EZEKIEL 20:41 - BUKUIT NE TILIIL Sireet ne Dutero Kanon

⁴¹ Ataachok ko uu nyamdutyet ne anyiny, ye amutwok omang'une pororyosyek, ak ayumak omang'une emotinwek ole ki kiseerchok; ak aegu ne itabaanat eng' okweek kogeerei pororyosyek.

Bukuit Ne Tilil

⁴¹ Ataachok ko uu nyamdutyet ne anyiny, ye amutwok omang'une pororyosyek, ak ayumak omang'une emotinwek ole ki kiseerchok; ak aegu ne itabaanat eng' okweek kogeerei pororyosyek.

BUKUIT NE TILIL

⁴¹ Ataachok ko u nyamdutiet ne anyiny, ye amutwok omong’une bororiosiek, ak ayumak omong’une emotinwek ole kigiseerjok; ak aegu ne itabanat eng’ okwek kogeerei bororiosiek.

EZEKIEL 20:41 ပူးပေါင်းရင်းမြစ်များ

TAUNET 8:21

Kingo ng'uuchi `Kamuktaindet ne Toroor anyinyindo kobun kaptisiisyo, kotil ineendet eng' muguleldanyi kole, “Ma achube ng'wony kogeny agobo chii amu yaacheen kabwaatutigap muguleldap chii kobooch koming'in. Ma abare tuguuk tugul che saptos kogeny agoi ko uu ye ki ayai.

2 SAMUEL 24:23

Ee laitoryat, kaigoochi Arauna chuuto tugul laitoryat.” Koleenji kogeny `Arauna laitoryat, “Ingotaachin Kamuktaindet ne Toroor Kamuktaindeng'ung'.”

ISAIAH 5:16

Ago itoroorot Kamuktaindet ne Toroor ne po lugoosyek eng' kirwoogetap imanda, ak Kamuktaindet ne Tiliil koboortoigei kole itabaanat eng' imanda.

JEREMIA 23:3

Ak ayum che ki ng'et che po akweennyu komong' eng' emotinwek tugul ole kigaonji, ak amutu kogeny kobwa piusyekwak; ak koiiyo kotesagis.

JEREMIA 30:18

Mwaei Kamuktaindet ne Toroor kole, ogeero, awale kogeny luuleetap emaisyegap Jakobo, ak ariiree meng'otosyekyik; ak keteech nganaseet karaitanyi, ak kotebi kootap laitoryat ko uu yeginye.

JEREMIA 30:3

Keero, pwoonei peetuusyek, mwaei Kamuktaindet ne Toroor, che awale luuleetap piikyuk Israel ak Judah, mwaei Kamuktaindet ne Toroor: ak agoochi icheek koweek kobwa emet ne ki agoochi kwanisyekwak, ak kobunji.

JEREMIA 32:37

Ogeero, ayumi icheek komong' eng' emotinwek tugul che kigaonji icheek amu nereegekyuk, ak eng' nereegekyuk che ng'woneen, ak eng' nereegek che eecheen, ak amutu icheek kogeny kobwa olito, ak agoochi komeny eng' chametapkei.

EZEKIEL 11:17

Mwaa anyun ile, Mwaei Kiptaiyat Kamuktaindet ne Toroor kole: Ayumok omang'une pororyosyek, ak ayumok omang'une emotinwek ole ki oyestoochi, ak agoonok emetap Israel.

EZEKIEL 20:28

Amu ye kinga muutu icheek kobwa emet, ne ki aitoochi eunnyu agoochi, kogeer tulweet age tugul ne kooi, ak keetit age tugul ne nyigiis, ak ki igoito eng' olooto korosekwak, ak ki igoito eng' olooto kagoochinoikwak che po tagisyet, kibeelei kogeny nyamdutikwak, ak koroong'ji olooto kagoochinoikwak che kieei.

EZEKIEL 28:22

ileenji, mwaei Kiptaiyat Kamuktaindet ne Toroor kole: Keero, aboryenen, ee Sidon; ak kitoroora eng' kwenung'ung': si konai kole aa Kamuktaindet ne Toroor, ye karwookyi ineendet ak aegu ne itabaanat eng' ineendet.

EZEKIEL 28:25

Mwaei Kiptaiyat Kamuktaindet ne Toroor kole: Ye tuun kaayum kootap Israel komang'une pororyosyek ole kiga kiyestoochi, ak aegu ne itabaanat eng' icheek eng' taitap pororyosyek, komeny anyun emennywa ne ki agoochi otwogindennyu Jakobo.

EZEKIEL 34:11

Amu mwaei Kiptaiyat Kamuktaindet ne Toroor kole: Ogeero, anee, aneendet ne acheeng'oti keechiirekyuk, ak asuboti icheek.

EZEKIEL 34:19

Ago amei keechiirekyuk che ki otyech, ak koe che ki oturur eng' keelyekwok.

EZEKIEL 37:25

Ak komeny emet ne ki agoochi Jakobo otwogindennyu, ole ki menyei kwanisyekwok; ak komeny olooto icheeget, kobooto lagokwak, ak lagogap lagokwak, agoi koigeny: ak koek Daudi otwogindennyu, pounindennywa koigeny.

EZEKIEL 38:16

ak obwa obargei ak piikyuk Israel, ko uu pooldet ne tuchei emet; amutun eng' peetuusyek che po let obwa obargei ak emennyu, si kobiit konaa pororyosyek, ye tuun aegu ne itabaanat eng' inyee, ee Gog, eng' tainnywa.

EZEKIEL 38:23

Ak atoroorge, ak atabaangei, ak abartegei eng' taitap pororyosyek che chaang'; si konai icheek kole aa Kamuktaindet ne Toroor.

EZEKIEL 38:8

Kibwonjinin ko kagosiirto peetuusyek che chaang': iite eng' kenyiisyek che po let emet ne ki kiweegune rotwetap chok, ne ki kiweech eng' pororyosyek che chaang', eng' tuloonoogap Israel, ne kiga koguber peetuusyek che chaang': ago ki kiweech komong' eng' pororyosyek ak komeng'iis tugul eng' chametapkei.

EZEKIEL 6:13

Ak onai ole aa Kamuktaindet ne Toroor, ye tuun mi piikwak che kigebar, kobooto kanamonikwak, che mi kapkorosusyekwak komoswekwak tugul eng' tulweet age tugul ne ming'in ne toroor, eng' walisyek tugul che po tuloonook, ak eng' kelutap keetit age tugul ne tuon, ak eng' kelutap keetit age tugul ne nyigiis, ole kibeeljine kanamonikwak tugul nyamdutik.

ATEPTAP LAWIK 1:13

Ago ingoun tuguugap ke ak keelyek eng' peek. Ingogoito tisiindet panyeek tugul ak kobeel eng' kaptisisyet. Niito ko kagoochinet ne kibeelei, kagoochinet ne punei maat, nyamdutyet ne anyiny eng' Kamuktaindet ne Toroor.

ATEPTAP LAWIK 1:17

Yeityo kogereer kopcheune aeng' kebebaikyik amat koobeesyo. Ingobeel tisiindet chooto eng' kaptisisyet eng' kweenik che mi ma. Niito kagoochinet ne kigoitoi kebeel, kagoochinet ne punei maat, nyamdutyet ne anyiny eng' Kamuktaindet ne Toroor.”

ATEPTAP LAWIK 1:9

Ago ingoun eng' peek tuguugap ke kobooto keelyekyik ak kobeel tisiindet kirgooto komugul eng' kaptisisyet. Niito ko tiseiywot ne kibeelei, kagoochinet ne punei maat, nyamdutyet ne anyiny eng' Kamuktaindet ne Toroor.

ATEPTAP LAWIK 10:3

Ki leenji Musa anyun Aron, “Ni kiit ne ki mwa Kamuktaindet ne Toroor kole, ‘Eng' icheek che riikyino aegu ne tiliil, ak eng' taitap piik tugul anyooru toroornatet.’ ” Ak ki siis Aron.

AMOS 9:14

Ak amutu kogeny piikyuk Israel che kiga keluul, ak koteech nganasook che kiga koek karatwek ak komeny olooto; ak komiin mbareenigap sabibuk ak koeei divaigap mbareenichooto; ak kobatis ak koam logoegap mbareenichooto.

KAITOSYEK 20:13

Po peechu Meribah, amu kiboryo `piigap Israel Kamuktaindet ne Toroor, ak ki ibarta tiliilindanyi eng' tainnywa.

LUKA 2:14

Po teegisto Kamuktaindet, eng' ole toroor miising', Ak kaalyeet eng' ng'wony piik che chamaatiin eng' ineendet.

2 KORINTOEK 2:14

Ago kongoi eng' Kamuktaindet, ne imutatech kotugul kibelisye eng' Kristo, ak koboortoi nyamdutyetap naennyi eng' acheek eng' komosta age tugul.

2 KORINTOEK 2:15

Amu kinyamdutyet ne anyiny ne po Kristo eng' Kamuktaindet, eng' icheek che kisaru, ak eng' icheek che lustos;

EPESOEK 5:2

ak obendate chamyet, ko uu ye ki chamaak Kristo agine, ak kogoitogei agobo acheek, koek kagoochinet ak tiseiywot eng' Kamuktaindet ne ng'uu ne nyamdut.

PILIPIK 4:18

Ago atinye tuguuk tugul, ak che siirtoot: aa piyong'ot, amu ki ataach eng' Epaphroditus tuguuk che kibunwok, che po ng'uunet ne nyamdut, korosyot ne taagaksei, ne iboiboi Kamuktaindet.

1 PETERO 3:15

ago ogonyit Kristo koek Kiptaiyat ne tiliil eng' mugulelwekwok: ak oegu che chobootiin kotugul owolji chii tugul ne teebenok ng'olyoo agobo kamang'unet ne miitei eng' okweek, ago eng' talasyet ak kaiyweisyet: