EZEKIEL 22:11 - BUKUIT NE TILIIL Sireet ne Dutero Kanon

¹¹ Ak ki koyai age kiit ne kiwechei kobooto osotyotap chiitap kokwennyi, koyai age yaityet kong'wanit osotyotap weeriinnyi; ak kigosuup age chepkamet, cheptap kwandanyi, eng' inyee.

Bukuit Ne Tilil

¹¹ Ak ki koyai age kiit ne kiwechei kobooto osotyotap chiitap kokwennyi, koyai age yaityet kong'wanit osotyotap weeriinnyi; ak kigosuup age chepkamet, cheptap kwandanyi, eng' inyee.

BUKUIT NE TILIL

¹¹ Ak kigoyai age kit ne kiwechei koboto osotiotab chitab kokwennyi, koyai age yaitiet kong’wanit osotiotab werinnyi; ak kigosuub age chepkamet, cheptab kwandanyi, eng’ inye.

EZEKIEL 22:11 ပူးပေါင်းရင်းမြစ်များ

2 SAMUEL 13:1

Ki tinyei Absalom weeriitap Daudi chepkamet ne karaaran, ne ki kiguure Tamar. Ki cham `Amnon weeriitap Daudi Tamar.

2 SAMUEL 13:11

Ago ye kingo kagoip magatinichooto koba ye neegitee ineendet si koam, kosuup ineendet ak koleenji, “Nyoo keruiye tuwai, tupchennyu.”

2 SAMUEL 13:14

Ago ma cham kogas ng'aleekyik, ago amu ki kiim kosiir chebooto, ko kisuup ak koruiyo ak ineendet.

JEREMIA 29:23

amu ki koyai perberyo eng' Israel, ak koyai ibeetapkei ak osotigap piigap kokwennywa, ak ki komwa ng'aleek che po lembech eng' kainennyu, che ki ma ang'at icheek; ak ko aneendet ne angen, ak ko aa paoryat, mwaei Kamuktaindet ne Toroor.

JEREMIA 9:2

Kata myee nda katinye eng' surkwen ole ruei kipruitoinik, si kobiit abagaakta piikyuk ak awechigei! Amu icheeget tugul koyaei ibeetapkei, ak ko tuiyetap piik che iberberisyei.

EZEKIEL 18:11

ama yaei age eng' poisyonichuuto, ago kigoamisye tuloonook, ak ki kong'wanit osotyotap chiitap kokwennyi,

EZEKIEL 18:6

ak tomo koamisye tuloonook, ama tokyi kanamonik che po kootap Israel, ama ing'wanit osotyotap chiitap kokwennyi, ama riikyi kwony eng' peetuusyekyik che po arawet;

EZEKIEL 33:26

Otiegei rotonikwok po chok, oyae kiit ne kiwechei, ak ing'waniti age tugul eng' okweek osotyotap chiitap kokwennyi: tos oname emet kobunjook?

ATEPTAP LAWIK 18:15

Amat ing'aany aach ngoritap osotyotap weeriing'ung'; amu osotyotap weeriing'ung'; amat ing'aany aach ngorinnyi.

ATEPTAP LAWIK 18:20

Amat oipkei ak osotyotap chiitap kokweng'ung', omurwongei ak ineendet.

ATEPTAP LAWIK 18:6

“Amat koriikyi age tugul eng' okweek tilyennyi kong'aany aach ngorinnyi. Aa Kamuktaindet ne Toroor.

ATEPTAP LAWIK 18:9

Amat ing'aany aach ngoritap chepkomet, cheptap kwandang'ung', anan cheptap kamenng'ung', ngo ki kisikyin kaa, anan olda age.

ATEPTAP LAWIK 20:10

“Chiito ne ibegei ak osotyotap chiito age, agot ne ibegei ak osotyotap chiitap kokwennyi, kebarei iman chiichooto ak osotyondonooto.

ATEPTAP LAWIK 20:12

Ngo ruiyo chii ak osotyotap weeriinnyi, kebarei iman tuwai. Kagoyai ng'emisyet; tebee korotiikwak icheek.

ATEPTAP LAWIK 20:17

“Ngomut chii chepkamet, cheptap kwandanyi, anan cheptap kamet, ak kogeer aach ngorinnyi, ak kogeer chebooto aach ngoritap murenonooto ko teweernateet nooto. King'etoi icheek tuwai eng' taitap lagogap piikwak, amu kagong'aany aach ngoritap chepkamet, ak ibei ineendet tengektanyi.

MALAKI 3:5

Ak arikyok eng' kirwooget, ak achepchebi agoon paornateet agobo inyee aegu, arwookyi icheek che ma iywea: pooniik, che ibegei, piik che iyastos eng' lembechek, icheek che sastoe otwogindet ne kisirei eng' melektanyi, che sastoe kwony ne ki kosiirtoe manong'otyot ak ne ma tinyei sigiik, ak ne imaasi toondet, mwaei Kamuktaindet ne Toroor ne po lugoosyek.

1 KORINTOEK 6:9

Anan mongen ole ma tuun nyooru icheeget che ma po iman laitornatetap Kamuktaindet? Amat kiberberak: ma mi eng' che soksei, anan che saaei kanamonik, anan che ibegei, anan chemuulkwonyiik, anan chemogorgoinik,

GALATYEK 5:19

Taagunotiin anyun poisyonik che po poorto, chooto ko chu: sokseet, simdo, mageet ne ya agobo tuguuk che yaach,

NG'ATUTIK 22:22

“Nginyooru chii ne ibegei ak kwondo ne ki kitunji chiito age, kebarei tuwai; chiichooto kobooto kwonyooto. Iste anyun ko uu nooto yaityet eng' Israel.

NG'ATUTIK 27:22

“Chuboot chii ne ibegei ak chepkamet ne cheptap kwandanyi anan ne cheptap kamet.” Ak kole piik tugul, “Amen!”

HEBRANIK 13:4

Ingogonyit tugul katunisyet, amat koek itoogut ne tinyei simdo: amu tuun irwookyin Kamuktaindet che soksei ak che ibegei.