EZEKIEL 24:14 - BUKUIT NE TILIIL Sireet ne Dutero Kanon

¹⁴ Kamwae anee Kamuktaindet ne Toroor ng'olyoondoniito, isuldoi ak ayae nooto; ma weechigei let, amarira moo, amawale kabwaatutikyuk. Arwoogun icheek ko uu ortinweguk ak ko uu poisyoniguk, mwaei Kiptaiyat Kamuktaindet ne Toroor.

Bukuit Ne Tilil

¹⁴ Kamwae anee Kamuktaindet ne Toroor ng'olyoondoniito, isuldoi ak ayae nooto; ma weechigei let, amarira moo, amawale kabwaatutikyuk. Arwoogun icheek ko uu ortinweguk ak ko uu poisyoniguk, mwaei Kiptaiyat Kamuktaindet ne Toroor.

BUKUIT NE TILIL

¹⁴ Kamwae ane Jehovah ng’olyondonito: isuldoi, ak ayae noto; maweechige let, amarira mo, amawale kabwatutikyuk; iruogun ichek ko u ortinweguk, ak ko u boisioniguk, mwaei Kiptaiyat Jehovah.

EZEKIEL 24:14 ပူးပေါင်းရင်းမြစ်များ

Kitabuutap JOB 27:22

Amu wiirei `Kamuktaindet ineendet ama riiree. Machei komwee eunnyi.

TIENWOGIKAL 33:9

Amu ki mwa, ak ki yaak; ki ng'at, ak ki tonon.

ISAIAH 3:11

Pwo eng' kiptengekyot! Yaitu eng' ineendet; amu kigoochin melektap poisyonigap eunekyik.

ISAIAH 55:11

uu nooto ng'olyoondennyu ne mang'une kutinnyu: ma weekyinagei puch, ago yaei kosulda kiit ne amache, ak koboorei eng' kiit ne kiayooktochine.

JEREMIA 13:14

Ak atue chii age age, kwanisyek ak weeriik, mwaei Kamuktaindet ne Toroor. Ma riiree anan abagaakte anan koriira moo, kot ko magesu icheek.

JEREMIA 23:20

Ma weeksei nereegegap Kamuktaindet ne Toroor, agoi koyai kogees, agoi koyai magutigap muguleldanyi kosulda: oguitosi ng'olyoondoniito komyee eng' peetuusyek che po let.

JEREMIA 4:18

Kagoibun oreng'ung' ak poisyoniguk tuguuchuuto, niito ko yaityeng'ung', amu ng'waan, amu itei muguleldang'ung'.

EZEKIEL 16:43

Amu ma ibwaat peetuusyegap ming'inateng'ung', ago ki itacha eng' tuguuchuuto tugul; ko uu nooto, kaaweegu poisyoniguk kotebee paragung'ung', mwaei Kiptaiyat Kamuktaindet ne Toroor. Tos ma iyai yaityoni itesyi tuguuguk tugul che kiwechei?

EZEKIEL 17:24

Si konai keetiik tugul che po timiin kole aa Kamuktaindet ne Toroor ne ki achooru keetit ne kooi, ak aeet keetit ne ming'in, ak ayaam keetit ne tuon, ak agoochi keetit ne yaamaat kotunen: kaamwa anee Kamuktaindet ne Toroor, ak ayae.

EZEKIEL 18:30

Arwookwok anyun, ee kootap Israel, chii age tugul ko uu ortinwekyik, mwaei Kiptaiyat Kamuktaindet ne Toroor. Oweege, ak owalage, omete pistaosyekwok tugul; si ma ek tengekto ng'emisyeng'wong'.

EZEKIEL 22:31

Kaaroong'ji anyun nereegekyuk icheek amu nooto; kaagesu eng' maatap nereegekyuk: ki ande ortinwekwak metowekwak, mwaei Kiptaiyat Kamuktaindet ne Toroor.

EZEKIEL 23:24

Ak kobookyin kotinyei kariik, kariisyek che po lugeet ak kariisyek che lau tuguuk, ak tuiyet ne po pororyosyek: ibookyinin kotinyei long'onik che eecheen ak che mengeechen ak chepkuloigap lugeet eng' komoswek tugul: ak agoochi icheek kirwooget, si korwogun, ko uu kirwoogutikwak.

EZEKIEL 23:29

ak kogerin kong' eng' wegeet, ak korebenen poisyeng'ung' tugul, ak kobagachin itebee puch aach ngor: ak keng'aanyin itebi puch eng' kugoinatosyeguk, yaityeng'ung' kobooto kugoinatosyeguk.

EZEKIEL 24:15

Ki nyoonjo kogeny ng'olyootap Kamuktaindet ne Toroor koleenjo,

EZEKIEL 30:9

Pendi eng' peetuunooto eng' tainnyu piik che kiyooktoi eng' melisyek koba komu Ethiopik che leen tebyei eng' kaalyeet; ak koityi icheek ng'wanindo, ko uu eng' peetuutap Misiri; ogeero, amu nyoonei peetuunooto.

EZEKIEL 36:19

ak ki aseerchi icheek pororyosyek, ak ki kiyestoochi emotinwek: ki arwookyi icheek ko uu ortinwekwak ak ko uu poisyonikwak.

EZEKIEL 5:11

Mwaei anyun Kiptaiyat Kamuktaindet ne Toroor kole, ko uu ye asabe aming'inin iman, amarirenen kondanyu, anan koriira moo, amu ki ing'wanit oldanyu ne tiliil eng' tuguuguk tugul che samisen, ak tuguuguk tugul che kiwechei.

EZEKIEL 7:3

Kaityin anyun kagesunet, ak ayoogun nereegekyuk, ak arwoogun ko uu ortinweguk; ak aibun tuguuguk tugul che kiwechei.

EZEKIEL 7:4

Amarirenen kondanyu, ama riira moo: ago aibu ortinweguk, ak kotebee kwenung'ung' tuguuguk che po wegeet: si onai ole aa Kamuktaindet ne Toroor.

EZEKIEL 7:8

Karik anyun si aroong'jin nereegekyuk che ng'woneen, ak ayai kosulda nereegekyuk eng' inyee, ak arwoogun ko uu ortinweguk; ak aibun tuguuguk tugul che kiwechei.

EZEKIEL 7:9

Amarirenen kondanyu, ama riira moo: aibun ko uu ortinweguk, ak kotebee kwenung'ung' tuguuguk che po wegeet; si onai ole aa Kamuktaindet ne Toroor ne abirisyei.

EZEKIEL 8:18

Ayae anyun agane eng' nereegek che ng'woneen: ma rireenen kondanyu, ama riira moo: agot nganda riircho eng' waagaat ne oo, koma kasyini.

EZEKIEL 9:10

Ago ne uu anee, ko marire kondanyu, ama riira moo, ago aipchini ooreenywa metowekwak.

SEKARIA 8:14

Amu mwaei Kamuktaindet ne Toroor ne po lugoosyek kole: “Ko uu ye kigabwaat ayaiywok yaityet, ye ki katacha kwanisyekwok kot anereech, mwaei Kamuktaindet ne Toroor ne po lugoosyek, ak ki ma awal kabwaatutikyuk;

KAITOSYEK 11:23

Ki leenji `Kamuktaindet ne Toroor Musa, “Tos nwach eutap Kamuktaindet ne Toroor? Igeere nguno ingosuldoi anan ngo mesuldoi ng'olyoondennyu agobo inyee.”

KAITOSYEK 23:19

Ma chiito Kamuktaindet, kot komwa lembech, anan weeriitap chii, kot kowal kabwaatutikyik. Tos kagomwa, ak ma yaei? Anan kagomwa, ama yaei kosulda?

MATAYO 16:27

Tuun nyoonei Weeriitap chii eng' liilindap Kwandanyi kobooto malaikaisyekyik, ak kogoochi chii age tugul ko uu poisyonikyik.

MATAYO 24:35

Siirtoi kipsengwet ak ng'wony, ago ma siirtoi ng'aleekyuk.

1 SAMUEL 15:29

Ma mwaei lembech Kimnateetap Israel ama sigu; amu ineendet koma chiito si kowalak.”