EZEKIEL 39:23 - BUKUIT NE TILIIL Sireet ne Dutero Kanon

²³ Ak konai pororyosyek kole ki kiluul kootap Israel amu tengektonywa; amu ki ingelelja, ak ki aung'e icheek togeennyu: ki ande anyun icheek eutap puunikwak, ak kobek icheek tugul eng' rotwetap chok.

Bukuit Ne Tilil

²³ Ak konai pororyosyek kole ki kiluul kootap Israel amu tengektonywa; amu ki ingelelja, ak ki aung'e icheek togeennyu: ki ande anyun icheek eutap puunikwak, ak kobek icheek tugul eng' rotwetap chok.

BUKUIT NE TILIL

²³ Ak konai bororiosiek kole kigiluul gotab Israel amu tengektanywa; amu kiingelelja, ak kiaung’e ichek togennyu: kiande anyun ichek eutab bunikwak, ak kobek ichek tugul eng’ rotwetab chok.

EZEKIEL 39:23 ပူးပေါင်းရင်းမြစ်များ

EZRAH 9:7

Ki keegu kiptengegiinik miising' kobooch peetuusyegap kwanisyekyok agoi rani, ak ki kindeech eunegap laitorinik che po emotinwek agobo tengekwogikyok acheek, laitorinikyok ak tisiikyok, kebarech eng' rotwetap chok, keluulech, ng'emisyet ak kalilanet, ko uu rani.

TIENWOGIKAL 10:1

Ee Kamuktaindet ne Toroor, amu nee si itonone ole loo? Kalya si iunykei eng' peetuusyegap nyalilda?

TIENWOGIKAL 106:41

Ki igoito icheek koba eunegap pororyosyek; ak kiboi icheek che kiwechei.

TIENWOGIKAL 30:7

Eng' chameng'ung', ee Kamuktaindet ne Toroor, ko ki igoono atonon ko uu tulweet ne kiim. Ago ye ki iuny togeng'ung'; ko ki aiyweisye.

ISAIAH 1:15

Ye oiite eunekwok, aung'enok konyekyuk. Agot ye osaa eng' saautik che chaang', koma kase; nyiitaat eunekwok korotiik.

ISAIAH 42:24

Ki igoito ng'oo Jakobo keluul, ak ki igoito ng'oo Israel kogoochi rebiik? Tos ma Kamuktaindet ne Toroor? Ineendet ne ki kiyachi acheek tengekto, ak ne ki ma cham icheek kobendatee ortinwekyik, ama kas iit ng'atuutyennyi.

ISAIAH 59:2

ago ki kobesyenok tengekwogikwok Kamuktaindeng'wong', ak kigouny tengekwogikwok togeennyi, kot koma kochamei kogas.

ISAIAH 64:7

Ama mi ne kuurei kaineng'ung', ne igiilegei si kobiit konamin: amu ki iung'enech togeng'ung', ak ki igeswech amu tengekwogikyok.

ISAIAH 8:17

Si agen Kamuktaindet ne Toroor, ne unyei togeennyi si ma keer kootap Jakobo, ak amang'u ineendet.

JEREMIA 33:5

Pwoonei kobaregei ak Kaldeik, ago kinyiiti muuswek, che ki abar eng' nereegekyuk ak eng' nereegekyuk che ng'woneen, ak icheek tugul che ki aung'e togeennyu tengekwogikwak eng' nganasani.

JEREMIA 44:22

kot ko mata komuuch Kamuktaindet ne Toroor komuita, amu yaityetap poisyonikwok, ak amu tuguuk che kiwechei che ki oyai? Ki ek anyun emeng'wong' ne kuberot, ak ne kikwong'ee, ak ne kisasei, ama menyei chii, ko uu ye uu rani.

RIREKAB JEREMIA 1:8

Ki koyai Jerusalem tengekto ne ya miising'; kogoek anyun kiit ne murwoon amu nooto. Sasei ineendet tugul che ki konyiti ineendet, amu ki kogeer aach ngorinnyi. Ee, tigeni, ak koweechigei let.

EZEKIEL 20:27

Nooto anyun, ee weeriitap chii, ng'alaalji kootap Israel ileenji icheek, Mwaei Kiptaiyat Kamuktaindet ne Toroor kole: Kigochuba kwanisyekwok kogeny eng' niito amu kachiliilutyet ne ki yaiywo.

EZEKIEL 36:36

Konai anyun pororyosyek che ng'etunotiin eng' komoswekwok, kole, koateeche anee Kamuktaindet ne Toroor komoswechuuto kiga kobutok, ak agool ole kiga koguber: kamwae anee Kamuktaindet ne Toroor, ak ayae.

EZEKIEL 39:29

ama aung'e icheek togeennyu kogeny; amu kaaroong'ji Kabuusennyu kootap Israel, mwaei Kiptaiyat Kamuktaindet ne Toroor.

EZEKIEL 7:22

Ak atuktoochi patai, ak kong'wanit oldanyu ne po ung'oot: ak kochut olooto rebiik, ak kong'wanit.

ATEPTAP LAWIK 26:25

Aibwok rotwetap chok ne yaakwok mugetuut ne po kayomiset. Ye oyumjigei nganasookwok, ayookwok koroito konyo kweng'wong' ak kindeak eunegap puunikwok.

NG'ATUTIK 32:20

Ak ki le, “Aung'e togeennyu, Ageere ole teptoi kagesunennywa; Amu icheek ko ibinda ne imaasat miising'. Lagok che ma tinyei kayaneet.

NG'ATUTIK 32:30

Kotos imuktoi ano koon `chii agenge eliphuut, ak koon `piik aeng'u eliphuusyek taman, nda ki ma alda `Ruandennywa icheek, ak kogoito `Kamuktaindet ne Toroor icheek?

KIRUOGIK 2:14

Ki nereech kot Kamuktaindet ne Toroor agobo Israel, ak ki inde icheek eunegap piik che kiluul icheek. Ki aldochi eunegap puunik che kiluul icheek kot ko ki mata komuuchi kotononso eng' taitap puunikwak.

KIRUOGIK 3:8

Nooto anyun kinereech kot Kamuktaindet ne Toroor agobo Israel, ak ki alda icheek koba eunegap Kusan-risataim laitoryatap Mesopotamia. Ki oot anyun piigap Israel Kusan-risataim kenyiisyek sisiit.