EZEKIEL 30:9 - BUKUIT NE TILIIL Sireet ne Dutero Kanon

⁹ Pendi eng' peetuunooto eng' tainnyu piik che kiyooktoi eng' melisyek koba komu Ethiopik che leen tebyei eng' kaalyeet; ak koityi icheek ng'wanindo, ko uu eng' peetuutap Misiri; ogeero, amu nyoonei peetuunooto.

Bukuit Ne Tilil

⁹ Pendi eng' peetuunooto eng' tainnyu piik che kiyooktoi eng' melisyek koba komu Ethiopik che leen tebyei eng' kaalyeet; ak koityi icheek ng'wanindo, ko uu eng' peetuutap Misiri; ogeero, amu nyoonei peetuunooto.

BUKUIT NE TILIL

⁹ Bendi eng’ betunoto eng’ tainnyu bik che kiyoktoi eng’ melisiek koba komu Etiopik che len tebyei eng’ kalyet; ak koityi ichek ng’wanindo, ko u eng’ betutab Misri; ogeero, amu nyonei betunoto.

EZEKIEL 30:9 ပူးပေါင်းရင်းမြစ်များ

ISAIAH 19:17

Ak koek emetap Judah kamuiset eng' Misiri, ak iyweisyei age tugul ne kemwachin agobo nooto, amu chobetap Kamuktaindet ne Toroor ne po lugoosyek, ne ki chop kogirinda emonooto.

ISAIAH 20:3

Yeityo komwa Kamuktaindet ne Toroor kole, ko uu ye kogowendoot otwogindennyu Isaiah aach ngor ama tinyei kweonik kenyiisyek somok koek kaboorunet ak kwang'utyet eng' Misiri ak eng' Kush;

ISAIAH 20:5

Koaragenso ak kolilaanso icheek, amu ki imang'u Kush, ak kitoroornatennywa Misiri.

ISAIAH 23:5

Ye iit ng'aleek Misiri, konyooru icheek ng'wanindo ne oo miising' eng' ng'aleegap Tyro.

ISAIAH 47:8

Kas niito anyun, inyee ne ichame ureryosyek, ne imeng'iisyei, ameiiti kiy, ne imwae eng' muguleldang'ung' ile, Aneendet, ama mi age kobatena; matebye ko uu kwony ne ki kosiirtoe manong'otyot, ama pegunena lagok:

JEREMIA 49:21

Potani ng'wony amu cheetap kabutennywa; mi waagaat, ne kegasei cheennyi eng' Araraita ne Piriir.

JEREMIA 49:31

Ong'eetyee, otogoste ole mi pororyet ne tinyei kaalyeet, ne meng'iisyei ama kereri met, mwaei Kamuktaindet ne Toroor: ne ma tinyei ormariichok anan temeleiywek, che menyei icheegei.

EZEKIEL 24:14

Kamwae anee Kamuktaindet ne Toroor ng'olyoondoniito, isuldoi ak ayae nooto; ma weechigei let, amarira moo, amawale kabwaatutikyuk. Arwoogun icheek ko uu ortinweguk ak ko uu poisyoniguk, mwaei Kiptaiyat Kamuktaindet ne Toroor.

EZEKIEL 26:16

Kochoorgei anyun eng' ng'echerokwak che po laitornatet pounik tugul che po nyanjet, ak koreek ngoroikwak che tabanu parak, ak koreek ngoroikwak che ki kinde lelesta: ilaachi potanet; ak kotebee ng'wonyut, ak kobotanso sait age tugul ak kokwong'enen.

EZEKIEL 27:35

Kwong'enen piik tugul che menyei ngeguusyek, ak koiyweis miising' laitorinikwak, taagu arageneet eng' togoochikwak.

EZEKIEL 33:33

Ak ye piit kioto, (keero, nyoonei,) konai anyun kole kimi maotyot kwenunnywa.

EZEKIEL 38:11

ak imwa ile, Atogostoi emetap nganasook che ma tinyei irimoik; awendi ole mi icheek che mi eng' kaalyeet, che meng'iisyei eng' chametapkei, meng'iisyei icheek tugul ama tinyei irimoik, ama tinyei temeleiywek anan ormariichok:

EZEKIEL 39:6

Ak ayookyi maat Magog, kobooto icheeget che meng'iisyei eng' chametapkei eng' ngeguusyek: si konai icheek kole aa Kamuktaindet ne Toroor.

AMOS 4:2

Ki koyosyo Kiptaiyat Kamuktaindet ne Toroor eng' tiliilindanyi kole, “Ogeero, pwonjinok peetuusyek, che tuun imutenok kombook, ak komute chekwok che ng'etu kombook che kiname njireenik.

HABAKUK 2:3

Amu po ng'ang'utyet peetuusyek che ki king'at, ak kochoktoi kotokyingei kagesunet, ama mwaei lembech. Agot ngo kagei, igen inyee; amu nyoonei iman, ma igaegei.

SEPANIA 2:12

Okweek Ethiopik, parok rotwennyu po chok.

SEPANIA 2:15

Ni nganaseet ne paibai ne ma iiti kiy, ne ki mwa eng' muguleldanyi kole anee kityo, ma mi age kobatena: kagoek karaatya ne tya, ole ruitos tyong'igap timiin! Reenyei ineendet age tugul ne siirtoi, ak kong'wereri.

1 THESSALONIKEK 5:2

Amu ongen okweeget komyee ole nyoonei peetuutap Kiptaiyat ko uu choriin ne nyoonei kemoi.

KIRUOGIK 18:7

Ki pa anyun pichooto muutu, agoi koit Lais. Ki keer piik che ki mi yooto, kole meng'iisyei eng' kaalyeet, ko uu piteetap Sidonik, kosistos ak kotebyei eng' kaalyeet. Amu ki ma komi chii eng' emet ne ki nenyi pounateet, ne ki imuuchi koger kong' eng' kiy tugul, ak ki looen eng' Sidonik ak ki ma koting'egei kiy ak chii age tugul.