EZEKIEL 30:8 - BUKUIT NE TILIIL Sireet ne Dutero Kanon

⁸ Ak konai kole aa Kamuktaindet ne Toroor, ye kaabeel Misiri, ak keng'em toretikyik tugul.

Bukuit Ne Tilil

⁸ Ak konai kole aa Kamuktaindet ne Toroor, ye kaabeel Misiri, ak keng'em toretikyik tugul.

BUKUIT NE TILIL

⁸ Ak konai kole a Jehovah, ye kaabeel Misri, ak keng’em toretikyik tugul.

EZEKIEL 30:8 ပူးပေါင်းရင်းမြစ်များ

TIENWOGIKAL 46:10

“Osisye ak onai ole aa Kamuktaindet! Kitoroora eng' kwenutap pororyosyek, kitoroora eng' ng'wony.”

TIENWOGIKAL 58:11

Si komwa piik kole, “Miitei iman melekto ne po chiito ne po imanda; mi iman Kamuktaindet ne irwoochi eng' ng'wony.”

ISAIAH 42:25

Kiroong'ji anyun nereegekyik che koroomen, ak kimnateetap lugeet; ak koyieme maat ineendet, ago ma nai kora ak kobeel ineendet, ago ma chut muguleldanyi.

RIREKAB JEREMIA 4:11

Ki koyai Kamuktaindet ne Toroor nereegekyik che ng'woneen kosulda, ki korong' nereegekyik che koroomen; ak ki konaam maat eng' Zion, ne ki kobeel lumeiywekyik.

EZEKIEL 22:31

Kaaroong'ji anyun nereegekyuk icheek amu nooto; kaagesu eng' maatap nereegekyuk: ki ande ortinwekwak metowekwak, mwaei Kiptaiyat Kamuktaindet ne Toroor.

EZEKIEL 28:24

Eng' kootap Israel koma kobiitu kogeny eng' komoswekwak tugul che sasei icheek ko uu kateet ne rutei ak kotoorei piich, anan kateet ne ng'waan. Ak konai icheek kole aa Kiptaiyat Kamuktaindet ne Toroor.

EZEKIEL 28:26

Ak komeny olooto eng' chametapkei; ee teechei kooriik, ak komiin sabibuk, ak komeng'iis eng' chametapkei; ye tuun kaarwookyi icheek tugul che sasei icheek che mi komoswekwak tugul; si konai kole aa Kamuktaindet ne Toroor Kamuktaindennywa.

EZEKIEL 29:16

Ama koegu kogeny ne kimang'u eng' kootap Israel, ne koonu kibwaat tengekto, ye kuskong' kogeer icheek: si konai kole aa Kiptaiyat Kamuktaindet ne Toroor.

EZEKIEL 29:6

Ak konai piik tugul che menyei Misiri kole aa Kamuktaindet ne Toroor, amu ki ek icheeget kirokto ne po tegat eng' kootap Israel.

EZEKIEL 29:9

Ak koguber emetap Misiri ak koek karaita, si konai kole aa Kamuktaindet ne Toroor; amu ki komwa kole, nenyu aineet, anee ne ki ayae.

EZEKIEL 30:14

Ak ayai Patros kobanan, ak abeel Zoan, ak arwookyi No.

EZEKIEL 30:16

Ak abeel Misiri; nyooru ng'wanindo ne oo Sin, ak ketonaton No: ak konyoor Nop puunik peet.

EZEKIEL 39:6

Ak ayookyi maat Magog, kobooto icheeget che meng'iisyei eng' chametapkei eng' ngeguusyek: si konai icheek kole aa Kamuktaindet ne Toroor.

AMOS 1:10

Ara ayookyini maat irimeetap Tyro, ak kobeel irimosyekyik.

AMOS 1:12

Ara ayookyini maat Teman, ak kobeel irimosyegap Bosra.

AMOS 1:14

Ara anaami maat eng' irimeetap Rabbah, ak kobeel irimosyekyik che po laitoryat, kobooto waagaat eng' peetuutap pooryeet, kobooto usoonet ne oo eng' peetuutap kipchurchuryet.

AMOS 1:4

Ara ayookyini maat kootap Hazael, ak kobeel irimosyegap laitoryat Ben-Hadad.

AMOS 1:7

Ara ayookyini maat irimeetap Gaza, ak kobeel irimosyekyik.

AMOS 2:2

Ayookyini anyun maat Moab ak kobeel irimosyegap Keryot; ak kome Moab eng' wasetapkei, waagaat ak cheetap iryageet.

AMOS 2:5

Ara ayookyini maat Judah ak kobeel irimosyegap Jerusalem.

NG'ATUTIK 32:22

Amu kalal maat ne po nereegekyuk, ak lalei agoi keriinget ne loo miising', si kobeel ng'wony kobooto ruratennyi, ak kobeel ole tonone tuloonook.