EZEKIEL 21:7 - BUKUIT NE TILIIL Sireet ne Dutero Kanon

⁷ Ak ye teebenen, koleenjin, Amu nee si itigen? Ile anyun, Amu ng'aleek, amu nyoonei: ak kome muguleldo age tugul ak konyalulso eunek tugul, ak konyaluul sabeet age tugul, ak kochootyo kutung'oik tugul ko uu peek: ogeero, nyoonei, ak ko yaaksei, mwaei Kiptaiyat Kamuktaindet ne Toroor.

Bukuit Ne Tilil

⁷ Ak ye teebenen, koleenjin, Amu nee si itigen? Ile anyun, Amu ng'aleek, amu nyoonei: ak kome muguleldo age tugul ak konyalulso eunek tugul, ak konyaluul sabeet age tugul, ak kochootyo kutung'oik tugul ko uu peek: ogeero, nyoonei, ak ko yaaksei, mwaei Kiptaiyat Kamuktaindet ne Toroor.

BUKUIT NE TILIL

⁷ Ak ye teebenen, kolenjin, Amu nee si itigen? Ile anyun, Amu ng’alek, amu nyonei: ak kome muguleldo age tugul ak konyalulso eunek tugul, ak kotanui tamirmiriet age tugul, ak kochootyo kutung’oik tugul ko u beek: ogeero, nyonei, ak ko yaoksei, mwaei Kiptaiyat Jehovah.

EZEKIEL 21:7 ပူးပေါင်းရင်းမြစ်များ

2 SAMUEL 17:10

Agot ineendet ne nyigan, ne uu muguleldanyi muguleldap ng'etundo, kochootei kogesugei, amu ingen Israel tugul kole chiito ne nyigan kwandang'ung' ak icheek che mi ak ineendet ko piik che nyigoonen.

2 LAITORINIK 21:12

ko kamwa anyun Kamuktaindet ne Toroor, Kamuktaindetap Israel kole: Aipchini yaityet Jerusalem ak Judah kot kotildilyo itiik eng' chii age tugul ne kagas.

TIENWOGIKAL 58:7

Ingochootyo koigei peek che rootei; ingoigei icheek susweek che kityekyin ng'wony ak kotonogis.

KOMONG'U 15:15

Ki tang'any anyun kirwoogik che po Edom; potandos che kiimeen che po Moabik; kachootyo tugul che menyei Kanaan.

ISAIAH 13:7

Nyaluldos anyun eunek tugul, ak kochoot muguleldap chii age tugul,

ISAIAH 28:19

Ibok eng' peetuut age tugul ye siirtoi; amu siirtoi karonet age tugul peet ak kemoi; ak egu kamuiset kityo ye ogase ng'aleek.

ISAIAH 35:3

Ogimiit eunek che nyalulyotin, ogiil kutung'oik che ma kiimeen.

ISAIAH 7:2

Ye kingo kas kootap Daudi keele kogonamgei Syria ak Ephraim ko ki potan muguleldo ne po Ahaz ak mugulelwegap piikyik ko uu ye itumdumi usoonet keetiigap timiin.

JEREMIA 26:12

Yeityo komwachi Jeremiah pounik tugul ak piik tugul koleenji, Ki iyookwo Kamuktaindet ne Toroor amaoten kiit ne ya agobo kooi ak nganasani, amwa ng'aleek tugul che koogas.

JEREMIA 49:23

Ng'aleegap Damasko. Kagolilan Hamath, ak Arpad; amu kogogas ng'aleek che yaach, kogotanuiso: mi arageneet nyanjet; ma imuuchi kosiis.

JEREMIA 50:43

Ki kogas laitoryatap Babilon kalasunennywa, ak nyaluldos eunekyik: kanam ineendet pichiindo, ak ng'wanindo ko uu ne po kwondo ne machei kosigiis.

JEREMIA 8:18

Kata myee agaigaige si ma kase arageneet, tanui muguleldanyu.

RIREKAB JEREMIA 5:17

Amu nooto ko kagonyalulso mugulelwekyok; amu tuguuchuuto ka kagogoryo konyekyok.

EZEKIEL 20:49

Amwa anyun ale, ee, Kiptaiyat Kamuktaindet ne Toroor! Mwaei icheek agobo anee kole, tos ma ng'alaalindet ne po kalewenaik ineendet?

EZEKIEL 21:15

Koatokyi rotwetap chok ormariichokwak tugul, si komeiyo mugulelwekwak, ak kotesagis kanagutikwak: haa! Kogeyai koigei kalyeleet, kogelit si kobaris.

EZEKIEL 21:6

Tigen anyun, inyee weeriitap chii; tigen eng' iletap sueng'ung' ak eng' ng'wanindo kogeerei icheek.

EZEKIEL 21:8

Ak ki nyoonjo ng'olyootap Kamuktaindet ne Toroor, koleenjo,

EZEKIEL 22:14

Tos imuuchi komuita muguleldang'ung', anan kogimegitu euneguk, eng' peetuusyek che agerin kong'? Kamwae anee Kamuktaindet ne Toroor ng'olyoondoniito, ak ayae.

EZEKIEL 24:19

Ak ki leenjo piik, Tos memwaiwech kiit ne uu tuguuchu eng' acheek, kot iyai ko uu nooto?

EZEKIEL 6:2

Ee weeriitap chii, tokyi togeng'ung' tuloonoogap Israel, ak imaotenji,

EZEKIEL 7:17

Nyaluldos eunek tugul, ak kochootyo kutung'oik tugul ko uu peek.

EZEKIEL 7:26

Nyoonei pichiindo kosubu pichiindo, ak pwoonei ng'aleegap piik koosup ng'aleegap piik; ak kocheeng' ng'ang'utyetap maotyot; ago petei ng'atuutyet eng' tisiindet, ak kobet kirwooget eng' poisyek.

ATEPTAP LAWIK 26:36

Ak eng' icheeget che ng'etu eng' okweek, ayookyini mugulelwekwak kaiyweisyet eng' emotinwegap puunikwak, ak koon icheek cheetap sogoot ne ibei usoonet, ak komwei icheek ko uu chii ne mwee rotwetap chok, ak kobutyoti ye maonei chii.

NAHUM 2:10

Ma mi kiy, mi puch, ki koek karaatya! Chootei muguleldo, ak piregei kutung'oik, ak komi ng'wanindo suenutik tugul, walaksei togoochigap icheek tugul.

LUKA 21:26

ak kobek mugulelwegap piik amu kaiyweisyet, ak amu kagenisyetap tuguuk che pwaanjin ng'wony: amu kitumdumi kimnatosyegap kipsengwet.

NG'ATUTIK 20:8

Ingong'alaalji `kandoik piik kogeny koleenji, “Ng'oo ne nyogoor ne machei kotanui? Ingoweek kwo koonnyi, si ma chootyo mugulelwegap tupchosyekyik ko uu nenyi.”

HEBRANIK 12:12

Eng' nooto anyun onamji parak eunek che nyalulyotin, ak kutung'oik che meiyotiin;

JOSHUA 5:1

Ye kingo kas laitorinik tugul che po Amorik che ki mi komostap cherongo eng' Jordan, ak laitorinik tugul che po Kanaanik che ki neegitee nyanjetap Mediterenian kole ki yai `Kamuktaindet ne Toroor aineetap Jordan koyaam eng' taitap piigap Israel kot kolandae, kobek mugulelwekwak kot ko mata kong'et nyiganateet eng' icheek amu piigap Israel.

JOSHUA 7:5

Kibaris piigap Ai kobar piigap Israel, piik olo po sosom ak lo ak koon eng' ormariichet kot koit Sebarik, ak kobarat korektoi. Kimeiyo miising' kot mugulelwegap piik.

1 PETERO 4:7

Ago kagoriik kagesunetap tuguuk tugul; nooto anyun oegu che oriibegei, ak oriipse eng' saaet: