EZEKIEL 37:6 - BUKUIT NE TILIIL Sireet ne Dutero Kanon

⁶ Andeok inoik ak alaakwok panyeek ak atugenok iriryot, yeityo andeok kabuuset, si osapche; si onai ole aa Kamuktaindet ne Toroor.

Bukuit Ne Tilil

⁶ Andeok inoik ak alaakwok panyeek ak atugenok iriryot, yeityo andeok kabuuset, si osapche; si onai ole aa Kamuktaindet ne Toroor.

BUKUIT NE TILIL

⁶ Andeok simoloik ak alaakwok banyek ak atugenok iririot, yeityo andeok kabuset, si osopche; si onai ole a Jehovah.

EZEKIEL 37:6 ပူးပေါင်းရင်းမြစ်များ

JOEL 2:27

Ak onai ole ami kwenutap Israel, ak onai ole aa Kamuktaindet ne Toroor Kamuktaindeng'wong', ama mi age: ak ma kolilaandos piikyuk kogeny.

ISAIAH 49:23

Ak koek laitorinik kwanisyeguk che iguin, ak koek osotigap laitorinik kametwogiguk che iguin: kutung'jinin icheek kot koit togoochikwak ng'wony, ak komel temburyek che mi keelyeguk; ak inai ile aa Kamuktaindet ne Toroor, ma ililandos icheek che igeno.

JOEL 3:17

Onai anyun ole aa Kamuktaindet ne Toroor Kamuktaindeng'wong', amenye Zion tulweennyu ne tiliil: tiliiliitu anyun Jerusalem, ama kobunei toek kogeny.

EZEKIEL 37:14

Ak andeok Kabuusennyu, si osapche, ak andeok emeng'wong' si kobiit onai ole anee Kamuktaindet ne Toroor ne kamwae ng'olyoondoniito, ak ayai, mwaei Kamuktaindet ne Toroor.

EZEKIEL 39:6

Ak ayookyi maat Magog, kobooto icheeget che meng'iisyei eng' chametapkei eng' ngeguusyek: si konai icheek kole aa Kamuktaindet ne Toroor.

EZEKIEL 38:23

Ak atoroorge, ak atabaangei, ak abartegei eng' taitap pororyosyek che chaang'; si konai icheek kole aa Kamuktaindet ne Toroor.

EZEKIEL 35:12

Ak inai ile anee Kamuktaindet ne Toroor ne ki agas chubisyosyeguk tugul che ki imwa agobo tuloonoogap Israel, ile, Kigeyai koguber, kigegoonech keam.

EZEKIEL 35:9

Ayain iguber agoi, ama kemenyei nganasoguk: si onai ole aa Kamuktaindet ne Toroor.

EZEKIEL 34:27

Ak kooi logoek keetitap mbar, ak korur emet, ak kotebee chametapkei eng' emennywa; ak konai kole aa Kamuktaindet ne Toroor, ye tuun airii keetiigap choginnywa, ko kaasaru icheek komong' eng' eutap piik che ki yai icheek koek otwogikwak.

EZEKIEL 6:7

Ak kobutyo eng' kwenung'wong' che tuun ki parei, si onai ole aa Kamuktaindet ne Toroor.

1 LAITORINIK 20:28

Ki nyo chiitap Kamuktaindet ne Toroor koriik ak kong'alaalji laitoryatap Israel, kole, “Kamwa Kamuktaindet ne Toroor ko uu ni, kole: ‘Amu komwa piigap Syria kole, Kamuktaindet ne Toroor ko kamuktaindetap tuloonook, ma kamuktaindetap atebwosyek, andoi anyun eung'ung' tuiyoni oo tugul, si onai ole aa Kamuktaindet ne Toroor.’ ”

EZEKIEL 39:28

Ak konai icheek kole aa Kamuktaindet ne Toroor Kamuktaindennywa, amu ki agoite icheek keluul koba pororyosyek, ak koayumji icheek emennywa: ama abagakyini agot agenge olooto kogeny;

EZEKIEL 39:22

Konai anyun kootap Israel kole aa Kamuktaindet ne Toroor Kamuktaindennywa, kobooch peetuunooto ak kwo tai.

EZEKIEL 35:15

Ko uu ye ki ibaibaitune poroteetap kootap Israel, amu kiguber, ayaun ko uu nooto: iguberi, ee, inyee tulweetap Seir, ak Edom komugul, komosato tugul; si konai icheek kole aa Kamuktaindet ne Toroor.

EZEKIEL 20:38

Ak atiliilok aiste ngelelik eng' kwenung'wong', ak icheek che ki ingelelja; amutu icheek komong' eng' emet ne kigaba kotebee, ago ma pendi emetap Israel: si kobiit onai ole aa Kamuktaindet ne Toroor.

EZEKIEL 11:12

ak onai ole aa Kamuktaindet ne Toroor: amu ma obendate ng'atuutikyuk, ama oyai kirwoogutikyuk, ago ki osup kirwoogutigap pororyosyek che mi komoswekwok.

EZEKIEL 11:10

Obegu eng' rotwetap chok; arwookwok eng' kiwotetap Israel; si onai ole aa Kamuktaindet ne Toroor.

EZEKIEL 7:9

Amarirenen kondanyu, ama riira moo: aibun ko uu ortinweguk, ak kotebee kwenung'ung' tuguuguk che po wegeet; si onai ole aa Kamuktaindet ne Toroor ne abirisyei.

EZEKIEL 7:4

Amarirenen kondanyu, ama riira moo: ago aibu ortinweguk, ak kotebee kwenung'ung' tuguuguk che po wegeet: si onai ole aa Kamuktaindet ne Toroor.

EZEKIEL 6:13

Ak onai ole aa Kamuktaindet ne Toroor, ye tuun mi piikwak che kigebar, kobooto kanamonikwak, che mi kapkorosusyekwak komoswekwak tugul eng' tulweet age tugul ne ming'in ne toroor, eng' walisyek tugul che po tuloonook, ak eng' kelutap keetit age tugul ne tuon, ak eng' kelutap keetit age tugul ne nyigiis, ole kibeeljine kanamonikwak tugul nyamdutik.

NG'ATUTIK 29:6

Ma oam magatiinik ama oee divaik anan maiyek: si kobiit onai ole aa Kamuktaindet ne Toroor Kamuktaindeng'wong'.

EZEKIEL 32:15

Ye tuun ayai emetap Misiri koguber ak koek karaatya, emet ne ma komi tuguuk che ki nyiitaat, ye abar tugul che menyei olooto, konai anyun kole aa Kamuktaindet ne Toroor.

KOMONG'U 6:3

Ki among'ji Abraham, Isak ak Jakobo, ko aa Kamuktaindet Ne po Kamuktaet agot nga ki ma naa icheek eng' kainennyu Kamuktaindet ne Toroor.

TAUNET 2:7

Ak ki yai Kamuktaindet ne po Toroornatet chiito eng' ng'ung'unyek, ak kobusyi seruunekyik kabuuset ne po saboondo. Ki ek anyun chiichooto chiito ne sabei.

TIENWOGIKAL 104:30

Iyooktoi Kabuuseng'ung' ne Tiliil, si keyai kobiit, kosapcho; ak ichobe itoondap emet koleelit kogeny.

ISAIAH 26:19

Tuun saptos cheguuk che ki kobek; ng'eetos muuswekyuk. Ong'eetyee ak otyen, okweek che omenye ng'ung'unyek! Amu uu rewondeng'ung' rewootap ingweek, ak koonu ng'wony che ki kobek.