EZEKIEL 18:8 - BUKUIT NE TILIIL Sireet ne Dutero Kanon

⁸ ineendet ne tomo kogoito tuguuk si konyoorunee kelunet ne siirtoot, ama ibei che tesatiin, ne kigoistoe eunnyi tengekto, ne ki koyai kirwooget ne po iman eng' kwenutap piik,

Bukuit Ne Tilil

⁸ ineendet ne tomo kogoito tuguuk si konyoorunee kelunet ne siirtoot, ama ibei che tesatiin, ne kigoistoe eunnyi tengekto, ne ki koyai kirwooget ne po iman eng' kwenutap piik,

BUKUIT NE TILIL

⁸ inendet ne tom kogoito tuguk si konyorune kelunet ne siirtoot, ama ibei che tesotin, ne kigoistoe eunnyi tengekto, ne kigoyai kiruoget ne bo iman eng’ kwenutab bik,

EZEKIEL 18:8 ပူးပေါင်းရင်းမြစ်များ

2 SAMUEL 22:24

Ki aititaat agane eng' tainnyi, ak ki ariipkei si ma nama tengekto.

NEEMIA 5:15

Ago ki igoochi mileet piik pounik che po tai che ki indounena, ak ki ibe icheek magatiinik ak divaik, koma pooto shekelisyek artam che po fedha; ee, kiboi agot otwogikwak piik: ago ki ma ayai anyun ko uu nooto, amu kaiyweisyet ne aiywei Kamuktaindet.

TIENWOGIKAL 15:5

ne ma pesendoi fedhaisyekyik si kosige che siirtoot, ama taachei tuguugap kagoigoisyet agobo ne ma tinyei tengek. Ineendet ne yaei tuguuchuuto, koma ki istoi agoi.

KOMONG'U 22:25

“Ngi pesenji piikyuk robiinik, che kibananook che mi kobooten, komat iyaach amemage icheek keljinet.

KALEWANAIK 28:8

Ineendet ne tesei tuguukyik eng' keljinet ne siirei ne nyolu, eng' tuguuk che tesoksei, koyumjin chooto ineendet ne riiree kibananook.

ISAIAH 1:17

oneetkei oyai ne myee! Ocheeng' kirwooget, otoret che kisastoe, obesyechi ng'aleek ne ma tinyei sigiik, ong'alaaldochi mosoget.

ISAIAH 33:15

Ineendet ne wendote imanda ak kong'alaali che lititen, ineendet ne sasei kelunetap sastaet, ne ma namei asoya, ne timei itiikyik si ma kas agobo korotiik, ak ne tuchei konyekyik si ma keer yaityet,

JEREMIA 15:10

Pwo eng' anee, ee kamennyu, amu kisicha aek chii ne po pooryeet, ne ibeligei ak ng'wony komugul! Tom abesende si anyoor keljinet ne siirei, ak kotomo kobesendaiwo piik, si konyoor keljinet ne siirei; ago chubo age tugul eng' icheek.

EZEKIEL 11:12

ak onai ole aa Kamuktaindet ne Toroor: amu ma obendate ng'atuutikyuk, ama oyai kirwoogutikyuk, ago ki osup kirwoogutigap pororyosyek che mi komoswekwok.

EZEKIEL 18:13

ne ki kogoito tuguuk si konyoorunee kelunet ne siirtoot, ak koip che tesatiin: tos sap chiichooto iman? Ma sabei: ki koyai tuguuchuuto tugul kiwechei: meei iman; tebee ineendet korotiikyik.

EZEKIEL 18:17

ne kigoisto eunnyi si ma twa kibananiat, ne tomo kotaach kelunet ne siirtoot anan che tesatiin, ne ki koyai kirwoogutikyuk, ne ki kowendote ng'atuutikyuk; koma meei chiichooto amu ng'oogistap kwandanyi, sabei iman.

EZEKIEL 22:12

Kigotaach icheek eng' inyee asoya si kotumda korotiik; ki ip kelunet ne siirtoot ak che tesatiin, ak ki inyooru poroteet eng' keiyandit amu ki isastae piigap kokweng'ung', ak ki iutyeno, mwaei Kiptaiyat Kamuktaindet ne Toroor.

ATEPTAP LAWIK 19:15

“Amat oyai ne ma po iman eng' kirwooget; ametiytiy kibananook anan igonyit che eecheen; ago irwookyi chiitap kokweng'ung' eng' imanda.

ATEPTAP LAWIK 19:35

“Amoyai ne ma po iman eng' kirwooget anan ye okwai eng' koindo, anan ye ogere eng' nyigiisindo, anan eng' karogutik che po tuguuk che pei.

SEKARIA 8:16

Chu tuguuk che tuun oyae: Ingomwachi chii age tugul eng' okweek chiitap kokwennyi imanit; oyai kirwooget ne po imanit ak kaalyeet eng' ormariichokwok.

SEKARIA 8:19

“Mwaei Kamuktaindet ne Toroor ne po lugoosyek kole: Egu eng' kootap Judah poiboiyet ak kaagaasetapkei, ak igoorwegap poiboiyet, karugutetapkei ne po arawetap ang'wan, ak ne po arawetap muut, ak ne po arawetap tisap, ak ne po arawetap taman; ocham anyun imanit ak kaalyeet.”

NG'ATUTIK 23:21

“Ye iarorchi Kamuktaindet ne Toroor Kamuktaindeng'ung' kaarorunet ko mat igaegei, amu magenen Kamuktaindet ne Toroor Kamuktaindeng'ung' kioto iman; si ma ek tengekto eng' inyee.