EZEKIEL 29:3 - BUKUIT NE TILIIL Sireet ne Dutero Kanon

³ ng'alaal, ak imwa ile, Mwaei Kiptaiyat Kamuktaindet ne Toroor kole; Keero, aboryenen, inyee Pharaoh laitoryatap Misiri, maswetit ne oo ne rue kwenutap ainoosyekyik, ne ki komwa kole, ainennyu ko nenyu aneege, ki ayachinigei.

Bukuit Ne Tilil

³ ng'alaal, ak imwa ile, Mwaei Kiptaiyat Kamuktaindet ne Toroor kole; Keero, aboryenen, inyee Pharaoh laitoryatap Misiri, maswetit ne oo ne rue kwenutap ainoosyekyik, ne ki komwa kole, ainennyu ko nenyu aneege, ki ayachinigei.

BUKUIT NE TILIL

³ ng’alal, ak imwa ile, Mwaei Kiptaiyat Jehovah ko u ni kole; Keero, aborienen, inye Parao laitoriatab Misri, maswetit ne o ne rue kwenutab ainosiekyik, ne kigomwa kole, Ainennyu ko nenyu anege, kiayachinige.

EZEKIEL 29:3 ပူးပေါင်းရင်းမြစ်များ

EZEKIEL 32:2

Ee, weeriitap chii, riir agobo Pharaoh laitoryatap Misiri, ak ileenji, Kiga kirogenen ng'etundo ne neran ne po pororyosyek: ago iuu maswetit eng' nyanjosyek; imong'u kobooto ainoosyeguk, ak iwase peek eng' keelyeguk, ak isamisi ainoosyekwak.

ISAIAH 27:1

Tuun pirei Kamuktaindet ne Toroor eng' peetuunooto eng' rotwennyi ne po chok ne koroom ak ko oo ak kogim, tyondo ne po peek ne uu ting'ong'et, ne ereneet ne chepchep, ak tyonyooto ne ereneet ne taategei; ak kobar maswetit ne mi nyanjet.

JEREMIA 44:30

Mwaei Kamuktaindet ne Toroor kole: Ogeero, andoi Pharaoh Hopra laitoryatap Misiri, eutap puunikyik, ak eutap icheeget che cheeng'ei saboondanyi; ko uu ye ki ande Zedekiah laitoryatap Judah, eutap Nebukadresar laitoryatap Babilon, punyondennyi, ak ko ne ki cheeng'ei saboondanyi.

NAHUM 1:6

Ng'oo ne imuuchi kotonon eng' taitap nereegekyik? Ak ng'oo ne imuuchi komuita eng' koroomnatetap nereegekyik? Kirong'u nereegekyik che ng'woneen ko uu maat, ak tonatoni `ineendet rwandosyek.

EZEKIEL 28:22

ileenji, mwaei Kiptaiyat Kamuktaindet ne Toroor kole: Keero, aboryenen, ee Sidon; ak kitoroora eng' kwenung'ung': si konai kole aa Kamuktaindet ne Toroor, ye karwookyi ineendet ak aegu ne itabaanat eng' ineendet.

EZEKIEL 28:2

Ee, weeriitap chii, mwachi pounindetap Tyro, ileenji, mwaei Kiptaiyat Kamuktaindet ne Toroor kole: Amu kiitoroorge eng' muguleldang'ung', ak imwa ile, Aa kamuktain, atebee ng'echereetap Kamuktaindet, eng' kwenutap nyanjosyek; ago ii chiito, ma ii Kamuktaindet, agot nganda ki iyaige eng' muguleldang'ung' iige Kamuktaindet:

TIENWOGIKAL 76:7

Kanyool kiywein inyeendet, inyee; Ak ng'oo ne imuuchi kotonon eng' taing'ung' ko kenereech?

NG'ATUTIK 8:17

si mele eng' muguleldang'ung', “Kagoono kimnateennyu ak kamugetap eunnyu mogornatoni.”

NG'ANG'UTYET 20:2

Ak konam maswetit, ereneet ne ki po keny, ne ineendet ko Chesawilyet ak ko Setani, ak korat ineendet kenyiisyek eliphuut agenge,

NG'ANG'UTYET 16:13

Ak ki ageer tamirmirik che yaach somok che uu mororochik, komang'une kutitap maswetit, ak eng' kutitap tyondo, ak eng' kutitap maotyot ne po lembech:

NG'ANG'UTYET 13:11

Ak ki ageer tyondo age kotogosu eng' ng'wony; ak ki tinyei kuinoik aeng' che uu che po aarwet, ak ki ng'alaal ko uu maswetit.

NG'ANG'UTYET 13:4

Ki ilas icheek maswetit amu ki igoochi kimnateennyi tyondo, ak ki ilas icheek tyondo, komwa kole, “Ng'oo ne kergei ak tyonyito; ak ng'oo ne imuuchi kobargei ak ineendet?”

NG'ANG'UTYET 13:2

Ak ki uu tyondo ne ki ageer cheplanget, ak ki uu keelyekyik keelyegap magalaluut, ak ki uu kutinnyi kutitap ng'etundo: ak ki igoochi maswetit ineendet kamugennyi, ak ng'echerennyi ne po laitornatet, ak kimnateet ne oo.

ISAIAH 51:9

Ng'eet, ng'eet, ilaach kimnateet, ee, eutap Kamuktaindet ne Toroor; ng'eet, ko uu peetuusyek che po keny, ibinwegap peetuusyek che po keny. Tos ma inyee ne kiitonaton Rahab, ne kiitoor maswetit?

TIENWOGIKAL 68:30

Kergong' tyondap timiin ne mi mutweek, Chaang'indap kiruugik, ak moegap piik, Koming'inonugei age tugul koibu fedha; Kigoiyesta `ineendet piik che chamei pooryeet.

EZEKIEL 30:12

Ak ateenyi ainoosyek, ak aaldochi emonooto piik che yaacheen; ak ayai emet koguber, kobooto tugul che mi olooto, eng' eunegap toek: kamwae anee Kamuktaindet ne Toroor ng'olyoondoniito.

EZEKIEL 30:22

Mwaei anyun Kiptaiyat Kamuktaindet ne Toroor kole: Ogeero, aborye Pharaoh laitoryatap Misiri ak airie eunekyik, che kiimeen, ak ne kiga keiri; ak agoochi rotwetap chok kobut eng' eunnyi.

AMOS 6:13

Okweek che oboiboitune kiit ne po puch, che omwae ole, “Tos ma ki ip eng' kimnateennyo kuinoik kobunjech?”