EZEKIEL 21:3 - BUKUIT NE TILIIL Sireet ne Dutero Kanon

³ ak ileenji emetap Israel, Mwaei Kamuktaindet ne Toroor kole: Keero, aboryenen ak ang'usu rotwennyu po chok, ak aiste eng' inyee chiito ne po iman ak ne ya.

Bukuit Ne Tilil

³ ak ileenji emetap Israel, Mwaei Kamuktaindet ne Toroor kole: Keero, aboryenen ak ang'usu rotwennyu po chok, ak aiste eng' inyee chiito ne po iman ak ne ya.

BUKUIT NE TILIL

³ ak ilenji emetab Israel, Mwaei Jehovah ko u ni kole: Keero, aborienen ak ang’usu rotwennyu bo chok, ak aiste eng’ inye chito ne bo iman ak ne ya.

EZEKIEL 21:3 ပူးပေါင်းရင်းမြစ်များ

Kitabuutap JOB 9:22

Agenge tugul; nooto amwae anyun ale, ng'emei ne ititaat ak ne kiptengekyo.

TIENWOGIKAL 17:13

Ng'eet, ee Kamuktaindet ne Toroor, torookte, wiirchi ng'wony, saru saboondanyu eng' kiptengekyot, eng' rotweng'ung' po chok.

TIENWOGIKAL 80:17

Ingotebee eung'ung' chiitap eung'ung' ne po tai, Eng' weeriitap chii ne ki igimityige.

TIENWOGIKAL 83:15

Oon icheek anyun eng' kipchurchuryeng'ung', Ak imu icheek eng' usooneng'ung' ne kiim.

KOMONG'U 15:9

Ki le puunyoot, Asubi, aname ak apchei che kagiluul, ak kobiyong'e magennyu icheek. Ang'usu rotwennyu po chok, ak kobar eunnyu icheek.

AMDOINDET 9:2

Amu ityin piik tugul tuguuk tugul kogergeit. Ityin kiit agenge chii ne po iman ak kiptengekyot, ityin ne myee ak ne ya, chii ne tiliil ak ne ma tiliil, ityin ne igoitoi korosyot ak ne ma igoitoi korosyot. Ko uu kiit ne uu chiito ne myee, ko uu nooto kiptengekyot; uu ineendet ne iyastos, ineendet ne iywei kayasyoet.

ISAIAH 10:5

Pwo eng' Assyria, kirokto ne po nereegekyuk, kirokto ne po ineendet ne mi nereegekyuk eunnyi!

ISAIAH 34:5

Amu ki koee rotwennyu po chok eng' kipsengwet kot konyi, ogeero, choorchingei Edom, ak choorchingei piik che ki achup, kirwookyi.

ISAIAH 57:1

Pegu che po iman, ama iiti chii; ak kimuti piik che tinyei riirge, ama ibwaati chii kole, kimuti che po iman si ma keer yaityet ne nyoonei.

JEREMIA 17:27

Ago ngot ko mogasa iit otabaan peetuutap sabato, amoip laut age tugul ak obe oriit obun ormariichogap Jerusalem eng' peetuutap sabato; alaal anyun maat eng' ormariichokyik, si kobeel kooriigap laitoryat che po Jerusalem, ama kimisi.

JEREMIA 21:13

Keero, aboryenen, ee inyee ne imenye atebweet, ak ne menyei rwandet ne po warenget, mwaei Kamuktaindet ne Toroor; okweek che omwae ole, Ng'oo ne choorugei kebarge? Anan ng'oo ne nyoonei ole ki menye?

JEREMIA 21:14

Ak abirok ko uu logoegap poisyonikwok, mwaei Kamuktaindet ne Toroor: ak anaam maat eng' osnennyi, ak kobeel tugul che miitei komoswekyik.

JEREMIA 50:31

Keero, aboryenen, inyeendet ne ii menotyo, mwaei Kiptaiyat Kamuktaindet ne Toroor ne po lugoosyek: amu kait peetuung'ung', peetuut ne aityinin pireet.

JEREMIA 51:20

Inyee ko ii aiywennyu ne po pooryeet, ak kariigap lugeet: ak atonatoni pororyosyek eng' inyee; ak abar pounatosyek eng' inyee;

JEREMIA 51:25

Keero, aboryenen, ee inyee tulweet ne ing'emisyei, mwaei Kamuktaindet ne Toroor, ne ng'emei ng'wony komugul: ak achuul eunnyu atokyin, ak amilden eng' rwandosyek, ak ayain iegu tulweet ne ki kolal.

EZEKIEL 13:8

Mwaei anyun Kiptaiyat Kamuktaindet ne Toroor kole: Amu ki omwa eng' tangoita, ak ogeer lembech, ogeer anyun, aboryenok, mwaei Kiptaiyat Kamuktaindet ne Toroor.

EZEKIEL 14:17

Anan ngot aipchi rotwetap chok emonooto, ak ale, Ee rotwoni po chok, ui pun emet; si abar chii ak tyony;

EZEKIEL 14:21

Amu mwaei Kiptaiyat Kamuktaindet ne Toroor kole: Kotam nee anyun ye ayookyi Jerusalem kirwoogutikyuk ang'wan che ng'woneen; rotwetap chok, ak rubeet, ak tyong'ik che yaacheen, ak koroito, si kobar chii ak tyony?

EZEKIEL 21:19

Ee, weeriitap chii, lewenjige kogeny ortinwek aeng', si kobiit konyo rotwetap chok ne po laitoryatap Babilon; punu chooto tuwai emet agenge; ak iaror komosta eng' sireet, iaror eng' tabandap ooreet ne wendi nganaseet.

EZEKIEL 24:9

Mwaei anyun Kiptaiyat Kamuktaindet ne Toroor kole: Pwo! Nganaseet ne po korotiik! Atese kogeny karurugutyet koeet.

EZEKIEL 26:3

mwaei anyun Kiptaiyat Kamuktaindet ne Toroor kole: Keero, aboryenen, ee Tyro, ak agoochini pororyosyek che chaang' kobookyin, ko uu ye igoochin nyanjet peekyik komildagei.

EZEKIEL 29:10

Keer anyun, aboryenen, kobooto ainoosyeguk, ak ayai emetap Misiri koek karaita ne ya ak koguber, kobooch teekseet ne kooi ne po Sebene agoi kiwotetap Kush.

EZEKIEL 5:12

Meei kebeberta agenge eng' somok eng' inyee eng' koroito, ak kigeesu icheek eng' rubeet eng' kwenung'ung'; ak kobek eng' rotwetap chok kebeberta agenge eng' somok, eng' komosweguk tugul; ak aseer kebeberta agenge eng' somok koba koriswek tugul, ak ang'usu rotwetap chok koosup icheek.

EZEKIEL 5:8

mwaei anyun Kiptaiyat Kamuktaindet ne Toroor kole ogeero, aboryenen agane; ak ayai kirwoogutik eng' kwenung'ung' eng' taitap pororyosyek.

ATEPTAP LAWIK 26:25

Aibwok rotwetap chok ne yaakwok mugetuut ne po kayomiset. Ye oyumjigei nganasookwok, ayookwok koroito konyo kweng'wong' ak kindeak eunegap puunikwok.

ATEPTAP LAWIK 26:33

Ak aiyestochok pororyosyek alak, ak ang'usu rotwetap chok kosubok. Koguber anyun emeng'wong', ak koek karotwek nganasookwok.

AMOS 5:6

Ocheeng' Kamuktaindet ne Toroor si osapche, si ma lal ko uu maat eng' kootap Joseph, ak kobeel Bethel kogees, ama piitu chii ne imisi.

AMOS 7:4

Ki iboorwo Kiptaiyat Kamuktaindet ne Toroor ko uu ni: kiguur Kiptaiyat Kamuktaindet ne Toroor maat kobeelisye; ak ki peel rireet ne oo ak konam kobeel emet.

NAHUM 2:13

Keero, aboryenen, mwaei Kamuktaindet ne Toroor ne po lugoosyek, ak abeel kariisyeguk che po lugeet eng' iyeto, ak kobar rotwetap chok ng'etunyiguk che neranik; ageesu eng' ng'wony tyong'iguk che ibare, ama kegasei kogeny kutitap piiguk che kiyooktoi.

NAHUM 3:5

Keero, aboryenen, mwaei Kamuktaindet ne Toroor ne po lugoosyek, ak ang'aanye ngoroiguk kot koit metit; ak aboorchin pororyosyek imi aach ngor, ak aboorchi pounatosyek teweernateng'ung'.

SEPANIA 2:12

Okweek Ethiopik, parok rotwennyu po chok.

SEKARIA 13:7

Ng'eet, ee rotwetap chok, porye mestowondennyu, porye chiito ne ki mi tuwai, mwaei Kamuktaindet ne Toroor ne po lugoosyek: pir mestowot, si koiyesta keechiirek; ak atokyi eunnyu che mengeechen.