EZEKIEL 22:4 - BUKUIT NE TILIIL Sireet ne Dutero Kanon

⁴ Kanamin ng'oogisto amu korotiguk che kiitumde, ki king'wanitin eng' kanamoniguk che ki iyai; ak ki igoochi peetuusyeguk koriik, ak kaiit ye pooch kenyisyeguk. Ko uu nooto kaayain koteweerin pororyosyek, ak ne kichotei eng' emotinwek tugul.

Bukuit Ne Tilil

⁴ Kanamin ng'oogisto amu korotiguk che kiitumde, ki king'wanitin eng' kanamoniguk che ki iyai; ak ki igoochi peetuusyeguk koriik, ak kaiit ye pooch kenyisyeguk. Ko uu nooto kaayain koteweerin pororyosyek, ak ne kichotei eng' emotinwek tugul.

BUKUIT NE TILIL

⁴ Kanamin ng’ogisto amu korotiguk che kiitumde, kiging’wanitin eng’ kanamoniguk che kiiyai; ak kiigochi betusieguk korik, ak kaiit ye boch kenyisieguk: kaayain kotewerin bororiosiek, ak ne kichotei eng’ emotinwek tugul.

EZEKIEL 22:4 ပူးပေါင်းရင်းမြစ်များ

1 LAITORINIK 9:7

ang'etoi Israel anyun eng' emet ne ki agoochi, ak kooi ki atiliil agobo kainennyu, aistoi eng' tainnyu; si koek Israel kalewenet ak atindyot eng' piik tugul.

2 LAITORINIK 21:16

Kitumda kogeny Manasseh korotiik che chaang' kot, che ma tinyei tengek, kot konyiit Jerusalem kong'etee komosta age agoi komosta age; kobooto tengektanyi ne ki ibeete Judah si koyai tengekto, eng' yaityet ne ki yai eng' taitap Kamuktaindet ne Toroor.

2 ATEPTAP PEETUUSYEK 7:20

atutu anyun icheek eng' emennyu ne ki agoochi; ak awirte kooi eng' tainnyu ne ki atabaanji kainennyu, ak ayai koek kalewenet ak atindyot eng' pororyosyek tugul.

TIENWOGIKAL 79:4

Kigeegu che iteweerotin eng' piik che neegiteenech, Saseech ak kororechinech anyun, che mi komoswekyok tugul.

JEREMIA 18:16

si koyai emennywa koek kwong'eet, ak koek ne kireenyei kotugul; kwong'ee age tugul ne siirtoi eng' yooto, ak kolelechi metinnyi.

JEREMIA 24:9

agoitoi icheek koek che ki wiirchin komosi ak komosi eng' pounatosyek tugul che po ng'wony si konyoor taiyet; koek teweernateet, ak kalewenet, chotisyet ak sasisyet, eng' komoswek tugul ole aoonjini icheek.

JEREMIA 44:8

amu otagena poisyonigap eunekwok, obeeljini nyamdutik kamuktaik eng' emetap Misiri, ole ki obe otebee; si kobiit kigeswok, ak oegu che kisasei ak che kichotei eng' pororyosyek tugul che po ng'wony?

EZEKIEL 16:57

ye kitom keng'aany yaityeng'ung', ko uu eng' peetuusyegap chotisyetap tiibiigap Syria, ak ne po tugul che mi komoswekyik, tiibiigap Philistik, che sasin eng' komoswek tugul.

EZEKIEL 21:28

Maoten inyee weeriitap chii, ile, Mwaei Kiptaiyat Kamuktaindet ne Toroor agobo lagogap Ammon, ak agobo teweernatennywa, kole; mwaa ile, Rotwetap chok, kaging'us rotwetap chok, kagesit agobo parisyet, si kobiit kobaris, si koigei kalyeleet:

EZEKIEL 22:2

Ee, inyee weeriitap chii, tos irwookyini, irwookyini nganaseet ne po korotiik? Iboorchi anyun konai tuguukyuk tugul che kiwechei.

EZEKIEL 23:32

Mwaei Kiptaiyat Kamuktaindet ne Toroor kole: Iee kigombetap chepkomet, ne oo ak ko paraa: kirorechinin kereenyin ak kesasin; chaang' tuguugap kigombanooto.

EZEKIEL 23:7

Ak ki yai kugoinatosyekyik kobooto icheek, murenik tugul che korooron miising' che po Assyria, ak age tugul ne ki chamei miising'. Ki ing'wanitegei kanamonikwak tugul.

EZEKIEL 24:7

Amu mi korotiikyik kwenunnyi; ki inde rwandet ne ma mi kiy; ma tumji ng'wony, si ketuge temburyek;

EZEKIEL 24:8

si kobiit kong'eet nereegek che ng'woneen konyo koyaakta mugetuut, kaande korotiikyik rwandet parak si ma ki tuch.

EZEKIEL 36:15

ama achamun igas kogeny kalilanetap pororyosyek, ama igeseni teweernatetap pororyosyek kogeny, ama inach pororyeng'ung' kogeny, mwaei Kiptaiyat Kamuktaindet ne Toroor.

ATEPTAP LAWIK 26:32

Ak ayai emet koek surkwen ak kokwong'yo puunikwok che menyei olooto.

KAITOSYEK 32:14

Ara oyaei nguno ko uu ye ki yai kwanisyekwok, oegu kiptengeginik che tesoksei, otes nereegek che koroomen che po Kamuktaindet ne Toroor eng' Israel.

NG'ATUTIK 28:37

Ak iegu kwang'utyet, kalewenet ak atindyot, eng' kwenutap piik tugul ole imutyinin Kamuktaindet ne Toroor.

NG'ATUTIK 29:24

Teebegei anyun pororyosyek tugul koleen, ‘Amu nee si koyachi Kamuktaindet ne Toroor ko uu ni emoni? Ibooru nee mai po nereegechu ng'woneen?’

1 THESSALONIKEK 2:16

etenech keng'alaalji Pororyosyek si kobiit kesar; inyiiti kotugul tengekwogikwak: ago nyoonjin icheek nereeknateet agoi let.