EZEKIEL 31:9 - BUKUIT NE TILIIL Sireet ne Dutero Kanon

⁹ Ki ayai ineendet kogararanit eng' chaang'indap mooriikyik: kot koam ng'etkong' keetiik tugul che po Eden, che ki mi mbareetap Kamuktaindet.

Bukuit Ne Tilil

⁹ Ki ayai ineendet kogararanit eng' chaang'indap mooriikyik: kot koam ng'etkong' keetiik tugul che po Eden, che ki mi mbareetap Kamuktaindet.

BUKUIT NE TILIL

⁹ Kiayai inendet kogararanit eng’ chang’indab temenikyik: kot koam ng’etkong’ ketik tugul che bo Eden, che kimi mbaretab Kamuktaindet.

EZEKIEL 31:9 ပူးပေါင်းရင်းမြစ်များ

TAUNET 13:10

Ak kiguskong' Lot kotabendo, ak ki keer atebweetap Jordan komugul kole emet ne tinyei peek eng' olda age tugul ko uu mbareetap Kamuktaindet ne Toroor, ko uu emetap Misiri ne tokyingei komostap Zoar, ye ki tomo kong'em `Kamuktaindet ne Toroor Sodom ak Gomorah.

TAUNET 26:14

Ki tinyei akwotisyek che po keechiirek ak che po tuuga, ak piik che chaang' che po koonnyi, kot koam ng'etkong' Philistiik amu ineendet.

TAUNET 37:11

Ki am ng'et kong' anyun tupchosyekyik agobo ineendet, ago kigonor kwandanyi ng'olyoondonooto eng' muguleldanyi.

KOMONG'U 9:16

ago kaachamun isap, si kobiit aboorun kimnateennyu, ak kemwaita kainennyu konaak eng' ng'wony komugul.

KALEWANAIK 27:4

Korom nereeknateet, koroomen miising' nereegek; ago ng'oo ne imuuchi kotonon eng' taitap ng'etkonda?

AMDOINDET 4:4

Yeityo ageer poisyet tugul ak poisyet age tugul ne po utaatyet, ale amei kimegei chii agobo chiitap kokwennyi. Puch niito agine ak ko kaimetapkei ne po puch.

ISAIAH 51:3

Amu kagogaigai Kamuktaindet ne Toroor Zion: kagogaigai komoswekyik tugul che kigemeto, ak ki koyai ong'atennyi koigei Eden, ak koyai surkwenennyi koigei mbareetap Kamuktaindet ne Toroor; kinyoorchin olooto poiboiyet ak kaagaasetapkei, kobooto kongoi ak tyenwogik che rurei komyee.

ISAIAH 55:12

Amu tuun omandoi eng' poiboiyet, ak kindoiywok eng' kaalyeet: tyendos eng' taing'wong' tuloonook ak tuloonook che mengeechen, ak koraprap eunekwak keetiik tugul che po timiin.

EZEKIEL 16:14

Ak ki yom pororyosyek kalasunetap karaaranindang'ung'; amu ki igeesunotkei karaaraninooto, amu eetunatennyu ne kiga alaagun, mwaei Kiptaiyat Kamuktaindet ne Toroor.

EZEKIEL 17:22

Mwaei Kiptaiyat Kamuktaindet ne Toroor kole: Aibe kogeny walitap tarakwet ne kooi ak amin; ak aep temeet ne ng'arng'ar, eng' mooriikyik che ng'orng'or che tabanu parak, ak aminji tulweet ne kooi ne tagunoot.

EZEKIEL 17:24

Si konai keetiik tugul che po timiin kole aa Kamuktaindet ne Toroor ne ki achooru keetit ne kooi, ak aeet keetit ne ming'in, ak ayaam keetit ne tuon, ak agoochi keetit ne yaamaat kotunen: kaamwa anee Kamuktaindet ne Toroor, ak ayae.

EZEKIEL 28:13

Ki imi Eden, mbareetap Kamuktaindet; ki itugegei koita age tugul ne po kamanuutyet, sardio, topasio, ak yaholom, berulo, soari, jasipi, sapphire, sumaragdo, ak bareqet, ak thahabu: ki miitei oriing'ung' poisyetap sugutisyeguk che mengeechen ak ndurerusyeguk; ki kichop chooto eng' peetuut ne ki kitau keyain.

EZEKIEL 31:16

Ki agoochi pororyosyek kobotanso amu cheetap kabutennyi, ye kinga timde ineendet kwo ye mi che ki kobek kobooto icheeget che choorchingei keriinget: ak ki igaigaigei keetiik tugul che po Eden, keetiik che korooron ak ko myachen miising' che po Lebanon, icheek tugul che eei peek, ki igaigaigei eng' ng'wony oriit.

EZEKIEL 31:18

Ogerge ak ng'oo anyun eng' toroornatet ak etunateet eng' kwenutap keetiigap Eden? Nganda uu nooto kechoortoin kobooto keetiigap Eden iwe ng'wony oriit: irue kwenutap che ma kimuratan, kobooto icheeget che ki kibare rotwetap chok. Niito ko Pharaoh ak piikyik che chaang', mwaei Kiptaiyat Kamuktaindet ne Toroor.

EZEKIEL 36:35

Ak tuun mwaei kole, kaigei emoni kiga koguber, mbareetap Eden; ak kageng'ot ak kemeny nganasook che kiga koek karatwek, ak koguber, ak kong'emak.

SEKARIA 11:2

Waach, ee piribiryoni, amu kagobut tarakwet, amu kageng'em che korooron: owaach, ee keetiigap Bason, amu kagoluul osneet ne kiim.

1 SAMUEL 18:15

Kingo keer Saulo kotebyei Daudi eng' ng'omnateet ne oo, koywei ineendet.