EZEKIEL 39:8 - BUKUIT NE TILIIL Sireet ne Dutero Kanon

⁸ Keero, nyoonei, ak kiyaei ko uu nooto, mwaei Kiptaiyat Kamuktaindet ne Toroor; niito peetuut ne ki amwae.

Bukuit Ne Tilil

⁸ Keero, nyoonei, ak kiyaei ko uu nooto, mwaei Kiptaiyat Kamuktaindet ne Toroor; niito peetuut ne ki amwae.

BUKUIT NE TILIL

⁸ Keero, nyonei, ak kiyaei ko u noto, mwaei Kiptaiyat Jehovah; nito betut ne kiamwae.

EZEKIEL 39:8 ပူးပေါင်းရင်းမြစ်များ

ISAIAH 46:10

ne iboortoi kegesunet kobooch taunet, ak koboortoi kobooch peetuusyek che po keny, tuguuk che tomo koyaogis; kole, tononi kirwoogennyu, ak ayae tugul che achame:

EZEKIEL 33:33

Ak ye piit kioto, (keero, nyoonei,) konai anyun kole kimi maotyot kwenunnywa.

EZEKIEL 38:17

Mwaei Kiptaiyat Kamuktaindet ne Toroor kole: Tos inyee ne ki amwaite keny eng' otwogikyuk maotigap Israel, che ki maoteni eng' peetuusyechooto eng' kenyiisyek che chaang' kole tuun amutun inyoo obargei ak icheek?

EZEKIEL 39:7

Ak abarte kainennyu ne tiliil eng' piikyuk Israel; ama achamdoi kainennyu ne tiliil king'wanit kogeny: si konai pororyosyek kole aa Kamuktaindet ne Toroor, Ineendet ne Tiliil eng' Israel.

EZEKIEL 39:9

Ak komanda icheek che menyei nganasoogap Israel, ak kolaale maat kariigap lugeet ak kobeel tuguuchooto, long'onik, ak long'onik che eecheen, kwangok, kipchabonik, ndirisyek, ak ng'otwek, ak kobeel karichooto eng' kenyiisyek tisap;

2 PETERO 3:8

Ago amoutye ng'olyoondoni, chamanichu, ole peetuut agenge eng' Kiptaiyat ko kergei ak kenyiisyek eliphuut, ak ko kergei kenyiisyek eliphuut ak peetuut agenge.

NG'ANG'UTYET 16:17

Ak kiroong'ji malaikaiyat ne po tisap taabeennyi soet; ak ki mong' kutit ne oo eng' Hekaluut, kobun ng'echereetap laitornatet, kole, “Kagosulda!”

NG'ANG'UTYET 21:6

Ak koleenjo, “Kagosulda! Aa Alpha ak ko aa Omega, taunet ak kagesunet. Agoochini puch ineendet ne amei melelda che po kondametutap peegap saboondo.