EZEKIEL 3:14 - BUKUIT NE TILIIL Sireet ne Dutero Kanon

¹⁴ Koganaba anyun kabuusetap Kamuktaindet, ak komuta oldo age; ak ki awe eng' ng'wanindo, eng' nereegegap saboondanyu, ak kichiila eutap Kamuktaindet ne Toroor eng' kimnateet.

Bukuit Ne Tilil

¹⁴ Koganaba anyun kabuusetap Kamuktaindet, ak komuta oldo age; ak ki awe eng' ng'wanindo, eng' nereegegap saboondanyu, ak kichiila eutap Kamuktaindet ne Toroor eng' kimnateet.

BUKUIT NE TILIL

¹⁴ Koganaba anyun tamirmiriet, ak komuta oldo age: ak kiawe eng’ ng’wanindo, eng’ neregekab tamirmiriennyu, ak kichiila eutab Jehovah eng’ kimnatet.

EZEKIEL 3:14 ပူးပေါင်းရင်းမြစ်များ

1 LAITORINIK 18:12

Ye awe eng' yu imi, komutin Kabuusetap Kamuktaindet ne Toroor ole mangen. Ye awe amwachi Ahab, amanyo konyoorun, kobara. Ago anee otwogindeng'ung', aiywei Kamuktaindet ne Toroor kobooch ko aa ming'in.

1 LAITORINIK 18:46

Ki mi eutap Kamuktaindet ne Toroor kobooto Elijah, ak ki kermengei, ak kolabat kondoe Ahab kwo ole kimandoe kebendi Jezreel.

2 LAITORINIK 2:16

Ak ki leenji icheek ineendet, “Keero, mi kobooto otwogiguk piik konomu che kiimeen; kisoomin keele, ingoba kocheeng' kiptaiyandeng'ung'. Tamangap ko kagomut ineendet Kabuusetap Kamuktaindet ne Toroor kotogosta, ak kowiirchi tuloonook parak, anan ko atebwosyek.” Ak ki le, “Amat oyookte.”

2 LAITORINIK 3:15

Ago imutwaa nguno putindet.” Ak kingo put chiichooto kibugandet, konyonji ineendet eutap Kamuktaindet ne Toroor.

ISAIAH 8:11

Amu ki ng'alaalwo Kamuktaindet ne Toroor ko uu nooto eng' euut ne kiim, ak kotigoono si ma wendate ortinwegap pichu, kole:

JEREMIA 6:11

Kanyiia anyun nereegek che ng'woneen che po Kamuktaindet ne Toroor; kaang'et araanye. Ak ki leenjo Kamuktaindet ne Toroor, roong'ji nereegechooto lagok che mi ooreet, kobooto tuiyetap murenik; Amu kimuti manong'otyot ak osotyot ne ki koosit kobooto ne neegit koolil.

EZEKIEL 1:3

ko ki nyoonji `ng'olyootap Kamuktaindet ne Toroor Ezekiel tisiindet, weeriitap Buzi, eng' emetap Kaldeik, eng' ye neegitee aineetap Kebar; ak kimi eutap Kamuktaindet ne Toroor paragunnyi eng' olooto.

EZEKIEL 11:1

Kiganaba anyun Kabuuset ne Tiliil, ak komutwaa anyo ormariichetap kong'asiis ne po kootap Kamuktaindet ne Toroor, ne tokyingei kong'asiis: ak ogeero, kimi kurgeetap ormariichet piik tiptemu ak muut; ak ki ageer eng' kwenunnywa Jaasania weeriitap Ashur, kobooto Pelatiah weeriitap Benaiah, pounigap piik.

EZEKIEL 3:12

Yeityo koganaba kabuusetap Kamuktaindet, ak agas cheetap kirgirenet ne oo eng' patennyu, kole, “Iberuurot toroornatetap Kamuktaindet ne Toroor kong'etee oldanyi.”

EZEKIEL 37:1

Ki mi paragunnyu eutap Kamuktaindet ne Toroor, ak ki imuta eng' Kabuusetap Kamuktaindet ne Toroor, ak kotua eng' kwenutap atebweet; ak ki nyiitaat kawek;

EZEKIEL 40:1

Ki mi paragunnyu eutap Kamuktaindet ne Toroor eng' kenyiitap tiptem ak muut, kobooch ngap keluulech, eng' taunetap kenyiit, eng' peetuutap taman ne po arawet, eng' kenyiitap taman ak ang'wan kobooch ngap kebar nganaseet ak komutwaa anyo olooto eng' peetuunooto.

EZEKIEL 43:5

Ak kiganaba Kabuuset ne Tiliil, ak komutwaa anyo seremut ne po oriit; ogeero, ki nyi liilindap Kamuktaindet ne Toroor koot.

EZEKIEL 8:1

Ki nyoonjo eutap Kiptaiyat Kamuktaindet ne Toroor eng' kenyiit ne po lo, eng' arawetap lo, eng' peetuut ne po muut ne po arawanooto, ye ki atebye eng' koonnyu, ak kotebyei poisyegap Judah eng' tainnyu.

EZEKIEL 8:3

Ak ki iyogoi kiit ne uu euut, konam suumeekyuk ak kiganaba Kabuuset ne Tiliil eng' kwenutap ng'wony ak kipsengwet, ak komutwaa eng' ng'ang'utigap Kamuktaindet anyo Jerusalem, agoi kurgeetap ormariichet ne po seremut ne po oriit ne tokyingei murot kaataam; ole ki mi ng'echereetap kanamwetap ng'etkonda, ne tagisyei kogoonu ng'etkonda.

JOHANA 4:1

Ye kingo nai Kiptaiyat kole ki kogas Pharisaik kole ki yaei `Jeso piik koek kasubik ak kobatisani che siirei che ki ibatisan Johana

JOHANA 4:3

kong'eet eng' Judea, kwo kogeny Galilaya.

JOHANA 4:9

Ki leenji anyun kobogoryot ne po Samaria, Katepto ano si isooma peek che iee, ak inyee ko ii Yahudyot, ak anee ko aa kobogoryotap Samaria? (Amu ma namegei Yahudik ak Samarik.)

POISYONIGAP CHE KIYOKTOI 8:39

Ye kingo long' eng' peek, komut `Kabuusetap Kiptaiyat Philipu. Ak mata kogeer anyun kogeny `chiichooto ki kimooch Philipu, ago ki wo kotestai chiichooto eng' poiboiyet.

NG'ANG'UTYET 10:10

Ak ki anam bukuit ne ming'in eng' eutap malaikaiyat, ak aam; ak ki anyiny eng' kutinnyu ko uu kuumyaat, ak kingo kaam, kong'wanit moennyu.