EZEKIEL 20:12 - BUKUIT NE TILIIL Sireet ne Dutero Kanon

¹² Ki agoochi icheek kogeny sabatosyekyuk ak icheek, koek kaboorunet eng' kwenunnyu, anee ak icheek, si kobiit konai kole aa Kamuktaindet ne Toroor ne atabaani icheek.

Bukuit Ne Tilil

¹² Ki agoochi icheek kogeny sabatosyekyuk ak icheek, koek kaboorunet eng' kwenunnyu, anee ak icheek, si kobiit konai kole aa Kamuktaindet ne Toroor ne atabaani icheek.

BUKUIT NE TILIL

¹² Kiagochi ichek kogeny sabatosiekyuk agichek, koek kaborunet eng’ kwenunnyu, ane ak ichek, si kobiit konai kole a Jehovah ne atabani ichek.

EZEKIEL 20:12 ပူးပေါင်းရင်းမြစ်များ

TAUNET 2:3

Ki iberuur anyun Kamuktaindet peetuutap tisap ak kotabaan, amu ki imuuny eng' peetuunooto eng' poisyonikyik tugul che ki toi Kamuktaindet koyai.

NEEMIA 9:14

Ki iboorchi icheek konai sabatoing'ung' ne tiliil ak ing'atyi icheek ng'atuutik ak katigonutik ak Ng'atuutyet, eng' eutap Musa otwogindeng'ung',

KOMONG'U 16:29

Onai ole kagoonok anee Kamuktaindet ne Toroor sabato; eng' nooto anyun agoonok amitwogik eng' peetuutap lo che yamei peetuusyek aeng'; ingotebee chii tugul oldanyi, amat kwo ui eng' peetuutap tisap.”

KOMONG'U 35:2

Kiyaei poisyet peetuusyek lo, ago peetuutap tisap koegu peetuut ne itabaanat eng' okweek, sabato ne po kamuung'et ne tiliil eng' Kamuktaindet ne Toroor. Kibarei chii age tugul ne yaei poisyet peetuunooto.

ISAIAH 56:2

Iberuurot ne yaei chuuto, ak weeriitap chii ne namei chuuto miising' ne riibei sabato ama imurwoni, ne riibei eunnyi si ma yai yaityet age tugul.

JEREMIA 17:22

anan oip lautik eng' kooriikwok eng' peetuutap sabato, amoyai poisyo age tugul: ago otabaan peetuutap sabato, ko uu ye ki ang'at kwanisyekwok;

EZEKIEL 20:20

ak otabaan sabatosyekyuk; si koek kaboorunet eng' kwenunnyo, anee ak okweek, si kobiit onai ole aa Kamuktaindet ne Toroor Kamuktaindeng'wong'.

EZEKIEL 20:26

ak ki amurwon icheek eng' konunoikwak icheegei, amu ki igoito lagok tugul che yaatei iyoteet kobun maat, si kobiit agoochi icheek kobononso, si konai kole aa Kamuktaindet ne Toroor.

EZEKIEL 37:28

Ak konai pororyosyek kole aa Kamuktaindet ne Toroor ne atabaani Israel, ye tuun tebee oldanyu ne tiliil kwenunnywa koigeny.

EZEKIEL 44:24

Ak korwookyi che ibeligei; korwookyi ko uu kirwoogutikyuk: ak koriip ng'atuutikyuk ak kaneetisyosyekyuk eng' igoorwekyuk tugul che ki king'at; ak kotabaan sabatosyekyuk.

ATEPTAP LAWIK 20:8

Oriip ng'atuutikyuk ak oyai. Aa Kamuktaindet ne Toroor ne atabaanok.

ATEPTAP LAWIK 21:15

amat konyerat iyotennyi eng' piikyik. Amu aa Kamuktaindet ne Toroor ne atiliilii ineendet.”

ATEPTAP LAWIK 21:23

Ago ma wendi ineendet angeet oriit ne ki kioiye koot, anan koriikyi kapkorosuut, amu ma libwoop; si mat komurwon oldinwekyuk che tiliileen, amu anee Kamuktaindet ne Toroor ne atabaani oldinwechooto.”

ATEPTAP LAWIK 21:8

Itiliil ineendet anyun amu nooto, amu ineendet ne igoitoi amitwogigap Kamuktaindeng'ung'; ingotiliilit anyun ineendet eng' inyee, amu anee Kamuktaindet ne Toroor ne atiliilok, ko aa tiliil.

ATEPTAP LAWIK 23:24

“Mwachi piigap Israel leenjin, Egu kamuung'et eng' okweek, peetuut ne po tai eng' arawetap tisap, kabwaatet ne po kuutetap iryagook, kayumetapkei ne itabaanat.

ATEPTAP LAWIK 23:3

Kiyaei poisyet peetuusyek lo, ago peetuutap tisap ko sabato ne kimuung'e; kayumetapkei ne itabaanat. Amat oyai poisyo age tugul, nooto ko sabato eng' Kamuktaindet ne Toroor eng' meng'otosyekwok tugul.

ATEPTAP LAWIK 23:32

Egu sabato ne po kamuung'et eng' okweek ak oming'inge. Oriip sabato neng'wong' peetuut ne po sogool ne po arawet, kobooch koskoleny agoi koskoleny.”

ATEPTAP LAWIK 23:39

“Ago ye kaoyum ruroteetap emet eng' peetuutap taman ak muut, ne po arawetap tisap, oriip koek igoortap Kamuktaindet ne Toroor eng' peetuusyek tisap. Kitere kamuung'et eng' peetuut ne po tai ak kitere kamuung'et eng' peetuut ne po sisiit.

ATEPTAP LAWIK 25:4

ago egu sabato eng' kenyiit ne po tisap ne imuunyi emet, sabato ne po Kamuktaindet ne Toroor. Amat igol mbareeng'ung' ne po sabibuk anan isabor keetiigap logoeguk.

KOLOSAIK 2:16

Nooto anyun amat korwokwok chii age tugul agobo amitwogik, anan agobo che kieei, anan agobo peetuutap igoorto anan agobo arawet ne kaleel anan peetuutap sabato:

1 THESSALONIKEK 5:23

Ak ingotabaanak eng' katabaanet ne nyiitaat Kamuktaindet ne po kaalyeet; ak ingoriiboogis komyee mugulelwekwok ak saboonwekwok ak poorwekwok, ko motinye kiy ne kimuuchi kirwoogunenok eng' nyonunetap Kiptaiyandennyo Jeso Kristo.

JUDA 1:1

Judah, otwogindetap Jeso Kristo, ak ko tupchetap Jakobo, asirchini che ki keguur, che chamaatiin eng' Kamuktaindet Kwanda, ak ko riibootin agobo Jeso Kristo: