EZEKIEL 2:4 - BUKUIT NE TILIIL Sireet ne Dutero Kanon

⁴ Ak ma tinye kalilanet lagok ak ko uueen mugulelwekwak. Kayookten iwe ye mi pichooto, ak ileenji icheek, mwaei Kiptaiyat Kamuktaindet ne Toroor ko uu niito.

Bukuit Ne Tilil

⁴ Ak ma tinye kalilanet lagok ak ko uueen mugulelwekwak. Kayookten iwe ye mi pichooto, ak ileenji icheek, mwaei Kiptaiyat Kamuktaindet ne Toroor ko uu niito.

BUKUIT NE TILIL

⁴ Ak matinye kalilanet lagok ak ko uuen mugulelwekwak; kayokten iwe oldab bichoto: ak ilenji ichek, Mwaei Kiptaiyat Jehovah ko u nito.

EZEKIEL 2:4 ပူးပေါင်းရင်းမြစ်များ

1 LAITORINIK 22:14

Ago ki le Mikaia, “Ko uu ye sabei Kamuktaindet ne Toroor, ko ki it ne mwaiwo Kamuktaindet ne Toroor, amwae nooto.”

2 ATEPTAP PEETUUSYEK 30:8

Amoegu anyun che uui kaat, ko uu ye ki uu kwanisyekwok; ago ogoochigei Kamuktaindet ne Toroor, ak obe oldanyi ole-tiliil, ne ki kotabaan kobunji koigeny. Oboisyechi Kamuktaindet ne Toroor Kamuktaindeng'wong', si koistoenogei nereegekyik che koroomen.

2 ATEPTAP PEETUUSYEK 36:13

Ak ki ingelelji kogeny Laitoryat Nebukadnezar, ne ki kabirchi koyasyo eng' Kamuktaindet: ago ki iuit kaatinnyi ak muguleldanyi, ma weekyigei Kamuktaindet ne Toroor, Kamuktaindetap Israel.

TIENWOGIKAL 95:8

Amat ouiit mugulelwekwok, ko uu eng' Meribah, Ko uu eng' peetuutap Massah eng' surkwen:

KALEWANAIK 21:29

Iuuiiti togeennyi chiito ne ya, ago chobei ortinwekyik chiito ne po iman.

ISAIAH 48:4

Amu ki anai ale uin met, po karnet kaating'ung', po sugunwet togeng'ung';

JEREMIA 1:7

Ago ki leenjo `Kamuktaindet ne Toroor, “Amele, Aa lakwa; amu iwendi ye mi piik alak tugul che ayooktochinin, ak imwae kiit age tugul ne ang'atiin.”

JEREMIA 3:3

Kigeger anyun ropta amu nooto, si mata kobiit ropta ne po let, ago itinye togeetap chepkugoniot ak ieesyoi ililan.

JEREMIA 36:21

Koyookto anyun laitoryat Jeudi kwo koip bukuit: ak ki inem eng' koot ne po oriit ne po Elisama siriindet. Ak kisooman Jeudi kogas laitoryat, ak kogas pounik tugul che kitonondos eng' ole neegitee laitoryat.

JEREMIA 5:3

Ee Kamuktaindet ne Toroor, tos ma keerei konyeguk imanit? Ki ibir icheek, ago ma aragenso, ki igeesu icheek, ago ki eesyo kotaach katigonet. Ki iuit icheek togoochikwak kosiir rwandet, ki eesyo koweekyingei.

JEREMIA 6:15

Tos ki ililanso ye kingo yai tuguuk che kiwechei? Achicha, ma ililanso agot kitigin, ama walogis togoochikwak. Ibutos anyun kobooto icheeget che ibutos, tuun ki wiirtoi eng' peetuut ne anyoonjini icheek abire, mwaei Kamuktaindet ne Toroor.

JEREMIA 8:12

Tos ki ililanso ye kingo yai tuguuk che kiwechei? Achicha, ma ililanso agot kitigin, ama walogis togoochikwak. Tuun ibutos anyun icheeget kobooto chooto ki ibutyo. Tuun ki wiirtoi icheek eng' peetuut ne kibirei, mwaei Kamuktaindet ne Toroor.”

EZEKIEL 3:11

Yeityo iwe ole mi che ki kiluul, agoi kaplagogap piiguk, ak ing'alaalji icheek, ileenji, “Mwaei ko uu ni Kiptaiyat Kamuktaindet ne Toroor”; agot ngo kas anan ko ngo ma kas.

EZEKIEL 3:27

Ak ye ang'alaalun ayaate kuting'ung', ak ileenji icheek, Mwaei Kiptaiyat Kamuktaindet ne Toroor kole, ingogas ineendet ne kasei; ak ingoesyo ineendet ne eesyoi: amu icheeget ko koot ne ngelelyot.

EZEKIEL 3:4

Ak ki leenjo, Weeriitap chii, ui kootap Israel ak imwachi icheek ng'aleekyuk.

EZEKIEL 3:7

Ago ma kasin kootap Israel; amu ma machei icheek kogasa; amu uueen metowo ago uueen mugulelwok koot tugul ne po Israel.

AMOS 7:15

Ki kuura Kamuktaindet ne Toroor ayagisyei, ak ki leenjo Kamuktaindet ne Toroor, ‘Ui maotenji piikyuk Israel.’

SEKARIA 7:12

Ee, ki iuit mugulelwekwak koigei kibargoiyet, si ma kas ng'atuutyet, ak ng'aleek che kiga koyook Kamuktaindet ne Toroor ne po lugoosyek eng' Kabuusennyi ne Tiliil eng' eunegap maotik che po tai: ki mong' anyun nereegek che eecheen kobunu Kamuktaindet ne Toroor ne po lugoosyek, amu nooto.

MATAYO 10:16

“Ogeero, ayooktook ko uu keechiirek eng' kwenutap suik; nooto anyun oegu che utaateen ko uu erenook, ak otalaitu ko uu cheptugenik.

NG'ATUTIK 10:16

Omuratan mugulelwekwok anyun, amoegu piich che uueen metowoi.

NG'ATUTIK 31:27

Amu angen ngelelnateng'ung' ak uuindap kaating'ung'. Ogeero, kongelelji Kamuktaindet ne Toroor kota asabe ami kobootok peetuuni. Oyae anyun ne tya ye kaamei?