogeero, kimi kurgeetap ormariichet piik tiptemu ak muut; ak ki ageer eng' kwenunnywa Jaasania weeriitap Ashur, kobooto Pelatiah weeriitap Benaiah, pounigap piik.

EZEKIEL 40:20

Ak ki ikwa koindo ak tebeesindo ne po ormariichetap seremut ne ki mong'jin ne tokyingei murot kaataam.

EZEKIEL 40:22

Ak ki aechin kakwautigap tirisyokyik, ak che po keterunnyi, kobooto che po itoonwekyik che po tiironigap sosik, ak che po ormariichet ne tokyingei kong'asiis; ak kitogostae lang'eiywot ne tinyei tuguuk tisap che kityegoti; ak kimi tainnywa keterunnyi.

EZEKIEL 40:24

Ak ki imuta atokyigei murot tai, ak ogeero, kimi ormariichet ne tokyingei murot tai: ak ki ikwa tugatugikyik ak keterunnyi kogergeit ak mitainik chu kabo tai.

EZEKIEL 40:26

Ak kimi lang'eiywot ne tinyei tuguuk tisap che kityegoti, ketogostoi, ak kimi keterut tainnywa: ak ki tinyei tugatugikyik itoonwegap tiironigap sosik komosi ak komosin.

EZEKIEL 40:5

Ak ogeero, kimi inaatut ne kiyiem koot, ak kimi eutap chiichooto tegat ne kikwaise ne po mitainik lo che po euut eng' koindo, kakwautyet age tugul eng' chooto lo, ko kitesat tebeesindo agenge ne po euut: ki ikwa anyun tebeesindap inaatut, koek tegat agenge; ak ki ek kooindap tononennyi tegat agenge.

EZEKIEL 40:7

Ak ki ek kooindap koot age tugul ne po oriit tegat agenge, ak ki tegat agenge tebeesindo; ak ki mitainik muut che po euut kobooch koot age agoi koot age; ak kitegat agenge seremut ne po oriit ne po ormariichet ne ki mi ole kibunei kebendi keterut ne po ormariichet ne tokyingei koot.

EZEKIEL 41:16

kobooto tugatugik, ak tirisyok che regerotiin, ak komoswek che kibendote, che ki mi komoswek tugul che po kooriikyik che ki kiyap koba parak konyil somok, che tokyingei tugatukyet, che ki kiliige keetiik komoswek tugul, kobooch ng'wony agoi tirisyok; kiga kituch anyun tirisyochooto;

EZEKIEL 42:15

Ak kingo kagogees kakwaetap koot ne po oriit, komutwaa amang'une ooreet ne po ormariichet ne tokyingei kong'asiis, ak kokwa komoswek tugul.

EZEKIEL 43:1

Ye ibata komutwaa anyo ormariichet, ormariichanooto tokyingei kong'asiis:

EZEKIEL 43:17

Ak egu mitainik taman ak ang'wan che po euut, kooindap tegeleiywot, ak koek taman ak ang'wan tebeesindo agine eng' komoswekyik ang'wan; ak koek kebeberta kakwautyet ne po euut, mireiywot ne ki kimire; ak koek kakwautyet agenge ne po euut, kelunnyi, eng' komoswek tugul: ak kotokyigei kong'asiis lang'eiywondennyi.

EZEKIEL 43:8

ye kingo nde tugatukyennywa koriikyi tugatukyennyu, ak konde tolochikwak koriikyi tolochikyuk, ak kimi tooteet ineegei ne ki ibestoseech, anee ak icheek; ak ki komurwon kainennyu ne tiliil eng' tuguukwak che kiwechei che ki yai: ki ageesu anyun icheek eng' nereegekyuk.

EZEKIEL 44:1

Yeityo komutwaa aweek abun ooreetap ormariichet ne sip kemong'jin, ne po ole-tiliil, ne tokyingei kong'asiis; ak kigeraat ormariichanooto.

EZEKIEL 46:12

Ak ye chobei pounindet kagoochinetap chamyet, kagoochinet ne kibeelei anan kagoochinoigap kaalyeet koek kagoochinetap chamyet ne igoochin Kamuktaindet ne Toroor, keyatyin ormariichet ne tokyingei kong'asiis, ak kochop kagoochinennyi ne kibeelei kobooto kagoochinoikyik che po kaalyeet, ko uu ye yaei eng' peetuutap sabato: yeityo komanda; ak ye kagomanda, keger ormariichet.

EZEKIEL 47:1

Ak ki imutwaa aweek anyo kurgeetap koot; ak ogeero, ki mang'une peek kurereetap tugatugigap koot che kitokyingei kong'asiis, amu kitokyingei koot kong'asiis: ak ki mang'une peek kurere, eng' komostap tai ne po koot, eng' murot tai ne po kaptisisyet.

EZEKIEL 8:16

Ak ki imutwaa seremut ne po oriit ne po kootap Kamuktaindet ne Toroor, ak ogeero, kimi piik che neegit tiptem ak muut eng' kurgeetap Hekaluutap Kamuktaindet ne Toroor, eng' kwenutap keterut ak kaptisisyet, che kaituktoochi patai Hekaluutap Kamuktaindet ne Toroor, ak kotokyigei kong'asiis; ak ki sa asiista kotokyingei kong'asiis.