EZEKIEL 18:7 - BUKUIT NE TILIIL Sireet ne Dutero Kanon

⁷ ak tomo koyachi chii kiy ne ya, ago kogoweekta kiit ne ki kiname pesendo, koweekyi chiito ne ki kiname pesendo, koweekyi chiito ne kiyaachei, ama rebe chii kiy eng' koroomnateet, ak Ki kogoochi amitwogik chiito ne amei rubeet, ak kolaaksechi ne mi aach ngor;

Bukuit Ne Tilil

⁷ ak tomo koyachi chii kiy ne ya, ago kogoweekta kiit ne ki kiname pesendo, koweekyi chiito ne ki kiname pesendo, koweekyi chiito ne kiyaachei, ama rebe chii kiy eng' koroomnateet, ak Ki kogoochi amitwogik chiito ne amei rubeet, ak kolaaksechi ne mi aach ngor;

BUKUIT NE TILIL

⁷ ak tom koyachi chi kiy ne ya, ago kogoweekta kit ne kiginame besendo, koweekyi chito ne kiginame besendo, koweekyi chito ne kiyaachei, ama rebe chi kiy eng’ koromnatet, ak kigogochi amitwogik chito ne amei rubet, ak kolaaksechi ne mi ach ngor;

EZEKIEL 18:7 ပူးပေါင်းရင်းမြစ်များ

NEEMIA 5:10

Ak ki kibesendochi `icheek fedhaisyek ak peek ko uu nooto, anee, tupchosyekyuk ak otwogikyuk si kesich keljinet. Asoomok ale kemete poisyonep keljinet.

Kitabuutap JOB 22:6

Amu ki iyasyechi puch ne otupche, ak ireegune ngoroikwak che mi aach ngor.

Kitabuutap JOB 24:3

Kweryei icheek sigiryetap che ma tinyei sigiik, namei eitap mosoget agobo pesendo.

Kitabuutap JOB 24:9

Mi che ng'use kinaik che ma tinyei kwanisyek, ak konamei tuguugap kibananook agobo pesendo.

TIENWOGIKAL 112:4

Ng'eetei lapkeiyet eng' mesundeito koluuchin che po iman; tinyei myeeindo, nyiitaat rireenet ak po iman.

TIENWOGIKAL 112:9

Kigoseerseer, Ki kogoochi che ma tinyei kiy; tebyei imandanyi koigeny; kitoroori kuinennyi eng' teegisto.

TIENWOGIKAL 41:1

Paibai miising' ineendet ne ibwaati che nyerootiin; saru `Kamuktaindet ne Toroor ineendet eng' peetuutap nyalilda.

KOMONG'U 22:25

“Ngi pesenji piikyuk robiinik, che kibananook che mi kobooten, komat iyaach amemage icheek keljinet.

KOMONG'U 22:26

Nginame pesendo ngoryeetap chiitap kokweng'ung', iweekyini kotom kororokto asiista,

KOMONG'U 23:9

“Amenyaliil toondet amu ongen ole teptoi muguleldap toondet amu ki oo toek eng' emetap Misiri.

KALEWANAIK 14:31

Iteweeri Yaindennyi ne usei kibananiat, ago konyiti Yaindennyi `ineendet ne riiree ne ma tinyei kiy.

KALEWANAIK 28:27

Ma rarchin kiy ineendet ne igoochin tuguuk kibananiat, ago nyooru chubisyosyek che chaang' ineendet ne unyei konyekyik.

KALEWANAIK 28:8

Ineendet ne tesei tuguukyik eng' keljinet ne siirei ne nyolu, eng' tuguuk che tesoksei, koyumjin chooto ineendet ne riiree kibananook.

KALEWANAIK 3:31

Amat koamjin ng'etkong' chiito ne koroom, amelewen age tugul eng' ortinwekyik.

ISAIAH 1:17

oneetkei oyai ne myee! Ocheeng' kirwooget, otoret che kisastoe, obesyechi ng'aleek ne ma tinyei sigiik, ong'alaaldochi mosoget.

ISAIAH 33:15

Ineendet ne wendote imanda ak kong'alaali che lititen, ineendet ne sasei kelunetap sastaet, ne ma namei asoya, ne timei itiikyik si ma kas agobo korotiik, ak ne tuchei konyekyik si ma keer yaityet,

ISAIAH 5:7

Mbareetap sabibuk ne po Kamuktaindet ne Toroor ne po lugoosyek ko kootap Israel, ak keetinnyi ne iboiboi ineendet ko piigap Judah. Ki igen kirwooget, ago ki keer tumdaetap korotiik; ki igen imanda, ago ki kas riirek.

JEREMIA 22:3

Mwaei Kamuktaindet ne Toroor kole: Oyai okweek kirwooget ak imanda, ak osaru ne ki kiluul komong' eng' eutap usiindet: amat oyai ne ya, anan koroomnateet, oyachi toondet, anan ne ma tinyei sigiik, anan mosoget, amotumde korotiik che ma tinyei tengek, eng' olito.

EZEKIEL 16:49

Keero, kimii tengektap chepkameng'ung' Sodom; ki tinyei ineendet ak tiibiikyik menoteet, piyeng'do, ak poroteetap talbisto; ama igimit eunegap kibananook ak che ma tinyei kiy.

EZEKIEL 18:12

ne ki koyachi ne ya kibananiat ak ne ma tinyei kiy, ne ki korebis eng' koroomnateet, ne tomo koweekta kiit ne ki kiname pesendo, ak ki kotokyi konyekyik kanamonik, ne ki koyai kiit ne kiwechei,

EZEKIEL 18:16

ne tomo koyachi chii age tugul kiy ne ya, ne tomo koip kiy ne kiname pesendo, anan korebis eng' koroomnateet, ago Ki kogoochi amitwogikyik chiito ne amei rubeet, ak kolaaksechi ne mi aach ngor,

EZEKIEL 18:18

Ago ne uu kwandanyi, amu kiusiis eng' kolgolyet, ak kerep tuguugap tupchennyi eng' koroomnateet, ak koyai ne ma myee eng' piikyik, ogeero, meei ineendet eng' tengektanyi.

EZEKIEL 33:15

ngot koweekta kiptengekyot kiit ne kiname pesendo, ak koweekta kogeny kiit ne kirebei, ak kowendote ng'atuutigap saboondo, amata koyai tengekto; kosabei iman ineendet, ma meei.

EZEKIEL 7:23

Itaany sirimdo: amu kanyi emet kirwoogutigap korotiik, ak kanyi nganaseet koroomnateet.

ATEPTAP LAWIK 19:13

“Amesastae chiitap kokweng'ung', anan irebe kiy. Amat inamdegei melektap otwogindet kot koeech.

ATEPTAP LAWIK 19:15

“Amat oyai ne ma po iman eng' kirwooget; ametiytiy kibananook anan igonyit che eecheen; ago irwookyi chiitap kokweng'ung' eng' imanda.

ATEPTAP LAWIK 25:14

Ngialdochi kiy chiitap kokweng'ung' anan ngial kiy eng' chiitap kokweng'ung', ko matoyachigei ne ya, okweegei eng' okweegei.

AMOS 2:6

Mwaei Kamuktaindet ne Toroor ko uu ni: Amu pistaosyekyik somok, ee agot ang'wan, ko ma aweechi pireet ne abire Israel amu kigoaldae che po iman fedha, ak koaldae che ma tinyei kiy kweonik.

AMOS 2:8

Eng' ole neegitee kapkorosuut age tugul, koruiye `icheek ngoroik che kiname pesendo, ak koe divaik eng' kootap kamuktaindennywa, che ki kiibe piik che ki kirwookyin.

AMOS 3:10

Mwaei Kamuktaindet ne Toroor kole, ma ingen icheek koyai ne myee, che konori koroomnateet ak rebisyet eng' kooriikwak che po laitoryat.

AMOS 6:3

Okweek che oistoi kolooit peetuut ne ya, ak oibu ng'echereetap koroomnateet koriik.

MIKAH 2:1

Pwo eng' icheek che chobei tengekto ak kotilei eng' itogusyekwak ole yaitoi yaityet! Ye kagoeech koyaei, amu tinyei kimnateet koyai.

MIKAH 3:2

Che oweche myeeindo ak ochame yaityet; che onemu irirenikwak kobooto panyeekwak eng' kawekwak;

SEPANIA 1:9

Ak abire eng' peetuunooto tugul che toroombenjin tugatuk, che inyiiti kootap kiptaiyannywa koroomnateet ak ng'aalseet.

MALAKI 3:5

Ak arikyok eng' kirwooget, ak achepchebi agoon paornateet agobo inyee aegu, arwookyi icheek che ma iywea: pooniik, che ibegei, piik che iyastos eng' lembechek, icheek che sastoe otwogindet ne kisirei eng' melektanyi, che sastoe kwony ne ki kosiirtoe manong'otyot ak ne ma tinyei sigiik, ak ne imaasi toondet, mwaei Kamuktaindet ne Toroor ne po lugoosyek.

LUKA 3:11

Ak ki wolji icheek koleenji, “Ineendet ne tinyei sumotik aeng', kogoochi ne ma tinyei; ak ingoyai ko uu nooto agine ne tinyei amitwogik.”

NG'ATUTIK 24:17

Amemaas kirwoogetap toondet anan ne ma tinyei sigiik anan iname pesendo ngoryeetap mosoget.