EZEKIEL 19:12 - BUKUIT NE TILIIL Sireet ne Dutero Kanon

¹² Ago ki kitut eng' nereegek che ng'woneen, ki kiwiirta kwo ng'wony, ki yaamyo logoekyik eng' usoonetap kong'asiis: ki kiiri keetiikyik che kiimeen ak koresyo; kilalyo kogeskei eng' ma.

Bukuit Ne Tilil

¹² Ago ki kitut eng' nereegek che ng'woneen, ki kiwiirta kwo ng'wony, ki yaamyo logoekyik eng' usoonetap kong'asiis: ki kiiri keetiikyik che kiimeen ak koresyo; kilalyo kogeskei eng' ma.

BUKUIT NE TILIL

¹² Ago kigitut eng’ neregek che ng’wonen, kigiwirta kwo ng’ony, kiyaamnyo logoekyik eng’ usonetab kong’asis: kigiiri ketikyik che kimen ak koresyo; kilalyo kogesgei eng’ ma.

EZEKIEL 19:12 ပူးပေါင်းရင်းမြစ်များ

2 LAITORINIK 23:29

Ki togosta Pharaoh-neko laitoryatap Misiri eng' peetuusyegap Josiah kobookyi laitoryatap Assyria, eng' aineetap Yufrets. Ki wo Laitoryat Josiah kwo kobargei ak ineendet; ak ki par laitoryandanooto Josiah eng' Megiddo, ye kingo keer ineendet.

2 LAITORINIK 23:34

Ki yai `Pharaoh-neko Eliakim weeriitap Josiah koek laitoryat kogeer Josiah kwandanyi, ak ki wal kainennyi koek Jehoiakim. Ago ki imut Jehoahas koisto ak ki nyo Misiri, ak ki nyo kome eng' olooto.

2 LAITORINIK 24:6

Koru anyun Jehoiakim kobooto kwanisyekyik. Ak ki laitoran Jehoiakin weeriinnyi kogeer ineendet.

TIENWOGIKAL 52:5

Ng'emin Kamuktaindet ko uu nooto koigeny, istoin, ak kong'usun eng' meng'ooteng'ung', ak kotutin eng' emetap che saptos.

TIENWOGIKAL 80:16

Kigebeel eng' maat, ak kigeep: Lustos eng' kereetap kong' ne po togeng'ung'.

ISAIAH 27:11

Ye kagoresyo mooriikyik, koilyo; pwoonei kwonyiik ak kobeel. Amu pororyot ne ma tinyei kaguiyet; nooto anyun ma riiree icheek `ineendet ne kiyai, ama tiytiy icheek `ineendet ne kimimii.

ISAIAH 27:8

Ki oborye ak ineendet ne yamei, ye ki ioone; ki isto ineendet eng' usoonennyi ne ng'waan eng' peetuutap usoonetap kong'asiis.

JEREMIA 22:30

Mwaei Kamuktaindet ne Toroor kole, osir chiichi ole ma tinyei lakwa, chiito ne maborei eng' peetuusyekyik: amu maborei chii ne po iyotennyi, ne tebee ng'echereetap laitornatet ne po Daudi, ak koboi kogeny eng' Judah.

JEREMIA 31:28

Ak ko uu ye ki ariip icheek si kobiit atut ak agabui ak ang'em, ak anyaliil, ariibe anyun icheek ko uu nooto si kobiit ateech ak amin, mwaei Kamuktaindet ne Toroor.

RIREKAB JEREMIA 2:1

Kalya si kotuge Kiptaiyat cheptap Zion pooldet eng' nereegekyik! Ki kotim karaaranindap Israel eng' kipsengwet konyo ng'wony, amata kobwaat ng'echereetap keelyekyik eng' peetuutap nereegekyik.

EZEKIEL 15:2

Ee weeriitap chii, siirei eng' nee keetitap sabibuk keetit age tugul, anan temetap keetitap sabibuk ne mi kwenutap keetiigap timiin?

EZEKIEL 15:4

Ogeero, ki wiirchin ma koek kweenik: peelei maat tabanwek tuwai kobooto kwenut; tos tinyei keluno eng' poisyo age tugul?

EZEKIEL 17:10

Ee, ogeero, tos myeeitu ye kagemin? Tos maresei tugul, ye usyi usoonetap kong'asiis? Resei eng' kererchosyek ole kibiitee.

EZEKIEL 19:11

Ak ki tinyei keetiik che kiimeen che po kirokweegap icheek che pounisyei, ak ki kieet kogoit eng' kwenutap mooriik che nyigiisen, ak ki took eng' koindonywa kobooto chaang'indap mooriikwak.

EZEKIEL 28:17

Ki itoroorge eng' muguleldang'ung' amu karaaranindang'ung', ki ing'em utaatyeng'ung' amu kakweng'eng'ung': kaawiirchin ng'wony kaandein taitap laitorinik, si kobiit kogeerin.

HOSEA 13:15

Agot ngo nyoor perurto ineendet eng' kwenutap tupchosyekyik, konyonei usoonetap kong'asiis, togosu kabuusetap Kamuktaindet ne Toroor eng' surkwen, ak koteeny kondanyi ne po peek, ak koteeny kondametunnyi: luulei konorwetap tuguukyik tugul.

JONAH 4:8

Ak kingo chor asiista kochop Kamuktaindet usoonet ne punu kong'asiis ne imelisyei; ak ki peel asiista metitap Jona kot kotanui ak kisoomjigei kole kome. Ak ki le, “Kaigai eng' anee ame kosiir asap.”

MATAYO 3:10

Agot nguno ko kagiting'e aiywet tigitigap keetiik; kiebei keetit age tugul ne ma iyei logoek che myach ak kewiirchi ma.

JOHANA 15:6

Ngo ma menya chii, kewiirtoi ineendet ko uu temetap keetit, si koyaam; ak koyum piik, ak kowiirchi ma, ak kolalyo.

NG'ATUTIK 29:28

Ki itut `Kamuktaindet ne Toroor icheek komong' eng' emennywa eng' nereegek, eng' nyitatet ak eng' ng'wanindo ak koonji emet age ko uu rani.’ ”

NG'ATUTIK 32:22

Amu kalal maat ne po nereegekyuk, ak lalei agoi keriinget ne loo miising', si kobeel ng'wony kobooto ruratennyi, ak kobeel ole tonone tuloonook.