EZEKIEL 3:17 - BUKUIT NE TILIIL Sireet ne Dutero Kanon

¹⁷ Ee weeriitap chii, kandein iegu riibindet eng' kootap Israel: kas anyun ng'olyoot ne amwae, ak iteechi icheek eng' ng'olyoondennyu.

Bukuit Ne Tilil

¹⁷ Ee weeriitap chii, kandein iegu riibindet eng' kootap Israel: kas anyun ng'olyoot ne amwae, ak iteechi icheek eng' ng'olyoondennyu.

BUKUIT NE TILIL

¹⁷ Ee, weritab chi, kandein iegu ribindet eng’ gotab Israel: kas anyun ng’olyot ne amwae, ak iteechi ichek eng’ ng’olyondennyu.

EZEKIEL 3:17 ပူးပေါင်းရင်းမြစ်များ

2 ATEPTAP PEETUUSYEK 19:10

Eng' peetuut age tugul ne kaityok ng'olyootap chii age tugul ne punu tupchosyekwok che menyei nganasookwak, agobo korotiik eng' korotiik, ak agobo ng'atuutik ak kayomisutik, kaneetisyosyek ak kirwoogutik, oteechi, si ma nam icheek tengekto eng' taitap Kamuktaindet ne Toroor, ak konyonjok nereeknateet, okweek ak tupchosyekwok. Oyai niito, si ma namak tengekto.

TYENDO NE SIIREI TUGUL 3:3

Ki nyoorwo riibiik che pendoti eng' nganaseet, Ki ateebee aleenji, “Tos ki ogeer ineendet ne chamei saboondanyu?”

TYENDO NE SIIREI TUGUL 5:7

Kinyoorwo riibiik che pendoti eng' nganaseet, kibira, ki iguotena, ki ibeno riibiigap irimoik ngoryennyu ne po parak.

ISAIAH 21:6

Amu kamwaiwo Kiptaiyat kole: “Ui, inde riibindet; si komwae ineendet kiit ne keerei.

ISAIAH 21:8

Yeityo kowaach ineendet ko uu ng'etundo kole, “Ee Kiptaiyat, atononi kotugul eng' teekseet ne kooi ne kiriipse peet, ak kindea ole ariipsee kemousyek tugul.

ISAIAH 52:8

Kutitap riibiguk! Waachei icheek, tyendos kibagenge; amu tuun keerei icheek togoch eng' togoch, ye weeksei Kamuktaindet ne Toroor konyonei Zion.

ISAIAH 56:10

Koryotin riibiikyik, ma tinyei tugul naet; icheeget tugul ko sesenik che namotin kuut, ma imuuchi icheek kokwer; irotitoi, ruitos, chamei konuukso.

ISAIAH 58:1

Waach miising', amesiis, waach ko uu iryageet, ak imwachi piikyuk pistoennywa, ak imwachi kootap Jakobo tengekwogikwak.

ISAIAH 62:6

Kande riibiik irimoiguk, ee Jerusalem; ma koi siisyo peet anan kemoi; amomuunyi okweek piik che obwaatyini Kamuktaindet ne Toroor,

JEREMIA 1:7

Ago ki leenjo `Kamuktaindet ne Toroor, “Amele, Aa lakwa; amu iwendi ye mi piik alak tugul che ayooktochinin, ak imwae kiit age tugul ne ang'atiin.”

JEREMIA 31:6

Amu piitu peetuut ye ititendos riibiik eng' tuloonook che po Ephraim: kole, “Ong'eetyee, keebe Zion kootap Kiptaiyat Kamuktaindennyo.”

JEREMIA 6:10

Ang'alaaljini ng'oo, ak abaoryanji, si kobiit kogasa? Ma kimuratan itiikwak, ara amaimuuchi koep iit. Kaek ng'olyootap Kamuktaindet ne Toroor teweernateet eng' icheek, ak ma poiboitune.

JEREMIA 6:17

Ki ande riibiik koriibok ak ale, “Oepchi iit cheetap iryageet!” Ago ki le, “Ma kigase.”

EZEKIEL 11:25

Ki amwachi anyun icheek che kiga keluul, tuguuk tugul che kiga koboorwo Kamuktaindet ne Toroor.

EZEKIEL 11:4

Maoten anyun agobo icheek, maoten, ee weeriitap chii.

EZEKIEL 2:7

Mwachi icheek ng'aleekyuk, agot ngo kas anan koma kas; amu ngelelik miising'.

HABAKUK 2:1

Atonone oldanyu ole ariipsee, ak atebee paragutap teekseet ne kooi, ak atabende si ageer kiit ne mwaiwo ineendet ak kiit ne awoljini agobo riirekyuk.

HAGGAI 1:13

Ki ng'alaal anyun Haggai, ne ki iyooktoi Kamuktaindet ne Toroor, komwachi piik ng'aleegap Kamuktaindet ne Toroor koleenji: Mwaei Kamuktaindet ne Toroor kole “Ami kobootok.”

MATAYO 3:7

Ago ye kingo keer che chaang' che po Pharisaik ak Sadukaik kobwonjin kabatisanennyi, koleenji, “Lagochu po erenook, ng'oo ne ki iteiywok omwee piruutyet ne nyoonei?

1 KORINTOEK 12:28

Ak kigonde Kamuktaindet alak eng' kaniset, che po tai ko che kiyooktoi, che po aeng' ko maotik, che po somok ko kaneetik, yeityo ko kwang'utik, yeityo ko konunoigap kasaabet, toretosyek, kandoinatosyek, ak kutusweek che teerchiin.

1 KORINTOEK 4:14

Ma sire tuguuchu ale si olilanse, ago si atigoonok ko uu lagokyuk che achame.

2 KORINTOEK 5:11

Amu kingen anyun kayweetap Kiptaiyat, kichuutu piik, ago kibortaech eng' taitap Kamuktaindet; ak amang'u ale kibortoech eng' taitap kabwaateng'wong'.

2 KORINTOEK 5:20

Nooto anyun kitononjinik agobo Kristo, ko uu ye igoigook Kamuktaindet eng' acheek; kigoigook agobo Kristo, keele otuiyegei ak Kamuktaindet.

KOLOSAIK 1:28

ineendet ne kimwaitoi, ak kiteechini chii age tugul ak kineeti chii age tugul eng' utaatyet tugul, si kobiit kimut chii age tugul kogesunotkei eng' Kristo;

1 THESSALONIKEK 5:14

Ak kitigoonok, che kitupche, keele oteechi che ma riibei che ki king'at, ocher che nyogooren, otoret che nyalulyotin, omuite ak piik tugul.

HEBRANIK 13:17

Ogas iit che indoiywok, ak oming'inityige icheek: amu riipsei agobo saboonwekwok, ko uu che tuun tetu agobo poisyennywa; si kobiit koyai poisyoniito eng' poiboiyet, ama eng' arageneet: amu magelwok kiy eng' nooto.