EZEKIEL 3:20 - BUKUIT NE TILIIL Sireet ne Dutero Kanon

²⁰ Kogeny, ngo masta chiito ne po iman, kometo imandanyi, ak koyai tengekto, ak ande kanagutyet tainnyi, komeei ineendet; ko amu ma iteechi, komeei anyun eng' tengektanyi, ama kibwaati poisyonikyik che po iman, che kiga koyai; ago amagenen korotiikyik.

Bukuit Ne Tilil

²⁰ Kogeny, ngo masta chiito ne po iman, kometo imandanyi, ak koyai tengekto, ak ande kanagutyet tainnyi, komeei ineendet; ko amu ma iteechi, komeei anyun eng' tengektanyi, ama kibwaati poisyonikyik che po iman, che kiga koyai; ago amagenen korotiikyik.

BUKUIT NE TILIL

²⁰ Kogeny, ngo masta chito ne bo iman, kometo imandanyi, ak koyai tengekto, ak ande kanagutiet tainnyi, komeei inendet; ko amu ma itechi, komeei anyun eng’ tengektanyi, ama kibwati boisionikyik che bo iman, che kiga koyai; ago amagenen korotikyik.

EZEKIEL 3:20 ပူးပေါင်းရင်းမြစ်များ

2 ATEPTAP PEETUUSYEK 24:2

Ki yai Joash ne myee eng' taitap Kamuktaindet ne Toroor eng' peetuusyek tugul che po Jehoiada tisiindet.

2 ATEPTAP PEETUUSYEK 25:15

Kolalyo anyun nereegegap Kamuktaindet ne Toroor agobo Amasia, ak koyookyi maotyot ne ki mwachi ineendet koleenji, “Amu nee si icheeng' kanamonigap piik, che tomo kosar piikwak eng' eung'ung'?”

TIENWOGIKAL 119:165

Tinyei kaalyeet ne oo che chamei ng'atuutyeng'ung'; ama mi kiy ne inachi icheek.

TIENWOGIKAL 125:5

Ago icheek che mastoi kosubi ortinwekwak che kunuuren, koonei `Kamuktaindet ne Toroor icheek kobooto yaigap tengekto. Ingotebee `kaalyeet Israel!

TIENWOGIKAL 36:3

Ng'aleegap kutinnyi ko tengekto ak ng'aalseet; ma komage kiy kong'omit anan koyai ne myee.

KALEWANAIK 25:12

Uu munaiyetap itit ne po thahabu, ak lelestap thahabu che korooron, kotigonindet ne utaat ne kere kong' itit ne kase iit.

ISAIAH 64:6

Amu ki kiige tugul chii ne po simdo, ak uu imandanyo tugul ngoryeet ne murwoon: ak kirestosi acheek tugul ko uu sogoot; ak onech yaitwogikyok ko uu ye onsei usoonet.

ISAIAH 8:14

Ak koek ineendet ole-tiliil; ago egu koita ne inachi piich ak rwandet ne riichei piich eng' kooriik tuwai che po Israel, koek mesteet ak mesteet age ne teer eng' piik che menyei Jerusalem.

JEREMIA 34:16

ago ki owalage ong'wanit kainennyu, ak koweech chii age tugul otwogindennyi, ak otwogindennyi ne tye, che koga otyach koba eng' poiboiyennywa, ak koomutu icheek kogas iit, koek otwogik ak otwogik che tiibiik, eng' okweek.

JEREMIA 6:21

Mwaei anyun Kamuktaindet ne Toroor kole; “Andoi taitap pichu kanagutik, si konach kwanisyek kobooto weeriik, ak kolus chiitap kokwet kobooto chorwennyi.”

EZEKIEL 14:3

Ee weeriitap chii, kigogonorchigei pichu kanamonikwak eng' mugulelwekwak, ak konde kanagutyetap tengektonywa tainnywa: tos teebena icheek ng'olyoo age tugul?

EZEKIEL 18:24

Ago ye week ne po iman kometo imandanyi, ak koyai tengekto, ak koyai ko uu tuguuk tugul che kiwechei che yaei chiito ne ya, ko tos sap? Ma kibwaati agot agenge eng' poisyonikyik che po iman che ki koyai: meei amu kachililutyennyi ne ki koyai, ak amu tengektanyi ne ki koyai.

EZEKIEL 18:26

Ye week chiito ne po iman kometo imandanyi, ak koyai tengekto, ak kome eng' tengegoto; meei anyun amu tengektanyi ne ki yai.

EZEKIEL 3:18

Ye amwachi kiptengekyot aleenji, Imee iman; ama iteechi ineendet, anan ing'alaal iteechi kiptengekyot kometo ooreennyi ne ya, si kobiit isaru saboondanyi; meei kiptengekyondonooto eng' tengektanyi; ago amagenen korotiikyik.

EZEKIEL 33:18

Ye week ne po iman kometo imandanyi, ak koyai tengekto, komeei eng' tengegoto.

EZEKIEL 33:6

Ago ngot kogeer riibindet konyonei rotwetap chok, ama kuut iryageet, ama kiteechi piik, ak konyo rotwetap chok, ak kobar chii age tugul eng' kwenunnywa; kebare amu tengektanyi, ago amage korotiikyik eutap riibindet.

EZEKIEL 7:19

Wiirchin fedhaisyekwak ortinwek, ak koigei thahabusyekwak kiit ne murwoon; ma imuuchi kosar icheek fedhaisyekwak ak thahabusyekwak eng' peetuutap nereegegap Kamuktaindet ne Toroor; ma piyong'dos saboonwekwak, anan konyi mootinwekwak: amu kagoek kanagutyetap tengektonywa.

ATEPTAP LAWIK 19:17

“Amewech ne otupche eng' muguleldang'ung', kergong' iman chiitap kokweng'ung', si ma namin tengekto amu ineendet.

SEPANIA 1:6

ak icheek che ki week kometo Kamuktaindet ne Toroor; kobooto icheek che ma cheeng' Kamuktaindet ne Toroor, anan koteepse ineendet.

MATAYO 18:15

“Ngo chalwogenjin ne otupche, iwe, iboorchi lelutyennyi omi tuwai okweegei. Ngo kasin, ko kagogelun ne otupche.

LUKA 2:34

ak ki iberuur Simion icheek, ak koleenji Maria kamennyi, “Keero, kaginde lakwani si kobutyo che chaang' ak kong'eetyo che chaang' eng' Israel; asi koek kaboorunet ne tuun kieesyoi;

LUKA 8:15

Ak che mi ng'ung'unyek che myach, ko icheeget, che ye kagogas ng'olyoot, konam komyee, eng' mugulelwek che po telunateet ak ko myachen, ak koiiyo logoek eng' kagiiletapkei.

ROMANIK 11:9

Mwaei Daudi kole, Ingoek meesennywa meset ak rigeito, Ak kanagutyet, ak yaaktaet eng' icheek:

1 KORINTOEK 1:23

ago ki amdoi acheek Kristo ne ki kigartaat, ne kanagutyet eng' Yahudik, ak ko perberyo eng' Pororyosyek;

NG'ATUTIK 13:3

ko meepchi iit ng'aleegap maotyondonooto anan karwotitoindonooto. Amu tyemok Kamuktaindet ne Toroor Kamuktaindeng'wong' si konai ngo chame Kamuktaindet ne Toroor Kamuktaindeng'wong' eng' mugulelwekwok ak eng' saboonwekwok.

HEBRANIK 10:38

Ago sabei nenyu ne po imanda eng' kayaneet, Ak ngot kochuchuigei koma paibaitu muguleldanyu eng' ineendet.

HEBRANIK 13:17

Ogas iit che indoiywok, ak oming'inityige icheek: amu riipsei agobo saboonwekwok, ko uu che tuun tetu agobo poisyennywa; si kobiit koyai poisyoniito eng' poiboiyet, ama eng' arageneet: amu magelwok kiy eng' nooto.

1 PETERO 2:8

ak ko, koita ne inachi piich, ak ko rwandet ne riichei piich; amu kinachi icheek eng' ng'olyoot, amu ma kase iit: ki kinde icheek agobo nooto.

1 JOHANA 2:19

Kimandoi eng' olinnyo, ki ma ko chechook; amu nda ki chechook, ta kitebyei kobootech: ago ki pa, si kobiit kotook keele ki ma ko chechook tugul.