EZEKIEL 22:12 - BUKUIT NE TILIIL Sireet ne Dutero Kanon

¹² Kigotaach icheek eng' inyee asoya si kotumda korotiik; ki ip kelunet ne siirtoot ak che tesatiin, ak ki inyooru poroteet eng' keiyandit amu ki isastae piigap kokweng'ung', ak ki iutyeno, mwaei Kiptaiyat Kamuktaindet ne Toroor.

Bukuit Ne Tilil

¹² Kigotaach icheek eng' inyee asoya si kotumda korotiik; ki ip kelunet ne siirtoot ak che tesatiin, ak ki inyooru poroteet eng' keiyandit amu ki isastae piigap kokweng'ung', ak ki iutyeno, mwaei Kiptaiyat Kamuktaindet ne Toroor.

BUKUIT NE TILIL

¹² Kigotaach ichek eng’ inye tugukab kagaigaet si kotumda korotik; kiib kelunet ne siirtoot ak che tesotin, ak kiinyoru borotet eng’ keiyandit amu kiisastae bikab kokweng’ung’, ak kilutiena, mwaei Kiptaiyat Jehovah.

EZEKIEL 22:12 ပူးပေါင်းရင်းမြစ်များ

NEEMIA 5:1

Ki piit riirek che ng'woneen eng' piik ak eng' osotikwak agobo tupchosyekwak Yahudik.

NEEMIA 5:7

Ki abwaat anyun aneege, ak ki kitiiye ak piik che taagunotiin ak pounik, ak aleenji icheek, “Omage keljinet ne siirei ne nyolu, chii age tugul tupchennyi.” Ak ki ayai tuiyet ne oo kegirindae icheek.

TIENWOGIKAL 106:21

Ki iutye Kamuktaindet, yetindennywa, ne kiga koyai tuguuk che eecheen eng' Misiri,

TIENWOGIKAL 15:5

ne ma pesendoi fedhaisyekyik si kosige che siirtoot, ama taachei tuguugap kagoigoisyet agobo ne ma tinyei tengek. Ineendet ne yaei tuguuchuuto, koma ki istoi agoi.

KALEWANAIK 1:19

Uu nooto ortinwegap age tugul ne kipkeiyat agobo kelunet; rebei saboonwegap piik.

ISAIAH 1:23

Ngelelik pouniguk, ak ko choronogap chooriik. Chamei age tugul asoya, ak kosuboti tuguuk che kigeerchin. Ma ibesyechin ne ma tinyei sigiik, ama ki ipchin icheek ng'aleegap mosoget.

ISAIAH 17:10

Amu kiutye Kamuktaindetap yetuneng'ung', ama ibwaat rwandetap kimnateng'ung'; igoole anyun keetiik che korooron, ak keetiik alak che teer;

ISAIAH 56:11

Ee, kipkein sesenik, ma piyong'dos agoi; ak chuuto ko mestoweek che ma iguitos kiy: ki komaasta tugul koosup ooreenywa, kigosup chii tugul keljinennyi, eng' komosta age tugul.

JEREMIA 2:32

Tos imuuchi chepto koutye tuguukyik che po lelesta? Anan koutye murereet ngoroikyik? Ago kigoutyeno piikyuk eng' peetuusyek che ma iitoksei?

JEREMIA 3:21

Kigasei waagaat eng' tuloonook che churyotin, riirek ak soomutigap piigap Israel; amu ki komaas ooreenywa, kigoutye Kamuktaindet ne Toroor Kamuktaindennywa.

JEREMIA 6:13

Amu kobooch ne ming'in agoi ne oo eng' icheek, ko tinyei age tugul keyandiit, ak kobooch maotyot agoi tisiindet, ko yaei kaberberisyet age tugul.

JEREMIA 9:1

Kata myee nda ka peei kityo metinnyu, ak ko kondametutap peegap kong' konyekyuk, si kobiit ariir peet ak kemoi agobo che ki kibar che po piikyuk!

EZEKIEL 18:13

ne ki kogoito tuguuk si konyoorunee kelunet ne siirtoot, ak koip che tesatiin: tos sap chiichooto iman? Ma sabei: ki koyai tuguuchuuto tugul kiwechei: meei iman; tebee ineendet korotiikyik.

EZEKIEL 18:8

ineendet ne tomo kogoito tuguuk si konyoorunee kelunet ne siirtoot, ama ibei che tesatiin, ne kigoistoe eunnyi tengekto, ne ki koyai kirwooget ne po iman eng' kwenutap piik,

EZEKIEL 23:35

Mwaei anyun Kiptaiyat Kamuktaindet ne Toroor kole: Amu ki iutyeno, ak ituktocha patai, kesen anyun yaityeng'ung' agine ak kugoinatosyeguk.

EZEKIEL 36:12

Ee, agoochini piik kobendatenak, chooto piikyuk Israel; ak konamin icheek ibunji ak iegu porotennywa, ama ibare lagokwak kogeny.

ATEPTAP LAWIK 19:13

“Amesastae chiitap kokweng'ung', anan irebe kiy. Amat inamdegei melektap otwogindet kot koeech.

ATEPTAP LAWIK 25:37

Amegoochi siling'isyeguk ile si inyoorunee che siirtoot, anan igoochi amitwogiguk ile si kotesak.

AMOS 8:4

Ogas ng'olyoondoni, ee okweek che osaasei che ma tinyei kiy, ak ong'emei owoong'u kibananook che po emet,

AMOS 8:6

kole si kobiit keale kibananook fedha, ak keale che ma tinyei kiy kweonik, ak kealde meteteegap peek.”

MATAYO 23:13

“Ago pwo eng' okweek, siriik ak Pharisaik, chombilik! Amu ogere piik pounatetap kipsengwet. Amu mochutei okweeget olooto, ak che machei kochut olooto ko mochamjini koba.

MATAYO 23:25

“Pwo eng' okweek, siriik ak Pharisaik, chombilik! Amu otiliili kigombet ak sanit parak, ago oriit ko nyiitaat rebisyet ak keiyandit.

LUKA 18:11

Ki tonon Pharisaindet kosa kong'alaal ineegei kole, ‘Kamuktaindet, amwaun kongoi, amu ma ki kergei ak piik alak, che rebiik, che ma po iman, che ibegei, anan taagindoni po aisuruut.

LUKA 19:8

Ak ki tonon Zakayo, ak koleenji Kiptaiyat, Keero, Kiptaiyat, agoochini kibananook kebebertap tuguukyuk; ak ngo ki aibe chii age tugul kiy eng' ng'aalseet, aweekyini konyil ang'wan.

LUKA 3:13

Ak ki mwachi `icheek koleenji, “Amomage piik tuguuk che siirei che ki king'at.”

1 KORINTOEK 5:11

ago nguno asirwok, ale amonamge ak chii age tugul ne kiguure tupchet, ne soksei, anan kipkeiyat, anan ne saaei kanamonik, anan ne chubisyei, anan kibogityot, anan rebindet; amat oamjine ak chiito ne uu nooto, achicha.

1 KORINTOEK 6:10

anan chooriik, anan kipkeinik, anan kibogitinik, anan che chubisyei, anan rebiik, che nyooru laitornatetap Kamuktaindet.

NG'ATUTIK 16:19

Amemaas kirwooget. Ametiytiy piik anan itaach che po kagaigaet, amu kerei konyegap che tinyei utaatyet tuguuk che po kagaigaet, ak kogunuuri ng'aleegap che po imanda.

NG'ATUTIK 23:19

“Amebesendochi tupcheng'ung' ile tuun inyoorunee keljinet, ngo eng' pesendap silingisyek, amitwogik anan eng' pesendap kiy age tugul ne kibesendoi si kenyoorunee keljinet.

NG'ATUTIK 27:25

“Chuboot chii ne taachei melekto si kobar chii ne ma tinyei tengek.” Ak kole piik tugul, “Amen!”

NG'ATUTIK 32:18

Mebwaati Rwandet ne kwandang'ung', Ki iutye Kamuktaindet ne kisichin.

1 TIMOTEO 3:3

ne ma kimaiya, ne ma pirisyei; ago ne tala, ne ma chii ne po pooryot, ne ma chamei silingisyek;

JUDA 1:11

Pwo eng' icheek! Amu ki isup ooreetap Kain, ak kogoochigei mastaetap Balaam komach melekto, ak kilusyo eng' ngelelnatetap Kora.