EZEKIEL 2:6 - BUKUIT NE TILIIL Sireet ne Dutero Kanon

⁶ Meiywei icheek anyun inyee, weeriitap chii, anan iywei ng'aleekwak. Meiywei agot ngo yiemin katook che rutei piich ak che toorei piich ak imenye kwenutap tagolik. Meiywei ng'aleekwak anan itoptoben eng' togoochikwak, agot nganda koot ne ngelelyot.

Bukuit Ne Tilil

⁶ Meiywei icheek anyun inyee, weeriitap chii, anan iywei ng'aleekwak. Meiywei agot ngo yiemin katook che rutei piich ak che toorei piich ak imenye kwenutap tagolik. Meiywei ng'aleekwak anan itoptoben eng' togoochikwak, agot nganda koot ne ngelelyot.

BUKUIT NE TILIL

⁶ Ameiywei ichek anyun inye, weritab chi, anan iywei ng’alekwak, agot ngo mi koboten katablelinik ak katok, ak imenye kwenutab tagolik: ameiywei ng’alekwak, anan itoptoben eng’ togochikwak, agot nganda got ne ngeleliot.

EZEKIEL 2:6 ပူးပေါင်းရင်းမြစ်များ

2 LAITORINIK 1:15

Ki leenji `malaikaiyatap Kamuktaindet ne Toroor Elijah, “Orektee tuwai ak ineendet; amat iywei ineendet.” Ara king'eet korekta tuwai ak ineendet agoi ole mi laitoryat.

ISAIAH 51:12

Anee, aneendet ne agoigook: ii ng'oo, kot iywei chiito ne meei, ak iywei weeriitap chii ne kiyaei koek suswot;

ISAIAH 51:7

Oepcha iit, okweek che ongen imanda, piik che mi ng'atuutyennyu mugulelwekwak: amoiywei chotisyetap piik, amoaragense amu churisyosyekwak.

ISAIAH 9:18

Amu lalei yaityet ko uu maat, igeesu katook che rutei piich ak che toorei piich: lalei eng' timiin ne oo, ak koiyen iyeto ne oo ne uu poolik che nyigiisen.

JEREMIA 1:17

Kermenge anyun, yetyo ing'eet ak imwachi icheek tuguuk tugul che ang'atiin. Ametoptoben amu icheek, si ma koonin itoptoben eng' tainnywa.

JEREMIA 1:8

Meiywei icheek, amu ami kobooten ak asaruun, mwaei Kamuktaindet ne Toroor.

JEREMIA 18:18

Ki mwa anyun kole, obwa kechop kiit ne kiitoi Jeremiah; amu ma petei ng'atuutyet eng' tisiindet, ama petei kirwooget eng' chiito ne utaat, ama petei ng'olyoot eng' maotyot. Obwa, kebire ng'elyepta, amat ongeepchi iit agot ng'olyoot agenge eng' ng'aleekyik.

JEREMIA 6:28

Ngelelik icheek tugul che yaacheen, che pendi komosi ak komosi kochaamsoti, uueen icheeget ko uu sugunwet ak karnet, yaei tugul ng'emisyet.

EZEKIEL 24:3

Ak imwachi kalewenet koot ne ngelelyot, ileenji, mwaei Kiptaiyat Kamuktaindet ne Toroor kole kotkot tereet, kotkot, ak roong'ji peek:

EZEKIEL 28:24

Eng' kootap Israel koma kobiitu kogeny eng' komoswekwak tugul che sasei icheek ko uu kateet ne rutei ak kotoorei piich, anan kateet ne ng'waan. Ak konai icheek kole aa Kiptaiyat Kamuktaindet ne Toroor.

MIKAH 3:8

Ago kanyiia iman kimnateet eng' Kabuusetap Kamuktaindet ne Toroor, ak eng' kirwooget, ak eng' kamuget, si kobiit amwachi Jakobo pistoennyi, ak amwachi Israel tengektanyi.

MIKAH 7:4

Ne myee eng' icheek ko uu kateet ne rutei piich: ne litit miising' eng' icheek ko ya kosiir ng'ootweetap katook: kagoit peetuutap riibiguk, peetuut ne kiityinin pireet; egu anyun kaiimennywa pogei.

MATAYO 10:28

Amoiywei icheek che parei poorto ago ma imuuchi kobar saboondo; ago kaigai oiywei ineendet ne imuuchi kong'em saboondo kobooto poorto eng' Gehenna.

LUKA 10:19

Ogeero, kaagoonok kamuget si kobiit otyech erenook ak melmelwek, ak oterter kimnateet tugul ne po puunyoot; ak ma mi kiy ne imuuchi kong'emak.

LUKA 11:12

Anan ngo soom koitap ingok, ko tos igoochi melmeldo?

LUKA 12:4

Ak amwaiwok choronokyuk ale, Amoiywei che parei poorto, yeityo ko mata komuuch koyai kiy age.

POISYONIGAP CHE KIYOKTOI 4:13

Kingo keer `icheek nyiganatetap Petero ak Johana, ak konai kole piich che ma ineetatin ama che taagunotiin, kokwong'yo ak konai kole ki cham komi kobooto Jeso.

POISYONIGAP CHE KIYOKTOI 4:19

Ago ki wolji `Petero ak `Johana icheek koleenji, “Orwooch okweek ngot ngo myee eng' taitap Kamuktaindet kegasak iit kosiir Kamuktaindet.

POISYONIGAP CHE KIYOKTOI 4:29

Ak nguno anyun, Kiptaiyat, keer kertaennywa po kong': ak igoochi otwogiguk komwa ng'olyoondeng'ung' eng' nyiganateet tugul,

EPESOEK 6:19

Ak agobo anee, si kobiit kegoono tweguunet, ayaat kutinnyu, abarta eng' nyiganateet ung'ootyet ne po logoiywek che myach,

PILIPIK 1:28

amat komuok puunik eng' kiy age tugul: nooto kaboorunet ne tagunoot ne po luseet eng' icheek, ago po yetuneng'wong', ak punu nooto Kamuktaindet;

2 TIMOTEO 1:7

Amu ki ma koonech Kamuktaindet muguleldap nyogoryet, ago ne po kamuget ak chamyet ak riibetapkei.

HEBRANIK 11:27

Ki pagaakta Misiri eng' kayaneet, amaiywei nereegegap laitoryat: amu kimuita, ko uu ye keerei ineendet ne ma taagu.

1 PETERO 3:14

Ago ngot onyalili agobo imanda, ko oo poiboen: amoiywei kamuisennywa, anan oiimge:

NG'ANG'UTYET 9:10

Ak kotinyei katutaik ak katook che uu che po melmelwek, ak mi kimnateennywa katutaikwak ne inyaliile piik eng' arawek muut.