EZEKIEL 20:3 - BUKUIT NE TILIIL Sireet ne Dutero Kanon

³ Weeriitap chii, ng'alaalji poisyegap Israel, ileenji, mwaei Kiptaiyat Kamuktaindet ne Toroor kole, kaobwa oteepsena? Mwaei Kiptaiyat Kamuktaindet ne Toroor kole, ko uu ye asabe, koma chame oteepsena.

Bukuit Ne Tilil

³ Weeriitap chii, ng'alaalji poisyegap Israel, ileenji, mwaei Kiptaiyat Kamuktaindet ne Toroor kole, kaobwa oteepsena? Mwaei Kiptaiyat Kamuktaindet ne Toroor kole, ko uu ye asabe, koma chame oteepsena.

BUKUIT NE TILIL

³ Weritab chi, ng’alalji boisiekab Israel, ilenji, Mwaei Kiptiyat Jehovah ko u ni kole, Kaobwa oteepsena? Mwaei Kiptaiyat Jehovah kole, Ko u ye asobe, ko machame oteepsena.

EZEKIEL 20:3 ပူးပေါင်းရင်းမြစ်များ

KALEWANAIK 15:8

Wechei `Kamuktaindet ne Toroor tiseiywotap kiptengeginik, ago poiboenji saaetap che po iman.

KALEWANAIK 21:27

Kiit ne kiwechei korosyotap kiptengeginik, kotam nee anyun ye ibu korosyondonooto kotinyei kabwaatutik che yaach.

KALEWANAIK 28:9

Kiwechei saaetap ineendet ne eesyoi kogas ng'atuutik.

ISAIAH 1:12

Ye obwa tainnyu osaa, ko ng'oo ne kimagenak kiito, si otyechatyech seremusyekyuk?

ISAIAH 1:15

Ye oiite eunekwok, aung'enok konyekyuk. Agot ye osaa eng' saautik che chaang', koma kase; nyiitaat eunekwok korotiik.

ISAIAH 58:2

Ago cheeng'a peetuut age tugul, ak chamei konai ortinwekyuk: ko uu pororyet ne ki yai imanda, ama meto kirwoogetap Kamuktaindennywa, teebena kirwoogutik che po iman, chamei koriikyi Kamuktaindet.

EZEKIEL 14:1

Yeityo kobwanjo alak che po poisyegap Israel, ak kotep ng'wony eng' tainnyu.

EZEKIEL 20:2

Ak ki nyoonjo ng'olyootap Kamuktaindet ne Toroor, koleenjo,

EZEKIEL 20:31

Ak ye ogoitoi kagoochinoikwok, ye ogoitoi weeriikwok kobun maat, ko tos ma omurwonegei kanamonikwok agoi rani? Ko tos oteepsena, okweek kootap Israel? Mwaei Kiptaiyat Kamuktaindet ne Toroor kole, ko uu ye asabe, koma achame oteepsena:

EZEKIEL 33:30

Ee, inyee weeriitap chii, ng'alaali agobo inyee lagogap piiguk eng' ole neegitee irimoik, ak eng' kurgotigap kooriik, ak kong'alaaljin `age age, ng'alaaljin chii tugul tupchennyi, koleenjin, Asoomin ale, nyoo keebe kegas ng'olyoot ne punu Kamuktaindet ne Toroor.

AMOS 8:12

Ak koombeniot kong'etee nyanjet age agoi nyanjet age, ak kong'etee murot kaataam agoi kong'asiis. Tuun rwaati kobendi komosi ak komosi kocheeng'oti ng'olyootap Kamuktaindet ne Toroor, ama tuun nyooru.

MIKAH 3:7

Ak kolilaanso keerik, ak kotoptobenso piik che ng'oorsei; ak kagonamgei kuut tugul, amu ma mi waluunet ne punu Kamuktaindet.

MATAYO 3:7

Ago ye kingo keer che chaang' che po Pharisaik ak Sadukaik kobwonjin kabatisanennyi, koleenji, “Lagochu po erenook, ng'oo ne ki iteiywok omwee piruutyet ne nyoonei?

LUKA 3:7

Ki mwachi anyun tuiyosyek che kibendi ole mi ineendet, si kobatisan, koleenji, “Ee okweek lagogap erenook che tinye ng'wonet, ng'oo ne kagoteeiywok omweune nereeknateet ne tuun nyoonei?

JOHANA 4:24

Kamuktaindet ko kabuuset: ak kanyool kosa ineendet eng' kabuuset ak imanit che saaei ineendet.

1 SAMUEL 28:6

Ye kingo leen koteebe `Saulo Kamuktaindet ne Toroor, koma kowolji `Kamuktaindet ne Toroor eng' karwotitaosyek anan eng' Urim, anan eng' maotik.