EZEKIEL 38:8 - BUKUIT NE TILIIL Sireet ne Dutero Kanon

⁸ Kibwonjinin ko kagosiirto peetuusyek che chaang': iite eng' kenyiisyek che po let emet ne ki kiweegune rotwetap chok, ne ki kiweech eng' pororyosyek che chaang', eng' tuloonoogap Israel, ne kiga koguber peetuusyek che chaang': ago ki kiweech komong' eng' pororyosyek ak komeng'iis tugul eng' chametapkei.

Bukuit Ne Tilil

⁸ Kibwonjinin ko kagosiirto peetuusyek che chaang': iite eng' kenyiisyek che po let emet ne ki kiweegune rotwetap chok, ne ki kiweech eng' pororyosyek che chaang', eng' tuloonoogap Israel, ne kiga koguber peetuusyek che chaang': ago ki kiweech komong' eng' pororyosyek ak komeng'iis tugul eng' chametapkei.

BUKUIT NE TILIL

⁸ Kibwanjinin ko kagosiirto betusiek che chang’: iite eng’ kenyisiek che bo let emet ne kigiweegune rotwetab chok, ne kigiweech eng’ bororiosiek che chang’, eng’ tolonokab Israel, ne kiga koguber betusiek che chang’: ago kigiweech komong’ eng’ bororiosiek ak komeng’is tugul eng’ chametab ge.

EZEKIEL 38:8 ပူးပေါင်းရင်းမြစ်များ

TAUNET 49:1

Yeityo koguur `Jakobo weeriikyik ak koleenji, “Oyumgei tugul, si kobiit aboorwok tuguuk che tuun pwonjinok eng' peetuusyek che po let.

KOMONG'U 20:5

ameng'uruukyi anan ioot icheek, amu anee Kamuktaindet ne Toroor Kamuktaindeng'ung', ko aa Kamuktaindet ne ama ng'etkong'. Ageerchini lagok tengektap kwanisyekwak agoi ibindap somok ak ne po ang'wan eng' icheek che wecho.

ISAIAH 24:22

Kiyum icheek tugul, ko uu ye kiyumi kimonjororinik eng' keriinget, ak kegerchi korgoreet, ak ye kagobata peetuusyek che chaang', kebir.

ISAIAH 29:6

nyoonjin Kamuktaindet ne Toroor ne po lugoosyek ineendet eng' tuleet, eng' potaneetap ng'wony ak polateet ne oo ak kipchurchuryet, kobooto usoonet ne oo, ak liplibenetap maat ne peelsei.

ISAIAH 8:9

Owaach, ee pororyosyechu, si kobiit ketonatonak; ak oep iit, ee okweek tugul che oo po emotinwek che looen; ogermenge, si ketonatonak; ogermenge anyun, si ketonatonak.

JEREMIA 23:6

Kisaru Judah eng' peetuusyekyik, ak komeng'iis Israel eng' chametapkei: ak ni kainennyi ne kemwaitoe, Kamuktaindet ne Toroor ko imandanyo.

JEREMIA 30:18

Mwaei Kamuktaindet ne Toroor kole, ogeero, awale kogeny luuleetap emaisyegap Jakobo, ak ariiree meng'otosyekyik; ak keteech nganaseet karaitanyi, ak kotebi kootap laitoryat ko uu yeginye.

JEREMIA 30:3

Keero, pwoonei peetuusyek, mwaei Kamuktaindet ne Toroor, che awale luuleetap piikyuk Israel ak Judah, mwaei Kamuktaindet ne Toroor: ak agoochi icheek koweek kobwa emet ne ki agoochi kwanisyekwak, ak kobunji.

JEREMIA 32:37

Ogeero, ayumi icheek komong' eng' emotinwek tugul che kigaonji icheek amu nereegekyuk, ak eng' nereegekyuk che ng'woneen, ak eng' nereegek che eecheen, ak amutu icheek kogeny kobwa olito, ak agoochi komeny eng' chametapkei.

JEREMIA 32:5

ak komut Zedekiah kwo Babilon, ak kotebee olooto agoi tuun aityi pireet ineendet, mwaei Kamuktaindet ne Toroor: agot ngo pargei ak Kaldeik, koma kiberuurok?

JEREMIA 33:16

Kisaru Judah eng' peetuusyechooto; ak komeng'iis Jerusalem eng' chametapkei; ak ni kainet ne kimwaitoe, Kamuktaindet ne Toroor ko imandanyo.

JEREMIA 48:47

Ago aweechi kogeny luulenigap Moab eng' peetuusyek che po let, mwaei Kamuktaindet ne Toroor. Tee nooto anyun kirwoogetap Moab.

JEREMIA 49:39

Ago aweechi kogeny luulenigap Elam eng' peetuusyek che po let, mwaei Kamuktaindet ne Toroor.

RIREKAB JEREMIA 4:22

Piretap tengektong'ung', ee cheptap Zion ko kagosulda; ma komutin kogeny keluulin: ago tengektong'ung', ee cheptap Edom, ko iityin ineendet pireet, ng'aanyei tengekwogiguk kotook.

EZEKIEL 28:26

Ak komeny olooto eng' chametapkei; ee teechei kooriik, ak komiin sabibuk, ak komeng'iis eng' chametapkei; ye tuun kaarwookyi icheek tugul che sasei icheek che mi komoswekwak tugul; si konai kole aa Kamuktaindet ne Toroor Kamuktaindennywa.

EZEKIEL 34:13

Ak amutu komong' eng' pororyosyek, ak ayumu eng' emotinwek, ak amutu kobwa emennywa; ak abai icheek eng' tuloonoogap Israel, eng' ole neegitee kereruusyek, ak eng' komoswek tugul che ki menyei eng' emonooto.

EZEKIEL 38:14

Maoten anyun, ee, weeriitap chii, ak ileenji Gog, Mwaei Kiptaiyat Kamuktaindet ne Toroor kole: Eng' peetuut ye tuun kameng'iis piikyuk Israel eng' chametapkei, ko tos menae?

EZEKIEL 38:16

ak obwa obargei ak piikyuk Israel, ko uu pooldet ne tuchei emet; amutun eng' peetuusyek che po let obwa obargei ak emennyu, si kobiit konaa pororyosyek, ye tuun aegu ne itabaanat eng' inyee, ee Gog, eng' tainnywa.

EZEKIEL 39:26

Ak kogesen kalilanennywa, kobooto pistaosyekwak tugul che ki yaiywo, ye tuun meny emennywa eng' chametapkei, ama piitu chii ne imui icheek;

HABAKUK 2:3

Amu po ng'ang'utyet peetuusyek che ki king'at, ak kochoktoi kotokyingei kagesunet, ama mwaei lembech. Agot ngo kagei, igen inyee; amu nyoonei iman, ma igaegei.

KAITOSYEK 24:14

“Kawe nguno ole mi piikyuk, ago nyoo anyun amwaun kiit ne itoi `pichu piiguk eng' peetuusyek che po let.”

NG'ATUTIK 4:30

Ak ye imiitei nyalilda, ak kobwonjin tuguuchu tugul, iweekyigei Kamuktaindet ne Toroor Kamuktaindeng'ung' anyun eng' peetuusyek che po let, ak igas kutinnyi.

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.