EZEKIEL 18:4 - BUKUIT NE TILIIL Sireet ne Dutero Kanon

⁴ Ogeero, chechuuk saboonwegap piik tugul; ko uu ye nenyu saboondap kwanda, ko nenyu agine saboondap weeriit: meei saboondap chiito ne yaei tengekto.

Bukuit Ne Tilil

⁴ Ogeero, chechuuk saboonwegap piik tugul; ko uu ye nenyu saboondap kwanda, ko nenyu agine saboondap weeriit: meei saboondap chiito ne yaei tengekto.

BUKUIT NE TILIL

⁴ Ogeero, chechuk sobonwekab bik tugul; ko u ye nenyu sobondab kwanda, ko nenyu agine sobondab werit: meei sobondab chito ne yaei tengekto.

EZEKIEL 18:4 ပူးပေါင်းရင်းမြစ်များ

2 LAITORINIK 14:6

Ago ma par lagogap rumichooto, ko uu ye ki kisir eng' bukuitap Ng'atuutyetap Musa, ko uu ye ki ng'at Kamuktaindet ne Toroor, kole: “Ma kibarei kwanisyek amu lagok, anan kebar lagok amu kwanisyek; ago ki parei chii age tugul agobo tengektanyi.”

Kitabuutap JOB 21:20

Ingogeer konyekyik ng'emisyennyi, ak ingoee nereegegap Ineendet Ne po Kamuktaet.

Kitabuutap JOB 8:4

Ngot ko ki koyachi `lagoguk ineendet tengekto, ko kigonde `ineendet icheek eutap pistoennywa.

ISAIAH 42:5

Mwaei ko uu nooto Kamuktaindet, Kamuktaindet ne Toroor, ne ki toi koyai kipsengwet ak koiito; ineendet ne kiito ng'wonyuni, ak che mang'une olooto; ineendet ne igoochin kabuuset piik che menyei ng'wony, ak kogoochi `kabuuset icheek che pendote.

ISAIAH 57:16

Amu ma kibortosi agoi, ama kinereechi kotugul; amu katatanuisyo eng' tainnyu, agot saboonwek che ki ayai.

JEREMIA 31:30

Ago meei chii age tugul amu tengektanyi: ak kiliilei kelegap chiito age tugul ne amei sabibuk che mindilileen.

EZEKIEL 18:20

Meei chiito ne yaei tengekto: ma namei weeriit ng'oogistap kwandanyi, ama namei kwanda ng'oogistap weeriinnyi; tebee chiito ne po iman imandanyi, ak kotebee kiptengekyot tengektanyi.

EZEKIEL 18:3

Mwaei Kiptaiyat Kamuktaindet ne Toroor kole ko uu ye asabe, koma oboisyee kogeny kalewenaniito eng' Israel.

EZEKIEL 18:5

Ago ngot ko po iman chii, ak koyai kiit ne po iman ak ne litit,

EZEKIEL 3:18

Ye amwachi kiptengekyot aleenji, Imee iman; ama iteechi ineendet, anan ing'alaal iteechi kiptengekyot kometo ooreennyi ne ya, si kobiit isaru saboondanyi; meei kiptengekyondonooto eng' tengektanyi; ago amagenen korotiikyik.

EZEKIEL 33:8

Ye aleenji kiptengekyot, Ee, kiptengekyondoni, imee iman, ameteechi kiptengekyondonooto kometo ooreennyi; komeei kiptengekyondonooto amu tengektanyi, ago amage korotiikyik eung'ung'.

SEKARIA 12:1

Nyigiisindap ng'olyootap Kamuktaindet ne Toroor agobo Israel.

KAITOSYEK 16:22

Ago ki ing'uruukso icheek kot kotiiny togoochikwak ng'wony ak kole, “Ee Kamuktaindet, Kamuktaindet ne po saboonwegap piik tugul, tos inereekyini tuiyet komugul ngo yai chiito agenge tengekto?”

KAITOSYEK 27:16

“Ingolewen Kamuktaindet ne Toroor, Kamuktaindetap saboonwegap piik tugul, chiito ne imuuchi koboi tuiyet,

ROMANIK 6:23

Amu melektap tengek ko meet; ago konunetap chamyet ne po Kamuktaindet ko saboondap koigeny eng' Kristo Jeso Kiptaiyandennyo.

GALATYEK 3:22

Ago ki koratyi siruutyet tuguuk tugul kimnateetap tengekto, si kobiit kigoochi che iyani, arorutyet eng' kayaneet eng' Jeso Kristo.

NG'ATUTIK 24:16

“Ma kibarei kwanisyek amu lagok anan kebar lagok amu kwanisyek. Ago ki parei chii age tugul ineegei agobo tengektanyi.”

HEBRANIK 12:9

Ak ki kitinyei kwanisyek che po poorwekyok che ki kereech kong', ago ki kigonyiti icheek: tos ma kaigai kiming'inityige Kwanda ne po saboon, ak kesapche?