EZEKIEL 40:17 - BUKUIT NE TILIIL Sireet ne Dutero Kanon

¹⁷ Ki kimutwaa anyun anyo seremut ne ki mong'jin, ak ogeero, kimitoti kooriik che po oriit, ak ole ki kibunoti ole ki kimale koik, che ki kiyai koyiem seremut: ki mi kooriik sosomu olooto ki kimale koik.

Bukuit Ne Tilil

¹⁷ Ki kimutwaa anyun anyo seremut ne ki mong'jin, ak ogeero, kimitoti kooriik che po oriit, ak ole ki kibunoti ole ki kimale koik, che ki kiyai koyiem seremut: ki mi kooriik sosomu olooto ki kimale koik.

BUKUIT NE TILIL

¹⁷ Kikimutwa anyun anyo seremut ne kimong’jin, ak ogeero, kimitoti gorik che bo orit, ak ole kigibunoti ole kigimale koik, che kigiyai koyiem seremut: kimi gorik sosomu oloto kigimale koik.

EZEKIEL 40:17 ပူးပေါင်းရင်းမြစ်များ

1 LAITORINIK 6:5

Ki teech kooriik alak che mi parak eng' koot, koyiem inaatutap koot, konamatkei ak inatusyegap koot eng' komoswek tugul, eng' Hekaluut ak koot ne po oriit; ak ki teech kooriik alak che mi koot taban eng' komoswek tugul.

2 LAITORINIK 23:11

Ki isto paraisisyek che kiga kogoochi laitorinigap Judah asiista. Ki mi ye kimandoe kebendi kootap Kamuktaindet ne Toroor, ye neegitee kootap Natan-melek riibindet, ne mi serem. Ki peel kariisyek che po asiista eng' maat.

1 ATEPTAP PEETUUSYEK 23:28

Amu kiboisyennywa koboisyechi weeriigap Aron agobo poisyetap kootap Kamuktaindet ne Toroor, eng' seremusyek, ak eng' kooriik che po oriit, ak eng' kaanyinyetap tuguuk tugul che tiliileen, poisyetap otisyetap kootap Kamuktaindet;

1 ATEPTAP PEETUUSYEK 9:26

Amu kimi poisyet ne kiga kigoochi riibiik ang'wan che eecheen, che ki Lawiik, ki pou kooriik ak ole kigonoree tuguuk eng' kootap Kamuktaindet.

2 ATEPTAP PEETUUSYEK 31:11

Ki ng'at anyun Hezekiah kechop kooriik che mengeechen eng' kootap Kamuktaindet ne Toroor; ak ki chop.

KOMONG'U 27:9

“Iyae seremut ne ng'ootaat ne po emaitap Kamuktaindet. Eng' ole tokyingei murot tai, kindoi angook che uu emait ne po katanit ne karaaran ne ki kileet ne yamei mitainik artam ak ang'wan ko uu kooindap seremut eng' komosta agenge.

EZEKIEL 10:5

Ak ki kigasei kirgirenetap kebebaigap kerubik agoi seremut ne po saang', ko uu kutitap Kamuktaindet Ne po Kamuktaet ye ng'alaali.

EZEKIEL 40:18

Ki mi komoswek che ki kimal ole neegitee ormariichok, che aechin ak kooindap ormariichok, chooto komoswek che tabanu ng'wony.

EZEKIEL 40:38

Ak kimi koot ne po oriit kobooto kurgennyi ye neegitee tugatugigap ormariichok; ki kiuune yooto kagoochinet ne kibeelei.

EZEKIEL 40:44

Ak kimi saang'utap ormariichet ne po oriit kooriik che po oriit che po tyeniik eng' seremut ne po oriit, ne ki mi komostap ormariichet ne po murot kaataam; ak kitokyingei murot tai: kimi age komostap ormariichet ne po kong'asiis ne tokyingei murot kaataam.

EZEKIEL 40:45

Ak kimwaiwo koleenjo, Po koiito tokyingei murot tai tisiik, che tononjin riipseetap koot.

EZEKIEL 40:46

Ak po koot ne tokyingei murot kaataam tisiik che tononjin riipseetap kaptisisyet: chuuto ko weeriitap Zadok, che salu weeriitap Lawi, che riikyin Kamuktaindet ne Toroor koboisyechin ineendet.

EZEKIEL 41:10

Ak ki mitainik tiptem che po euut tebeesindo ne po kwenutap koorchooto mengeechen, eng' komosta age tugul ne po koot.

EZEKIEL 41:6

Ak kimitoti kooriik che ki kiyap koba parak konyil somok, eng' paragutap koot age tugul ne ki mi inaat, ki ek sosom tugul ko katetatkei; ak kichut koorchooto po taban inatusyegap koot che po kooriik che mengeechen, che mi taban eng' komoswek tugul, si kobiit kotiegei, si ma tiegei inaatutap koot.

EZEKIEL 42:1

Ki imutwaa anyun anyo seremut ne sip kemong'jin, eng' ooreet ne tokyingei murot kaataam: ak ki imutwaa anyo koot ne ming'in ne kitokyingei komosta ne mi taban, ne ki mi taitap inaatut ole tokyingei murot kaataam.

EZEKIEL 42:10

Ki mi kooriik che mengeechen tooteet oriit ne po seremut ne tokyingei kong'asiis, ne tokyindos ak komosta ne mi taban eng' taitap koot.

EZEKIEL 42:3

Ki mi komoswek aeng'u che ki kibendote che kiitoorchindos, che ki po kooriik che ki kiyap koba parak konyil somok, che kitokyingei mitainik tiptem che po euut che po seremut ne po oriit, ak che kitokyingei ole ki kimale koik che po seremut ne sip kemong'jin.

EZEKIEL 42:4

Ak kimi taitap koorichooto ole ki kibunoti, ki mitainik taman che po euut tebeesindo ngeba oriit, ko po mitainik pogol agenge che po euut, koindo; ak kitokyingei kurgotikwak murot kaataam.

EZEKIEL 44:1

Yeityo komutwaa aweek abun ooreetap ormariichet ne sip kemong'jin, ne po ole-tiliil, ne tokyingei kong'asiis; ak kigeraat ormariichanooto.

EZEKIEL 45:5

Punjin Lawiik kiboitinigap koot, koindo ne po eliphuusyek tiptem ak muut, ak tebeesindo ne po eliphuusyek taman, konamjigei kobunji, koek nganasook che menyei.

EZEKIEL 46:21

Yeityo komutwaa anyun anyo seremut ne sip kemong'jin, ak komuta abun luukwek ang'wan che po seremut; ak ogeero, kimi seremut luuita age tugul ne po seremunooto.

NG'ANG'UTYET 11:2

Ago pagakte, amat ikwa seremut ne miitei Hekaluut saang'; amu ki kigoochi Pororyosyek: ak kotyechei eng' keelyekwak nganaseet ne tiliil eng' arawek artam ak aeng'.