EZEKIEL 19:11 - BUKUIT NE TILIIL Sireet ne Dutero Kanon

¹¹ Ak ki tinyei keetiik che kiimeen che po kirokweegap icheek che pounisyei, ak ki kieet kogoit eng' kwenutap mooriik che nyigiisen, ak ki took eng' koindonywa kobooto chaang'indap mooriikwak.

Bukuit Ne Tilil

¹¹ Ak ki tinyei keetiik che kiimeen che po kirokweegap icheek che pounisyei, ak ki kieet kogoit eng' kwenutap mooriik che nyigiisen, ak ki took eng' koindonywa kobooto chaang'indap mooriikwak.

BUKUIT NE TILIL

¹¹ Ak kitinyei ketik che kimen che bo siarisiekab ichek che bounisiei, ak kigieet kogoit eng’ kwenutab temenik che nyigisen, ak kitook eng’ koindanywa koboto chang’indab temenikwak.

EZEKIEL 19:11 ပူးပေါင်းရင်းမြစ်များ

TAUNET 49:10

Ma istoegei Judah kirokto ne po pounateet, ak ma petei ne igoitoi ng'atuutik eng' iyotennyi, agoi koit Shiloh; ak kase iit piik tugul ineendet.

1 LAITORINIK 5:1

Ki iyookto Hiram laitoryatap Tyro otwogikyik koba kap Solomon, ye kingo kagogas keele ki kiil ineendet koek laitoryat kogeer kwandanyi ak amu ki chamei Hiram Daudi eng' peetuusyek tugul.

EZRAH 4:20

Ki miitei kogeny laitorinik che ki kiimeen che ki pou Jerusalem che ki pou emet tugul ne mi aineet pitoniin ak ki kigoochin konunoik, kodi, ak aisuruutap tuguuk.

EZRAH 5:11

Ak kiwolwech anyun, kole, “Ki otwogigap Kamuktaindetap kipsengwet ak ng'wony, ak kiteeche kogeny koot ne kiga keteech eng' kenyisyechu chaang' ki kosiirto ne kiteechei laitoryat ne oo ne po Israel ak kogees.

TIENWOGIKAL 110:2

Iyooktoi Kamuktaindet ne Toroor kirokto ne po kimnateng'ung' eng' Zion. Pou inyee eng' kwenutap puuniguk.

TIENWOGIKAL 80:15

Ak keetit ne ki imiine eung'ung' ne po tai, Ak temeet ne ki igimityige.

TIENWOGIKAL 80:17

Ingotebee eung'ung' chiitap eung'ung' ne po tai, Eng' weeriitap chii ne ki igimityige.

ISAIAH 11:1

Mang'une `mornet ooreetap Jesse, ak kooi logoek `mornanooto pitunee tigitikyik.

EZEKIEL 19:12

Ago ki kitut eng' nereegek che ng'woneen, ki kiwiirta kwo ng'wony, ki yaamyo logoekyik eng' usoonetap kong'asiis: ki kiiri keetiikyik che kiimeen ak koresyo; kilalyo kogeskei eng' ma.

EZEKIEL 19:14

Ak kagomisok maat eng' keetiigap mooriikyik, kogobeel maat logoekyik, kot koma kotinyei keetit ne kiim ne egu kirokto ne po pounateet. Po niito riirek, ak egu riirek.

EZEKIEL 21:10

kagelit si kobiit kobaris; kagesit si kobiit koigei kalyeleet: tos kiboiboitu anyun? Kirokto ne po weeriinnyu ne sasei keetit age tugul.

EZEKIEL 21:13

Amu mi tyemisyet; egu nee anyun ngot koma komi kirokto ne sasisyei? Mwaei Kiptaiyat Kamuktaindet ne Toroor.

EZEKIEL 31:3

Keero, kitarakwet Assyrianindet eng' Lebanon ne tinyei mooriik che korooron, kisamum, ak ko kooi; ak ki itei walinnyi poolik.

ATEPTAP LAWIK 23:40

Obutyigei eng' peetuut ne po tai logoegap keetiik che korooron, mooriigap tiironigap sosik ak mooriigap keetiik che nyigiisen, ak keetiik che piityee kereruusyek, ak oboiboitu eng' taitap Kamuktaindet ne Toroor Kamuktaindeng'wong' eng' peetuusyek tisap.

KAITOSYEK 24:17

Ageere ineendet, ago ma nguno; ageere, ago ma neegit. Tuun mang'une taboiyat Jakobo, ak ng'eetei kirokto ne po pounateet eng' Israel. Ak kokwer luukwegap Moab kogees, ak kotui weeriik tugul che po icheeget che wasegei.