EZEKIEL 38:22 - BUKUIT NE TILIIL Sireet ne Dutero Kanon

²² Agere kong' ineendet eng' koroito ak korotiik; ak ayookyi ineendet kobooto lugosyekyik, ak piikyik che chaang' che mi kobooto ineendet, ropta ne oo ak koik che eecheen che po ropta, maat ak tuguuk che laldos.

Bukuit Ne Tilil

²² Agere kong' ineendet eng' koroito ak korotiik; ak ayookyi ineendet kobooto lugosyekyik, ak piikyik che chaang' che mi kobooto ineendet, ropta ne oo ak koik che eecheen che po ropta, maat ak tuguuk che laldos.

BUKUIT NE TILIL

²² Ak ager kong’ inendet eng’ koroito ak korotik; ak ayokyi inendet, koboto lugosiekyik, ak bikyik che chang’ che mi koboto inendet, ropta ne o, ak koik che eechen che bo ropta, ak mat, ak tuguk che laldos.

EZEKIEL 38:22 ပူးပေါင်းရင်းမြစ်များ

TAUNET 19:24

Kiroong'ji anyun Kamuktaindet ne Toroor Sodom ak Gomorah roptap koik che laldos ak maat ne punu kipsengwet.

TIENWOGIKAL 11:6

Robonjin `inee kiptengeginik ng'etetyotap maat ak tuguuk che laldos; egu `usoonet ne peelsei kebebertap kigombennywa.

ISAIAH 28:17

Ak ayai kirwooget koek kiit ne litit, ak ayai imanda koek porowet ne kilititisye. Ak kobukto koigap ropta ole mwechin ne po lembechek, ak komarane peek ole kiung'egei.

ISAIAH 29:6

nyoonjin Kamuktaindet ne Toroor ne po lugoosyek ineendet eng' tuleet, eng' potaneetap ng'wony ak polateet ne oo ak kipchurchuryet, kobooto usoonet ne oo, ak liplibenetap maat ne peelsei.

ISAIAH 34:3

Ki wiirtoi piikwak che kigebar, ak puldos muuswekwak, ak kochootyo tuloonook amu korotiikwak.

ISAIAH 66:16

Amu irwooksechin `Kamuktaindet ne Toroor piik tugul eng' maat ak eng' rotwennyi po chok: ak kochang'a che parei Kamuktaindet ne Toroor.

JEREMIA 25:31

Itei polateet ole poochin ng'wony; amu poortos Kamuktaindet ne Toroor ak pororyosyek, irwooksechin `ineendet piik tugul; ak igoitoi kiptengeginik kebar eng' rotwetap chok, mwaei Kamuktaindet ne Toroor.

EZEKIEL 13:11

mwachi icheek che malse taartaarichuuto ileenji, luulei: piitu ropta ne oo; ak koroobon koik che eecheen che po ropta; ak kobet usoonet ne oo inatunooto.

EZEKIEL 28:23

Amu ayookyini ineendet koroito ak korotiik eng' ortinwekyik; ak kobutyo eng' kwenunnyi icheek che kogiguoten, che kiguoteni eng' rotwetap chok eng' komosta age tugul; si konai kole aa Kamuktaindet ne Toroor.

EZEKIEL 39:6

Ak ayookyi maat Magog, kobooto icheeget che meng'iisyei eng' chametapkei eng' ngeguusyek: si konai icheek kole aa Kamuktaindet ne Toroor.

EZEKIEL 5:17

Ak ayookwok rubeet, ak tyong'ik che yaacheen, che parenen piik; ak kobun kwenung'ung' koroito ak korotiik; ak aibun rotwetap chok konyo paragung'ung': kaamwa anee Kamuktaindet ne Toroor ng'olyoondoniito.

JOEL 3:2

ak amut icheek koba atebweetap Jehoshaphat; ak arwookyi icheek eng' olooto amu piikyuk ak amu porotennyu Israel, che ki koseerchi pororyosyek, ak kopchei emennyu.

MATAYO 7:27

ak ki roobon, ak ki pwa mogoochek, ak kius usoonaik, ak koryep koyooto; ak kiluul: ak kieet luulennyi.”

JOSHUA 10:11

Ye ki mwee eng' taitap Israel, ye kichoortaegei Beth-horon, kowiir `Kamuktaindet ne Toroor icheek eng' koik che eecheen che punu kipsengwet kot koit Aseka, ak ki pek icheek; ki chaang' che ki pek eng' koigap ropta kosiir che ki par piigap Israel eng' rotwetap chok.

NG'ANG'UTYET 14:10

koeei agine divaik che po koroomnatetap Kamuktaindet, che ki kichop ama kiburuch eng' kigombetap nereeknatennyi; ak kinyaliili eng' maat ak koik che laldos eng' taitap malaikaisyek che tiliileen, ak eng' taitap Aarwet:

NG'ANG'UTYET 16:21

Ak kororokyi piik koik che eecheen che po ropta che rorogu eng' kipsengwet, che tee nyigiisindanywa talendait: ak ki chup `piik Kamuktaindet amu koroitap koichooto po ropta; amu oo miising' koroitanyi.

NG'ANG'UTYET 20:9

Ak kotogosta koyom ng'wony ak koyiem ye mi che tiliileen, ak nganaseet ne chamat; ak ki choorgei maat eng' kipsengwet, ak kobeel icheek.

NG'ANG'UTYET 8:7

Ki kuut malaikaiyat ne po tai, ak ki piit koigap ropta ak maat che purugotin ak korotiik, ak ki kiwiirchi ng'wony; ak ki lal kebeberta agenge eng' somok ne po ng'wony, ak ki lal kebeberta agenge eng' somok ne po keetiik, ak kilalyo susweek tugul che tuonen.