EZEKIEL 34:2 - BUKUIT NE TILIIL Sireet ne Dutero Kanon

² Ee, weeriitap chii, maoten agobo mestowegap Israel, maoten, ak ileenji mestowechooto, Mwaei Kiptaiyat Kamuktaindet ne Toroor kole: Pwo! Mestowegap Israel che paegei amitwogik icheegei! Tos ma nyooljin mestoweek kobai keechiirek?

Bukuit Ne Tilil

² Ee, weeriitap chii, maoten agobo mestowegap Israel, maoten, ak ileenji mestowechooto, Mwaei Kiptaiyat Kamuktaindet ne Toroor kole: Pwo! Mestowegap Israel che paegei amitwogik icheegei! Tos ma nyooljin mestoweek kobai keechiirek?

BUKUIT NE TILIL

² Ee, weritab chi, maoten agobo mestowekab Israel, maoten, ak ilenji mestowechoto, Mwaei Kiptaiyat Jehovah ko u ni kole: Bwa mestowekab Israel che baegei amitwogik ichegei! Tos manyoljin mestowek kobai kechirek?

EZEKIEL 34:2 ပူးပေါင်းရင်းမြစ်များ

JEREMIA 23:1

Pwo eng' mestoweek che ng'emei ak koyestoi keechiiregap akweennyu! Mwaei Kamuktaindet ne Toroor.

JEREMIA 3:15

Agoonok mestoweek che chamei muguleldanyu, che paok eng' naet ak kaguiyet.

ISAIAH 40:11

Paei keechiirekyik ko uu mestowot, iyumi eunnyi aaregap keechiir, ak komute tegeennyi, ak kondochi mutyo che aboen.

2 PETERO 2:3

Ak kocheeng'jingei poroteet eng' okweek eng' ng'aleegap ng'aalseet amu kasennywa ne po myat: che ma igaegei kirwoogennywa kobooch keny, ama ruei ng'emisyennywa.

JEREMIA 10:21

Amu kigoigei mestoweek tyong'ik, amata koteepse `icheek Kamuktaindet ne Toroor. Amu nooro, ko mata konyoor anyun kaberuret, ak kagiyesta keechiirekwak tugul.

ROMANIK 16:18

Amu icheeget che uu chooto, ko maotei Kiptaiyandennyo Kristo, ago otei mootinwekwak; ak kong'alei mugulelwegap che libwoben eng' ng'aleekwak che tangusen ak che po chemwaigutnateet.

POISYONIGAP CHE KIYOKTOI 20:29

Angen ale ye kaawe komong'jok suik che koroomen, ama riiree akweet.

SEKARIA 11:17

Pwo! Mestowot ne ma tilei kiy ne pagaktoi akweet! Ingooep rotwetap chok eunnyi ak kobol kondanyi ne po tai, ingoyaamei eunnyi ak kogor kondanyi ne po tai.

EZEKIEL 13:19

Ak ki ong'wanita eng' piikyuk agobo baale che po rubeito ak kererutigap magatiinik, si obar saboonwegap piik che ma nyoljin kobek, ak osaru saboonwegap piik che ma nyoljin kosapcho amu lembechekwok che omwachini piikyuk che chamei kogas lembechechooto.

POISYONIGAP CHE KIYOKTOI 20:26

Abaoryani anyun eng' taing'wong' peetuuni, ale, aa tiliil eng' korotiigap piik tugul.

JEREMIA 12:10

Kigong'em mbareennyu ne po sabibuk mestoweek che chaang', ki kotyegat kebebertanyu, ki koyai kebebertanyu ne karaaran koek surkwen ne ma mi kiy.

JEREMIA 2:8

Ma teep tisiik kole, mi ano Kamuktaindet ne Toroor?” Ma naa icheek che tinyei ng'atuutik. Ki ingelelja pounik ak icheek, ak ki maotensee maotik Baal, ak kobendatee tuguuk che ma ki nyoorunee kelunet.

EZEKIEL 33:24

Ee, weeriitap chii, mwaei icheek che menyei komoswek che karatwek eng' emetap Israel, kole, ki chiichak Abraham, ak ki punji emet: ago ki chaang' acheek; ki kigoonech emet kobunjech.

2 SAMUEL 5:2

Eng' peetuusyek che ki kosiirto ye ki laitoryat Saulo ne kiboiywech, ko inyee ne ki indochini Israel ye kimandoi ak komang'u eng' lugoosyek tugul. Ak ki leenjin `Kamuktaindet ne Toroor, ‘Ibae piikyuk Israel ak iegu pounindetap Israel.’ ”

JOHANA 10:8

Choriik ak ko rebiik tugul che ki indounena: ago ma kas keechiirek icheek.

2 KORINTOEK 12:14

Ogeero, niito ko ne po somok achoboksei ale Anyoonjok; ak manyone aegu nyigiisindo eng' okweek: amu ma cheeng'e tuguukwok, ago okweeget: amu ma nyooljin lagok kogonorchi tuguuk sigiik, ago konorchin sigiik lagok.

JUDA 1:12

Pichuuto ko rwandosyek che ung'ootiin eng' igoorwekwok che po chamyet ye oamisyei tugul, mestoweek che amisyei icheegei ama iyweisyei. Icheek ko poolik che ma tinyei peek, che ibooti usoonaik; keetiik che ma tinyei logoek, che ki kobek konyil aeng', che ki kitut ak tigitik;

EZEKIEL 22:25

Miitei kwenunnyi chaamset ne po maotikyik, ne uu ng'etundo ne pooriseni kobarisyei: ki kobar saboonwek; ibei konoraik ak tuguuk che po kamanuutyet ne oo; ki kotes mosoogik eng' kwenunnyi.

EZEKIEL 34:1

Ki nyoonjo ng'olyootap Kamuktaindet ne Toroor koleenjo,

EZEKIEL 34:14

Ayage icheek ole mi susweek che myach, ak kotebee piunywa tuloonoogap komoswek che torooreen che po Israel: ruitos eng' olooto eng' piut ne myee, ak koagete ole pitat eng' tuloonoogap Israel.

EZEKIEL 34:15

Anee ne abae keechiirekyuk, ak agoochi koruiyo, mwaei Kiptaiyat Kamuktaindet ne Toroor.

AMOS 6:4

Pwo eng' icheek che ruitos eng' itogusyek che po kelegap peeleek, ak koiitogei eng' tuguukwak che kilyeldoe, che amei aaregap keechiir che po akweet, ak moek che mi piusyek;

ISAIAH 56:11

Ee, kipkein sesenik, ma piyong'dos agoi; ak chuuto ko mestoweek che ma iguitos kiy: ki komaasta tugul koosup ooreenywa, kigosup chii tugul keljinennyi, eng' komosta age tugul.