EZEKIEL 31:3 - BUKUIT NE TILIIL Sireet ne Dutero Kanon

³ Keero, kitarakwet Assyrianindet eng' Lebanon ne tinyei mooriik che korooron, kisamum, ak ko kooi; ak ki itei walinnyi poolik.

Bukuit Ne Tilil

³ Keero, kitarakwet Assyrianindet eng' Lebanon ne tinyei mooriik che korooron, kisamum, ak ko kooi; ak ki itei walinnyi poolik.

BUKUIT NE TILIL

³ Keero, ki tarakwet Asuriaindet eng’ Lebanon ne tinyei temenik che kororon, ki samum, ak ko koi; ak kiitei walinnyi bolik.

EZEKIEL 31:3 ပူးပေါင်းရင်းမြစ်များ

TIENWOGIKAL 92:12

Sabei ne po imanda ko uu tiiret: piitei ko uu tarakwetap Lebanon.

ISAIAH 37:24

Koichot Kiptaiyat eng' otwogiguk, ak koile, Anyoone kot aitu paragutap tuloonook kobooto chaang'indap kariisyekyuk, kot aitu oriit eng' Lebanon; ak aluul taragonikyik che kooen, ak piribirinikyik che korooron: ak achute komosta Ne Toroor Miising', timdap mbareennyi ne rurei.

JEREMIA 17:8

Amu igeitu ineendet keetit ne ki kiminji ole neegitee peek, ak kowaktoi tigitikyik eng' ole neegitee aineet, amaiyweisyei ye piitu kiptoret, ago tuonitu sogekyik; ama arageni eng' kenyiitap kemeut, ama metoi kooi logoek.

JEREMIA 50:18

Mwaei anyun Kamuktaindet ne Toroor ne po lugoosyek, Kamuktaindetap Israel, kole: Ogeero, abire laitoryatap Babilon ak emennyi, ko uu ye ki abir laitoryatap Assyria.

EZEKIEL 17:22

Mwaei Kiptaiyat Kamuktaindet ne Toroor kole: Aibe kogeny walitap tarakwet ne kooi ak amin; ak aep temeet ne ng'arng'ar, eng' mooriikyik che ng'orng'or che tabanu parak, ak aminji tulweet ne kooi ne tagunoot.

EZEKIEL 19:11

Ak ki tinyei keetiik che kiimeen che po kirokweegap icheek che pounisyei, ak ki kieet kogoit eng' kwenutap mooriik che nyigiisen, ak ki took eng' koindonywa kobooto chaang'indap mooriikwak.

EZEKIEL 31:10

Kamwa anyun Kiptaiyat Kamuktaindet ne Toroor kole: Amu kiitoroorge eng' koindong'ung', ak ki itei walinnyi poolik, ak kitororit muguleldanyi amu koindonyi;

EZEKIEL 31:16

Ki agoochi pororyosyek kobotanso amu cheetap kabutennyi, ye kinga timde ineendet kwo ye mi che ki kobek kobooto icheeget che choorchingei keriinget: ak ki igaigaigei keetiik tugul che po Eden, keetiik che korooron ak ko myachen miising' che po Lebanon, icheek tugul che eei peek, ki igaigaigei eng' ng'wony oriit.

EZEKIEL 31:17

Ki choortagei chooto ak icheek koba ye mi che ki kobek kobooto ineendet, koba ole mi icheeget che ki kibare rotwetap chok; ee, chooto che ki eunnyi, che ki menyei urwennyi eng' kwenutap pororyosyek.

EZEKIEL 31:5

Kitororit anyun koindonyi kosiir keetiik tugul che po mbar; ak kitesagis mooriikyik, ak kogoeegitu mooriikyik amu peek che chaang', ye kingo ywaakta.

EZEKIEL 31:6

Ki teech toriitik tugul kesonokwak eng' mooriigap keetoto, ak koiichi tyong'ik tugul che po emet kelutap keetoto, ak kiuure pororyosyek tugul che eecheen.

EZEKIEL 31:8

Ma imuuch taragonik che ki mi mbareetap Kamuktaindet kouny ineendet: ki ma ko kergei piribirinik ak mooriikyik; ak ki ma ko kergei keetiik che uu kurinik ak mooriikyik; ak ki ma komi keetit age tugul eng' mbareetap Kamuktaindet ne kergei ak ineendet eng' karaaranindanyi.

EZEKIEL 32:22

Mi Ashur olooto kobooto kweanennyi tugul; mi kereeriisyekyik komoswekyik tugul: che ki kibare rotwetap chok:

SEPANIA 2:13

Ak kochuul eunnyi kotokyi komostap kaataam, ak kong'em Assyria; ak koyai Nineveh koek karaatya, ak koyaam, ko uu surkwen.

SEKARIA 11:1

Yaat kurgotiguk, ee Lebanon, si kobeel maat taragoniguk.

SEKARIA 11:2

Waach, ee piribiryoni, amu kagobut tarakwet, amu kageng'em che korooron: owaach, ee keetiigap Bason, amu kagoluul osneet ne kiim.

KIRUOGIK 9:15

Ak ki leenji `keetoto ming'in keetiik, ‘Ngot iman oiila aek laitoryat eng' okweek, obwa anyun ak omang'u urwennyu. Ago ngo ma uu nooto, ko ingomang'une maat keetit ne ming'in, ak kobeel taragonigap Lebanon kogees.’ ”