EZEKIEL 32:18 - BUKUIT NE TILIIL Sireet ne Dutero Kanon

¹⁸ Ee, weeriitap chii, riirchi piik che chaang' che po Misiri, ak itimde icheek, ineendet ak tiibiigap pororyosyek che taagunotiin, koba ng'wony oriit, kobooto icheek che choorchingei keriinget.

Bukuit Ne Tilil

¹⁸ Ee, weeriitap chii, riirchi piik che chaang' che po Misiri, ak itimde icheek, ineendet ak tiibiigap pororyosyek che taagunotiin, koba ng'wony oriit, kobooto icheek che choorchingei keriinget.

BUKUIT NE TILIL

¹⁸ Ee, weritab chi, rirji bik che chang’ che bo Misri, ak itimde ichek, inendet ak tibikab bororiosiek che toogunotin, koba ng’ony orit, koboto ichek che chorjingei keringet.

EZEKIEL 32:18 ပူးပေါင်းရင်းမြစ်များ

TIENWOGIKAL 30:9

“Itinyei keljino nee ye kaamei, ye kaawe keriinget? Ilasun temburyek? Tos imuuchi kobarta imandang'ung'?

TIENWOGIKAL 63:9

Ago pendi ng'wony oriit, che cheeng'ei kong'em saboondanyu.

ISAIAH 14:15

Ago anyun, kichoortoin iwe ye mi che ki kobek, agoi komoswek che looen che po keriinget.

ISAIAH 16:9

Arire anyun eng' riiregap Jaser agobo keetiigap sabibuk che po Sibma; aisenen peekyuk po kong', ee Hesbon ak Eleale; amu waagaatap poiboiyet eng' peetuutap logoeguk che po kemei ak che po kesisyeng'ung' ko kagobet.

JEREMIA 1:10

Keero, kandein rani ibou pororyosyek ak pounatosyek, itutu ak ibut, ing'em ak igabui, iteech ak imiin.”

EZEKIEL 26:20

achoorten anyun kobooto icheek che choorchingei keriinget, ole mi piik che po keny, ak agoonin imeny ng'wony oriit, eng' komoswek che ki koek surkwen kobooch keny, kobooto icheek che choorchingei keriinget, si ma ki menyin; ak ande toroornatet emetap piik che saptos:

EZEKIEL 31:14

si mata kotoroorgei eng' koindonywa keet age tugul eng' keetiik tugul che mi ye neegitee peek, anan koboochit walisyekwak poolik, anan kotononso chechwaak che kiimeen eng' koindonywa, icheek tugul che eei peek: amu kagigoito tugul kobek, koba ng'wony oriit, eng' kwenutap piik, kobooto icheeget che choorchingei keriinget.

EZEKIEL 31:16

Ki agoochi pororyosyek kobotanso amu cheetap kabutennyi, ye kinga timde ineendet kwo ye mi che ki kobek kobooto icheeget che choorchingei keriinget: ak ki igaigaigei keetiik tugul che po Eden, keetiik che korooron ak ko myachen miising' che po Lebanon, icheek tugul che eei peek, ki igaigaigei eng' ng'wony oriit.

EZEKIEL 32:12

Agoochini kobek piiguk che chaang' eng' rotoogap chok, che po piik che nyigoonen; icheek tugul ko che iywei pororyosyek: ak kong'em icheek menoteetap Misiri, ak kobek piikyik tugul che chaang'.

EZEKIEL 32:16

Chuuto ko riirek che tuun riirtos icheek; tuun riirtos tiibiigap pororyosyek eng' rirechooto: riirtos agobo Misiri, ak agobo piikyik tugul che chaang', mwaei Kiptaiyat Kamuktaindet ne Toroor.

EZEKIEL 32:2

Ee, weeriitap chii, riir agobo Pharaoh laitoryatap Misiri, ak ileenji, Kiga kirogenen ng'etundo ne neran ne po pororyosyek: ago iuu maswetit eng' nyanjosyek; imong'u kobooto ainoosyeguk, ak iwase peek eng' keelyeguk, ak isamisi ainoosyekwak.

EZEKIEL 32:21

Ng'alaaljin piik che kiimeen eng' che nyigoonen ineendet, eng' kwenutap ye mi che ki kobek, komi kobooto che toreti ineendet: kigochoortagei, siistos, agot che ma kimuratan, che ki kibare rotwetap chok.

EZEKIEL 43:3

Ak ki uu itoondap liilinooto ng'ang'utyet ne kigageer, ko uu ng'ang'utyet ne ki ageer ye ki anyoone ang'eme nganaseet; ak ki uu ng'ang'utichooto ng'ang'utyet ne ki ageer eng' ye neegitee aineetap Kebar: ak ki abut kot kotiiny togeet ng'wony.

HOSEA 6:5

Ki awai anyun icheek eng' maotik; ki abare icheek ng'aleegap kutinnyu: ak uu kirwoogutiguk lapkeiyet ne mong'u.

MIKAH 1:8

Ateei ak awaache amu niito, awendi ko kagireegunena ngoroik ak ami aach ngor: ateei ko uu lelwek, ak ariire ko uu tyong'igap songolik.

MATAYO 11:23

Ak inyee, Kapernaum, ko tos kitoroorin agoi kipsengwet? Ichoortoige agoi ye mi che ki kobek: amu nda kiga kiyai eng' Sodom poisyonik che po kamuktaet che ki kiyai eng' inyee, kota mi agoi rani.

LUKA 19:41

Ak kingo riik, kogeer nganaseet ak koriirchi,

ROMANIK 12:15

Oboiboitu kobooto che poiboi; oriirye kobooto che riirtos.