EZEKIEL 28:5 - BUKUIT NE TILIIL Sireet ne Dutero Kanon

⁵ ki ites mogornatosyeguk eng' utaatyeng'ung' ne oo ak eng' mung'areng'ung', ak kiitoroorgei eng' muguleldang'ung' amu mogornatosyeguk:

Bukuit Ne Tilil

⁵ ki ites mogornatosyeguk eng' utaatyeng'ung' ne oo ak eng' mung'areng'ung', ak kiitoroorgei eng' muguleldang'ung' amu mogornatosyeguk:

BUKUIT NE TILIL

⁵ kiites magornatosieguk eng’ ng’omnateng’ung’ ne o ak eng’ mung’areng’ung’, ak kiitororgei eng’ muguleldang’ung’ amu magornatosieguk:

EZEKIEL 28:5 ပူးပေါင်းရင်းမြစ်များ

TIENWOGIKAL 62:10

Amomang'u sastaet, amomene rebisyet; ngo tesak mogornatosyek ko mat otiegei.

TIENWOGIKAL 52:7

“Ogeero, niito chiito ne ki ma cham koek kimnateennyi Kamuktaindet; ago ki imang' chaang'indap mogornatosyekyik, ak ki igimitkei eng' tengektanyi.”

HOSEA 13:6

Kibiyong'so ko uu kiit ne ki uu ole ki agete; kibiyong'so, ak kiitoroorgei eng' mugulelwekwak: kigoutyeno anyun.

EZEKIEL 28:2

Ee, weeriitap chii, mwachi pounindetap Tyro, ileenji, mwaei Kiptaiyat Kamuktaindet ne Toroor kole: Amu kiitoroorge eng' muguleldang'ung', ak imwa ile, Aa kamuktain, atebee ng'echereetap Kamuktaindet, eng' kwenutap nyanjosyek; ago ii chiito, ma ii Kamuktaindet, agot nganda ki iyaige eng' muguleldang'ung' iige Kamuktaindet:

KALEWANAIK 11:28

Ineendet ne imang'u mogornatosyekyik, kobuti, ago piitos che po iman ko uu sogoot ne tuon.

1 TIMOTEO 6:17

Ng'at mogoreek che po peetuusyechu, si ma menio, anan konde kamang'unennywa mogornatosyek che ma tonondos, ago eng' Kamuktaindet ineendet ne koonech tuguuk tugul eng' aiyebindo si kobiit keboiboitune;

ROMANIK 12:16

Oegu che tinyei kabwaatet agenge okweegei eng' okweegei. Among'asyige tuguuk che torooreen, ago onamge ak che iming'inegei. Moiityige ole oo ng'oomen eng' loseng'wong' pogei.

ISAIAH 5:21

Pwo eng' icheek che indogei kole ki utaatiin, ak kogeerei koleen ng'ulaatiin!

KALEWANAIK 26:12

Tos igeere chiito ne iityingei kole utaat eng' losennyi pogei? Miitei kamang'unet eng' chiito ne perber kosiir ineendet.

SEKARIA 9:3

Ak kiteekyigei Tyro irimeet, ak ki iyum fedha ko uu temburyek, ak koyum thahabu che korooron ko uu ng'atateegap ortinwek.

EZEKIEL 16:49

Keero, kimii tengektap chepkameng'ung' Sodom; ki tinyei ineendet ak tiibiikyik menoteet, piyeng'do, ak poroteetap talbisto; ama igimit eunegap kibananook ak che ma tinyei kiy.

ISAIAH 23:8

Ng'oo ne ki chop ng'olyoondoniito agobo Tyro, ne ilaakyin piik kutonook, che chemung'arainikyik ko pounik, che aldaikyik ko piik che konyitotiin che po ng'wony?

ISAIAH 23:3

Keljinennyi ko ki iyoteetap Sihor ne ki punu peek che chaang', nooto ko kesisyetap aineet; ak ki ye mi ole keyae mung'aaret ne po pororyosyek.

KALEWANAIK 30:9

si ma piye ak aeesyen, ak ale, “Ng'oo Kamuktaindet ne Toroor?” Anan si ma egu kibanania, ak achoorse, si ma mwa kainetap Kamuktaindennyu eng' tangoi.

2 ATEPTAP PEETUUSYEK 25:19

Imwae ile, Keero, ki ibar Edom; ak itoroorin muguleldang'ung' si ilasuge: tebee koong'ung'; amu nee si icheeng'jigei nyalilda, si ibut inyee, kobooto Judah?

JEREMIA 49:4

Amu nee anyun si itoroorge eng' atebwosyek, atebweng'ung' ne rootei, ee chepto ne ichuchuchegei let? Ne ki imang'u konoraikyik, ileen, Nyonjino ng'oo?

NG'ATUTIK 8:17

si mele eng' muguleldang'ung', “Kagoono kimnateennyu ak kamugetap eunnyu mogornatoni.”

2 LAITORINIK 14:10

Ki ibar iman Edom, ak ki kotoroorin muguleldang'ung'. Paibaitune nooto anyun, ak itebee koong'ung'! Amu nee si icheeng'jigei nyalilda, si ibut, inyee kobooto Judah?”

TIENWOGIKAL 62:11

Kitwek Kamuktaindet konyil agenge, ki agas nooto konyil aeng': ale po kimnateet Kamuktaindet;

EZEKIEL 28:17

Ki itoroorge eng' muguleldang'ung' amu karaaranindang'ung', ki ing'em utaatyeng'ung' amu kakweng'eng'ung': kaawiirchin ng'wony kaandein taitap laitorinik, si kobiit kogeerin.