EZEKIEL 32:24 - BUKUIT NE TILIIL Sireet ne Dutero Kanon

²⁴ Mi Elam olooto ak piikyik tugul che chaang' eng' komoswek tugul che po kererinnyi: ki kibar icheek tugul eng' rotwetap chok, che ki kochoortagei koma kimuratan, koba agoi ng'wony oriit, che ki yai kamuiset eng' emetap piik che saptos, ak ki kogesen kalilanennywa kobooto icheeget che choorchingei keriinget.

Bukuit Ne Tilil

²⁴ Mi Elam olooto ak piikyik tugul che chaang' eng' komoswek tugul che po kererinnyi: ki kibar icheek tugul eng' rotwetap chok, che ki kochoortagei koma kimuratan, koba agoi ng'wony oriit, che ki yai kamuiset eng' emetap piik che saptos, ak ki kogesen kalilanennywa kobooto icheeget che choorchingei keriinget.

BUKUIT NE TILIL

²⁴ Mi Elam oloto ak bikyik tugul che chang’ eng’ komoswek tugul che bo kererinnyi: kigibar ichek tugul eng’ rotwetab chok, che kigochortagei ko ma kimuratan, koba agoi ng’ony orit, che kiyai kamuiset eng’ emetab bik che soptos, ak kigogesen kalilanenywa koboto icheget che chorjingei keringet.

EZEKIEL 32:24 ပူးပေါင်းရင်းမြစ်များ

TAUNET 10:22

Weeriigap Shem chu: Elam, Ashur, Arbaksat, Luk ak Aram.

TAUNET 14:1

Eng' peetuusyegap Amrapel, laitoryatap Shinar, Ariok, laitoryatap Elasar, Kedolaomer, laitoryatap Elam ak Tidal, laitoryatap Goim,

1 ATEPTAP PEETUUSYEK 1:17

Weeriigap Shem ko: Elam, Ashur, Arphaksad, Lud, Aram, Us, Hul, Gether ak Meshek.

Kitabuutap JOB 28:13

Ma naei chii alyetap nooto, amu ma kinyoorchin emetap piik che saptos.

TIENWOGIKAL 142:5

Ariirchin inyee, ee Kamuktaindet ne Toroor; ki amwa ale, “Ii oldanyu ole amwechini, ii kebebertanyu eng' emetap che saptos.”

ISAIAH 11:11

Eng' peetuunooto koyogoito Kiptaiyat eunnyi kogeny ne po aeng', kosar piikyik che tuun ng'etu, eng' Assyria, eng' Misiri, eng' Patros, eng' Kush, eng' Elam, eng' Sinar, eng' Hamath, ak eng' emotinwek che mi ngeguusyek.

ISAIAH 38:11

Ki amwa ale, ma ageere Kamuktaindet ne Toroor, ineendet Kamuktaindet ne Toroor eng' emetap piik che saptos. Ma ageere chiito kogeny kobooto che menyei ng'wony.

JEREMIA 11:19

Ago ki auu aarwetap keechiir ne tala, ne ki kweryei kwo ole kieng'e; ak ki ma anai ale Ki kochop `icheek chobutik che yaacheen agobo anee, kole, ongeng'em keetit kobooto logoekyik, ak ongeiste ineendet eng' emetap che saptos, si mata kibwaat kainennyi kogeny.

JEREMIA 25:25

ak laitorinik tugul che po Shimri, ak laitorinik tugul che po Elam, ak laitorinik tugul che po Medik;

EZEKIEL 16:52

Ip inyee kobunjiin kalilaneng'ung' amu koirwookyi chepkametwogiguk; po imanda icheeget kosiirin amu tengekwogiguk che koiyai che kiwechei kosiir chooto koyai icheeget: ee, ii teweeroksei aginye, ak iip kalilaneng'ung', amu koiityi imanda chepkametwogiguk.

EZEKIEL 16:54

si kobiit iipchigei kalilaneng'ung', ak ililan amu tugul che koiyai, amu ii kagaigaindennywa.

EZEKIEL 26:20

achoorten anyun kobooto icheek che choorchingei keriinget, ole mi piik che po keny, ak agoonin imeny ng'wony oriit, eng' komoswek che ki koek surkwen kobooch keny, kobooto icheek che choorchingei keriinget, si ma ki menyin; ak ande toroornatet emetap piik che saptos:

EZEKIEL 31:14

si mata kotoroorgei eng' koindonywa keet age tugul eng' keetiik tugul che mi ye neegitee peek, anan koboochit walisyekwak poolik, anan kotononso chechwaak che kiimeen eng' koindonywa, icheek tugul che eei peek: amu kagigoito tugul kobek, koba ng'wony oriit, eng' kwenutap piik, kobooto icheeget che choorchingei keriinget.

EZEKIEL 31:18

Ogerge ak ng'oo anyun eng' toroornatet ak etunateet eng' kwenutap keetiigap Eden? Nganda uu nooto kechoortoin kobooto keetiigap Eden iwe ng'wony oriit: irue kwenutap che ma kimuratan, kobooto icheeget che ki kibare rotwetap chok. Niito ko Pharaoh ak piikyik che chaang', mwaei Kiptaiyat Kamuktaindet ne Toroor.

EZEKIEL 32:18

Ee, weeriitap chii, riirchi piik che chaang' che po Misiri, ak itimde icheek, ineendet ak tiibiigap pororyosyek che taagunotiin, koba ng'wony oriit, kobooto icheek che choorchingei keriinget.

EZEKIEL 32:19

Isiire ng'oo eng' korooronindo? Chortegei, ui iru kobooto che ma kimuratan.

EZEKIEL 32:21

Ng'alaaljin piik che kiimeen eng' che nyigoonen ineendet, eng' kwenutap ye mi che ki kobek, komi kobooto che toreti ineendet: kigochoortagei, siistos, agot che ma kimuratan, che ki kibare rotwetap chok.

EZEKIEL 32:25

Ki kochopchi ineendet itoogut eng' kwenutap che ki kibar, kobooto piikyik tugul che chaang'; mi kereeriisyekyik komoswekyik tugul: ki ma kimuratan icheek tugul, ki kibare rotwetap chok; amu kiyaak kamuisennywa eng' emetap piik che saptos, ak ki kogesen kalilanennywa kobooto icheeget che choorchingei keriinget: ki kinde ineendet kwenutap icheek che kigebar.

EZEKIEL 32:30

Mi olooto pounigap murot kaataam, icheek tugul, ak Sidonik tugul, che kichoortagei kobooto che ki kibar; ililandos icheek eng' kamuiset ne ki piitune kimnateennywa; ak ruitos ama kimuratan kobooto che ki kibare rotwetap chok, ak kogesen kalilanennywa kobooto icheek che choorchingei keriinget.

EZEKIEL 34:29

Ak achopchi icheek mbareet ne tagunoot, ama kobarei rubeet icheek eng' emet, ama koiboti kalilanet ne punu pororyosyek.

EZEKIEL 36:15

ama achamun igas kogeny kalilanetap pororyosyek, ama igeseni teweernatetap pororyosyek kogeny, ama inach pororyeng'ung' kogeny, mwaei Kiptaiyat Kamuktaindet ne Toroor.

EZEKIEL 39:26

Ak kogesen kalilanennywa, kobooto pistaosyekwak tugul che ki yaiywo, ye tuun meny emennywa eng' chametapkei, ama piitu chii ne imui icheek;

EZEKIEL 44:13

Ama riikyino, si koyaiywo poisyetap tisiindet, anan koriikyi tuguukyuk che tiliileen alak tugul, koriikyi tuguuk che tiliileen miising': ago ibei kalilanennywa, kobooto tuguukwak che kiwechei che ki koyai.

HABAKUK 2:16

Kanyiin teweernateet ne kata toroornatet: ee aginye, si iige ne ma kimuratan: kiweekyinin kigombetap eutap tai ne po Kamuktaindet ne Toroor, ak kotebee teweernateet ne samis toroornateng'ung'.

MATAYO 11:23

Ak inyee, Kapernaum, ko tos kitoroorin agoi kipsengwet? Ichoortoige agoi ye mi che ki kobek: amu nda kiga kiyai eng' Sodom poisyonik che po kamuktaet che ki kiyai eng' inyee, kota mi agoi rani.